ଭୁବନେଶ୍ବର, ଅନେକ ସମୟରେ ଯାତ୍ରୀମାନେ ଟ୍ରେନ ଟିକେଟ କରି ହଠାତ ତାହାକୁ ବାତିଲ ବା କ୍ୟାନସଲ କରିବାକୁ ପଡିଥାଏ। ଟିକେଟ କନର୍ଫମ ନ ହେବା ଯୋଗୁଁ ହେଉ କିମ୍ବା ଅନ୍ୟ କୌଣସି ଜରୁରୀ କାମ ପାଇଁ ଯାତ୍ରୀମାନେ ଟିକେଟ ବାତିଲ କରିଥାନ୍ତି। ତେବେ ଟିକେଟ ବାତିଲ ସମୟରେ ରେଳବାଇର କେତକ ନିୟମ ଉପରେ ଧ୍ୟାନ ଦେବାର ନିହାତି ଆବଶ୍ୟକ ରହିଛି। କାରଣ ଏହାକୁ ଧ୍ୟାନରେ ନ ରଖିଲେ ହୁଏତ ଆପଣଙ୍କ ଫେରସ୍ତରୁ ଅଧିକା ପଇସା କଟି ଯାଇପାରେ। ଏପରିକି ସମସ୍ତ ପଇସା ମଧ୍ୟ ବୁଡିଯିବାର ସମ୍ଭାବନା ରହିଛି। ସେଥିପାଇଁ ଏହି ନିୟମ ବିଷୟରେ ସମସ୍ତେ ଜାଣି ରଖିବା ଉଚିତ।
ଯଦି ଆପଣଙ୍କ ଟିକେଟ RAC ବା ୱେଟିଂ ଲିଷ୍ଟରେ ଅଛି ତାହା ହେଲେ କିପରି ବାତିଲ କରିବେ
ସାଧାରଣତଃ ଟ୍ରେନ ଛାଡିବାର ବହୁ ପୂର୍ବରୁ ଟିକେଟ କନଫର୍ମର ଏକ ଚାର୍ଟ ବାହାରେ। ସେହି ଚାର୍ଟରେ ଯଦି ଆପଣଙ୍କ ଟିକେଟ RAC କିମ୍ବା ୱେଟିଂ ଲିଷ୍ଟରେ ରହିଲା ତାହା ହେଲେ ଆପଣ ଟ୍ରେନ ଛାଡିବାର 30 ମିନଟ ପୂର୍ବରୁ ଟିକେଟ ଫେରସ୍ତ କରି ଦିଅନ୍ତୁ। କାରଣ ଏହାଠାରୁ ଅଧିକ ସମୟ ଅପେକ୍ଷା କଲେ ଅଧିକ ଚାର୍ଯ୍ୟ ଲାଗିଯିବ। ଏହି ସମୟ ଭିତରେ ଯଦି ଆପଣ ସ୍ଲିପର କ୍ଲାସ ଟିକେଟ ଫେରସ୍ତ କଲେ ତେବେ ଆପଣଙ୍କର ମୂଳ ପଇସାରୁ 60 ଟଙ୍କା କଟି ବାକି ପଇସା ଫେରସ୍ତ ମିଳିବ। ଯଦି ଏସି ଟିକେଟ କରିଛନ୍ତି ତେବେ ତାହାକୁ ବାଲିତ କଲେ ଆପଣଙ୍କର ମବଳ ପଇସାରୁ 65 ଟଙ୍କା କଟିବ।
ଯଦି ଆପଣ କନର୍ଫମ ଟିକେଟ ବାତିଲ କରିବେ ତେବେ କଣ ହେବ
ଆପଣଙ୍କ ଟିକେଟ ଯଦି କନଫର୍ମ ହୋଇସାରିଛି , ହେଲେ କୌଣସି କାରଣରୁ ତାହାକୁ ବାତିଲ କରିବେ ତେବେ ଏଥିପ୍ରତି ବିଶେଷ ଧ୍ୟାନ ଦେବାକୁ ପଡିଥାଏ। ଯଦି ଆପଣ ନିୟମ ଅନୁସାରେ ଟିକେଟ ଫେରସ୍ତ ନ କରିବେ ତେବେ ଫେରସ୍ତରେ କୌଣସି ଅର୍ଥ ମିଳିବ ନାହିଁ। ସେଥିପାଇଁ ବିଶେଷ ଧ୍ୟାନ ଦେବାର ଆବଶ୍ୟକ ରହିଛି। ଯଦି ଠିକ ନିୟମ ଅନୁସାରେ ଆପଣ ଟିକେଟ ଫେରସ୍ତ କରିବେ ତେବେ ଖୁବ କମ ପଇସା କଟିବ।
ଜାଣନ୍ତୁ କନଫର୍ମ ଟିକେଟ ବାତିଲ କଲେ କଣ ରହିଛି ନିୟମ
ଯଦି ଆପଣଙ୍କ ଟିକେଟ କନର୍ଫମ ଅଛି ତେବେ ଟ୍ରେନ ଛାଡିବା ନିର୍ଦ୍ଧିରିତ ସମୟର 48 ଘଣ୍ଟା ପୂର୍ବରୁ ବାତିଲ କରନ୍ତୁ। ଏହା ଦ୍ବାରା ସାଧାରଣ କ୍ଲାସ ଟିକେଟ ପାଇଁ 60 ଟଙ୍କା ଲେଖାଏ ପ୍ରତି ଯାତ୍ରୀ ପିଛା କଟିବ। ସେହିପରି ସ୍ଲିପର କ୍ଲାସ ବାତିଲ ପାଇଁ 120 ଟଙ୍କା କଟିବ। ସେହିପରି ଏସି ଚ୍ୟାୟର ଏବଂ ଥାର୍ଡ ଏସି ବାତିଲ ପାଇଁ 180 ଟଙ୍କା କଟିବ। ସେକେଣ୍ଡ ଏସି ପାଇଁ 200 ଟଙ୍କା ଏବଂ ଫାଷ୍ଟ ଏସି ବା ଏକ୍ସୁକେଟିଭ କ୍ଲାସ ପାଇଁ 240 ଟଙ୍କା କଟିବ। ଏଥିସହିତ ଜିଏସଟି ମଧ୍ୟ ଲାଗିବ।
ଯଦି ଆପଣ 48 ଘଣ୍ଟା ପୂର୍ବରୁ ଟିକେଟ ଫେରସ୍ତ କରି ନାହାଁନ୍ତି ତେବେ ସେଥିରେ ଅଧିକ ଚାର୍ଯ୍ୟ ଲାଗିବ। ଟ୍ରେନ ଛାଡିବାର ନିର୍ଦ୍ଧାରିତ ସମୟର 48 ଘଣ୍ଟା ଭିତରେ କିମ୍ବା 12 ଘଣ୍ଟା ପୂର୍ବରୁ ଫେରସ୍ତ କଲେ 25 ପ୍ରତିଶତ ମୂଲ୍ୟ ହ୍ରାସ ହେବ। ଟ୍ରେନ ଛାଡିବାର ନିର୍ଦ୍ଧାରିତ ସମୟର 12 ଘଣ୍ଟା ଭିତରେ ଟିକେଟ ବାତିଲ କଲେ ତେବେ 50 ପ୍ରତିଶତ ମୂଲ୍ୟ କଟିଯିବ। ହେଲେ ସାବଧାନ,ଟ୍ରେନ ଛାଡିବାର 4 ଘଣ୍ଟା ପୂର୍ବରୁ ଟିକେଟ ବାତିଲ ନ କଲେ ଆପଣଙ୍କୁ କୌଣସି ଫେରସ୍ତ ହେବ ନାହିଁ।
ସେଥିପାଇଁ ଟ୍ରେନ ଛାଡିବାର ନିର୍ଦ୍ଧାରିତ ସମୟର 12 ଘଣ୍ଟା ପୂର୍ବରୁ କନଫର୍ମ ଟିକେଟ ଯାତ୍ରା ଧ୍ୟାନ ଦେବା ଉଚିତ। ସେହିପରି ୱେଟିଂ ଲିଷ୍ଟ ବା RAC ଯାତ୍ରୀମାନେ ଟ୍ରେନ ଛାଡିବାର ନିର୍ଦ୍ଧାରିତ ସମୟର 30 ମିନଟ ପୂର୍ବରୁ ଟିକଟ ବାତିଲ କରିବା ପାଇଁ ଚେଷ୍ଠା କରନ୍ତୁ।