ନୂଆଦିଲ୍ଲୀ, କେନ୍ଦ୍ର ଅର୍ଥ ଏବଂ କର୍ପୋରେଟ୍ ବ୍ୟାପାର ମନ୍ତ୍ରୀ ଶ୍ରୀମତୀ ର୍ନିମଳା ସୀଥାରମଣ ଆଜି ୨୦୨୧-୨୨ ପାଇଁ ପବ୍ଲିକ ସେକ୍ଟର ବ୍ୟାଙ୍କ (ପିଏସ୍ବି) ସଂସ୍କାର ଏଜେଣ୍ଡା ” ଇଏଏସ୍ଇ ୪.୦ ର ଚତୁର୍ଥ ସଂସ୍କରଣକୁ ଉନ୍ମୋଚନ କରିଛନ୍ତି – ପ୍ରଯୁକ୍ତିବିଦ୍ୟା-ସକ୍ଷମ, ସରଳୀକୃତ ଏବଂ ସହଯୋଗୀ ବ୍ୟାଙ୍କିଙ୍ଗ । ସେ ୨୦୨୦-୨୧ ପାଇଁ ପିଏସ୍ବି ସଂସ୍କାର ଏଜେଣ୍ଡା ଇଏଏସ୍ଇ ୩.୦ ପାଇଁ ବାର୍ଷିକ ରିପୋର୍ଟ ଉନ୍ମୋଚନ କରିଥିଲେ ଏବଂ ଇଏଏସ୍ଇ ୩.୦ ବ୍ୟାଙ୍କିଙ୍ଗ୍ ସଂସ୍କାର ସୂଚକାଙ୍କରେ ଶ୍ରେଷ୍ଠ ପ୍ରଦର୍ଶନକାରୀ ବ୍ୟାଙ୍କଗୁଡିକୁ ସମ୍ମାନିତ କରିବା ପାଇଁ ପୁରସ୍କାର ବିତରଣ ଉତ୍ସବରେ ଅଂଶଗ୍ରହଣ କରିଥିଲେ ।
ଏହି କାର୍ୟ୍ୟକ୍ରମରେ ଆର୍ଥିକ ସେବା ବିଭାଗର ଅତିରିକ୍ତ ସଚିବ ଶ୍ରୀ ପଙ୍କଜ ଜୈନ, ଆର୍ଥିକ ସେବା ବିଭାଗର ଅତିରିକ୍ତ ସଚିବ ଏବଂ ଆଇବିଏର ଅଧ୍ୟକ୍ଷ ଶ୍ରୀ ଅମିତ ଅଗ୍ରୱାଲ ଏବଂ ଶ୍ରୀ ରାଜକିରଣ ରାୟ ଜି ମଧ୍ୟ ଉପସ୍ଥିତ ଥିଲେ । ଏସବିଆଇ, ବିଓବି ୟୁନିଅନ୍ ବ୍ୟାଙ୍କ ଅଫ୍ ଇଣ୍ଡିଆ ଶୀର୍ଷ ପୁରସ୍କାର ଜିଣିଛନ୍ତି
ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ, ବ୍ୟାଙ୍କ ଅଫ୍ ବରୋଦା ଏବଂ ୟୁନିଅନ୍ ବ୍ୟାଙ୍କ ଅଫ୍ ଇଣ୍ଡିଆର ଇଏଏସ୍ଇ ସୂଚକାଙ୍କକୁ ଆଧାର କରି ପିଏସ୍ବି ସଂସ୍କାର ଇଏଏସ୍ଇ ୩.୦ ପାଇଁ ସର୍ବୋତ୍ତମ ପ୍ରଦର୍ଶନକାରୀ ବ୍ୟାଙ୍କ ଭାବେ ପୁରସ୍କାର ଜିତିଛନ୍ତି ।
ଇଣ୍ଡିଆନ ବ୍ୟାଙ୍କ୍ କ୍ଷେତ୍ର ସ୍ତରରେ ସର୍ବୋତ୍ତମ ପ୍ରଦର୍ଶନ ପାଇଁ ପୁରସ୍କାର ଲାଭ କରିଛି । ଏସବିଆଇ, ବିଓବି, ୟୁନିଅନ୍ ବ୍ୟାଙ୍କ ଅଫ୍ ଇଣ୍ଡିଆ, ପଞ୍ଜାବ ନ୍ୟାସନାଲ ବ୍ୟାଙ୍କ ଏବଂ କାନାରା ବ୍ୟାଙ୍କ ପିଏସ୍ବି ସଂସ୍କାର ଏଜେଣ୍ଡା ଇଏଏସ୍ଇ ୩.୦ ର ବିଭିନ୍ନ ବିଷୟବସ୍ତୁରେ ଶୀର୍ଷ ପୁରସ୍କାର ଜିତିଥିଲେ ।
