ଦିଲ୍ଲୀ: ୨୦୨୧ – ୨୨ର ଚିନି ଋତୁ (ଅକ୍ଟୋବର – ସେପ୍ଟେମ୍ବର) ମଧ୍ୟରେ ଦେଶରେ ୫,୦୦୦ ଲକ୍ଷ ମେଟ୍ରିକ୍ ଟନ୍ (ଏଲ୍ଏମ୍ଟି)ରୁ ଅଧିକ ଆଖୁ ଉତ୍ପାଦିତ ହୋଇଛି, ଯେଉଁଥିରେ ପ୍ରାୟ ୩୫୭୪ ଏଲ୍ଏମ୍ଟି ଆଖୁକୁ ଚିନି (ସୁକ୍ରୋଜ) ମିଲ୍ ଗୁଡିକରେ ବ୍ୟବହାର କରି ପାଖାପାଖି ୩୯୪ ଏଲ୍ଏମ୍ଟି ଚିନି ଉତ୍ପାଦନ କରାଯାଇଛି। ଏହା ସହିତ, ଭାରତ ବିଶ୍ୱରେ ଚିନିର ସବୁଠାରୁ ବଡ ଉତ୍ପାଦକ ଏବଂ ଉପଭୋକ୍ତା ହେବା ସହିତ ବିଶ୍ୱର ଦି୍ୱତୀୟ ସବୁଠାରୁ ବଡ ଚିନି ରପ୍ତାନିକାରୀ ଦେଶ ଭାବେ ମୁଣ୍ଡ ଟେକିଛି।
ଏହି ଋତୁ ଭାରତୀୟ ଚିନି କ୍ଷେତ୍ର ନିମନ୍ତେ ୱାଟରସେଡ୍ (ଜଳଚ୍ଛାୟା) ଋତୁ ସାବ୍ୟସ୍ତ ହୋଇଛି। ଏହ ଋତୁରେ ଆଖୁ ଉତ୍ପାଦନ, ଚିନି ଉତ୍ପାଦନ, ଚିନି ରପ୍ତାନି, ଆଖୁ କ୍ରୟ, ଆଖୁ ନିମନ୍ତେ ବାକି ରହିଥିବା ଅର୍ଥ ପ୍ରଦାନ ଏବଂ ଇଥାନଲ୍ ଉତ୍ପାଦନର ସମସ୍ତ ରେକର୍ଡ ସୃଷ୍ଟି ହୋଇଛି।
ଋତୁର ଆଉ ଏକ ଚମତ୍କାର ଆକର୍ଷଣ ହେଉଛି, ପ୍ରାୟ ୧୦୯.୮ ଏଲ୍ଏମ୍ଟିର ଉଚ୍ଚତମ ରପ୍ତାନି, ଯାହା ମଧ୍ୟ ବିନା କୌଣସି ଆର୍ଥିକ ସହାୟତାରେ ହୋଇ ପାରିଛି, ଯାହାକୁ ୨୦୨୦ – ୨୧ ପର୍ଯ୍ୟନ୍ତ ବୃଦ୍ଧି କରା ଯାଇଥିଲା। ସହାୟକ ଅନ୍ତର୍ଜାତୀୟ ମୂଲ୍ୟ ଏବଂ ଭାରତ ସରକାରଙ୍କର ନୀତି ଭାରତୀୟ ଚିନି ଉଦ୍ୟୋଗର ଏହି ଉପଲବ୍ଧିକୁ ସୃଷ୍ଟି କରିଛି। ଏହି ସବୁ ରପ୍ତାନି ଗୁଡିକ ଯୋଗୁଁ ଦେଶ ପାଇଁ ପ୍ରାୟ ୪୦,୦୦୦ କୋଟି ଟଙ୍କା ଉପାର୍ଜନ ହୋଇ ପାରିଛି।
ଚିନି ଉଦ୍ୟୋଗ ଗୁଡିକର ସଫଳତାର କାହାଣୀ, ଦେଶରେ ବ୍ୟବସାୟ ନିମନ୍ତେ ବହୁତ ସହାୟକ ସାମଗ୍ରିକ ପାରିବେଶିକ ବ୍ୟବସ୍ଥା ସହିତ କେନ୍ଦ୍ର ଏବଂ ରାଜ୍ୟ ସରକାର ମାନଙ୍କର, କୃଷକ ମାନଙ୍କର, ଚିନି ମିଲ୍ ଗୁଡିକର, ଇଥାନଲ୍ ଡିଷ୍ଟିଲେରିଜ୍ ଗୁଡିକର ସମକାଳୀନ ଏବଂ ସହଯୋଗାତ୍ମକ ପ୍ରୟାସ ଗୁଡିକର ପରିଣାମ ଅଟେ। ୨୦୧୮ – ୧୯ ଆର୍ôଥକ ବର୍ଷରେ ଆର୍ଥିକ ସଙ୍କଟରୁ ଉଦ୍ଧାର କରିବା ଠାରୁ ନେଇ ୨୦୨୧- ୨୨ରେ ଆତ୍ମନିର୍ଭରତାର ପର୍ଯ୍ୟାୟ ପର୍ଯ୍ୟନ୍ତ ପାଦକୁ ପାଦ ମିଶାଇ ଚିନି କ୍ଷେତ୍ରକୁ ଗଠନ କରିବା ନିମନ୍ତେ ଗତ ୫ ବର୍ଷର ସମୟ ମଧ୍ୟରେ ସରକାରୀ ହସ୍ତକ୍ଷେପ ପହତ୍ୱପୂର୍ଣ୍ଣ ମଧ୍ୟ ରହିଛି।
ଚିନି ଋତୁ ୨୦୨୧ – ୨୨ ସମୟ ମଧ୍ୟରେ, ଚିନି ମିଲ୍ ଗୁଡିକ ୧.୧୮ ଲକ୍ଷ କୋଟିରୁ ଅଧିକ ଟଙ୍କାର ଆଖୁର କ୍ରୟ କରିଛନ୍ତି ଏବଂ ଭାରତ ସରକାରଙ୍କର କୌଣସି ଆର୍ଥିକ ସହାୟତା (ରିହାତି) ବିନା ୧.୧୨ ଲକ୍ଷ କୋଟି ଟଙ୍କାରୁ ଅଧିକ ଟଙ୍କାର ଦେୟ ପ୍ରଦାନ କରା ଯାଇଛି। ଏହି ଭଳି ଭାବେ, ଚିନି ଋତୁର ଶେଷ ସୁଦ୍ଧା ଆଖୁ ନିମନ୍ତେ ରହିଥିବା ବାକି ପରିମାଣ ୬୦୦୦ କୋଟିରୁ କମ୍ ରହିଛି, ଯାହା ଦର୍ଶାଉଛି ଯେ, ଆଖୁ ନିମନ୍ତେ ରହିଥିବା ବାକିର ୯୫% ପ୍ରଥମେ ସୁଝି ଦିଆ ଯାଇଛି। ଏହା ମଧ୍ୟ ଉଲ୍ଲେଖନୀୟ ଯେ, ଚିନି ଋତୁ ୨୦୨୦ – ୨୧ ନିମନ୍ତେ, ୯୯.୯%ରୁ ଅଧିକ ଆଖୁ ପାଇଁ ରହିଥିବା ବାକି ସୁଝି ଦିଆ ଯାଇଛି।
ସରକାର ଚିନି ମିଲ୍ ଗୁଡିକୁ ଚିନିକୁ ଇଥାନଲ୍ ପରିବର୍ତ୍ତନ କରିବା ନିମନ୍ତେ ଏବଂ ଆବଶ୍ୟକ ଠାରୁ ଅଧିକ ଚିନିକୁ ରପ୍ତାନି କରିବା ନିମନ୍ତେ ପ୍ରୋତ୍ସାହିତ କରୁଛନ୍ତି, ଯାହା ଫଳରେ ଚିନି ମିଲ୍ ଗୁଡିକ ଉଚିତ୍ ସମୟରେ କୃଷକ ମାନଙ୍କୁ ଆଖୁ ପାଇଁ ଟଙ୍କା ପ୍ରଦାନ କରି ପାରିବେ ଏବଂ ମିଲ୍ ଗୁଡିକୁ ନିଜର ପରିଚାଳନା ଜାରି ରଖିବା ନିମନ୍ତେ ଉତ୍ତମ ଆର୍ôଥକ ସ୍ଥିତି ମିଳି ପାରିବ।
ଗତ ୫ ବର୍ଷ ମଧ୍ୟରେ ଜୈବ ଇନ୍ଧନ କ୍ଷେତ୍ର ରୂପରେ ଇଥାନଲ୍ର ବିକାଶ ଚିନି କ୍ଷେତ୍ରକୁ ବହୁତ ସମର୍ଥନ କରିଛି, କାରଣ ଇଥାନଲ୍ ପାଇଁ ଚିନିର ବ୍ୟବହାର ଦ୍ୱାରା ଚିନି ମିଲ୍ ଗୁଡିକୁ ଉତ୍ତମ ଆର୍ôଥକ ସ୍ଥିତି ମିଳି ପାରିଛି, ଯାହା ଫଳରେ ଦ୍ରୁତ ଗତିରେ ଅର୍ଥ ପ୍ରଦାନ ହେଉଛି, କାର୍ଯ୍ୟକାରୀ ପୁଞ୍ଜି ଆବଶ୍ୟକତା କମ୍ ହୋଇଛି ଏବଂ କମ୍ ବଳକା ଚିନି କାରଣରୁ କମ୍ ପାଣ୍ଠି ଅଟକି ରହିଛି। ୨୦୨୧ – ୨୨ ସମୟ ମଧ୍ୟରେ, ଚିନି ମିଲ୍ ଗୁଡିକ/ ଡିଷ୍ଟିଲେରୀ ଗୁଡିକ ଦ୍ୱାରା ଇଥାନଲ୍ର ବିକ୍ରି ଯୋଗୁଁ ପ୍ରାୟ ୧୮,୦୦୦ କୋଟି ଟଙ୍କାର ରାଜସ୍ୱ ଅର୍ଜନ କରା ଯାଇଛି, ଯାହା କୃଷକ ମାନଙ୍କୁ ଦିଆ ଯିବାକୁ ଥିବା ଆଖୁ ନିମନ୍ତେ ରହିଥିବା ବାକିକୁ ଶୀଘ୍ର ପ୍ରଦାନ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଛି। ଶିରା/ଚିନି ଆଧାରିତ ଡିଷ୍ଟିଲେରୀ ଗୁଡିକର ଇଥାନଲ୍ ଉତ୍ପାଦନ କ୍ଷମତା ବୃଦ୍ଧି ପାଇ ପ୍ରତି ବର୍ଷ ୬୦୫ କୋଟି ଲିଟର ହୋଇ ଯାଇଛି ଏବଂ ପେଟ୍ରୋଲ୍ ସହିତ ଇଥାନଲ୍ ମିଶ୍ରଣ କାର୍ଯ୍ୟକ୍ରମ (ଇବିପି) ଅନୁସାରେ ୨୦୨୫ ସୁଦ୍ଧା ୨୦% ମିଶ୍ରଣର ଲକ୍ଷ୍ୟକୁ ପୂରଣ କରିବା ନିମନ୍ତେ ଉନ୍ନତି ଏବେ ଜାରି ରହିଛି। ନୂତନ ଋତୁରେ, ଚିନିର ଇଥାନଲ୍କୁ ପରିବର୍ତ୍ତନ ୩୫ ଏଲ୍ଏମ୍ଟିରୁ ବୃଦ୍ଧି ପାଇ ୫୦ ଏଲ୍ଏମ୍ଟି ହେବାର ଆଶା ରହିଛି, ଯେଉଁଥିରେ ଚିନି ମିଲ୍ ଗୁଡିକୁ ପ୍ରାୟ ୨୫,୦୦୦ କୋଟି ଟଙ୍କାର ରାଜସ୍ୱ ମିଳିବ।
୬୦ ଏଲ୍ଏମ୍ଟି ଚିନି ଏକ ସନ୍ତୁଳିତ କ୍ଲୋଜିଂ ବାଲାନ୍ସ, ଯାହା ୨.୫ ମାସ ନିମନ୍ତେ ଘରୋଇ ଆବଶ୍ୟକତା ଗୁଡିକୁ ପୂରଣ କରିବା ନିମନ୍ତେ ଦରକାର। ଚିନିକୁ ଇଥାନଲ୍ରେ ପରିବର୍ତ୍ତିତ କରିବା ଯୋଗୁଁ ଏବଂ ରପ୍ତାନି କାରଣରୁ ସମ୍ପୂର୍ଣ୍ଣ ଉଦ୍ୟୋଗର ମୂଲ୍ୟ ଶୃଙ୍ଖଳା ଉନ୍ମୁକ୍ତ ହୋଇ ଯାଇଛି ଏବଂ ଏହା ସହିତ ଚିନି ମିଲ୍ ଗୁଡିକର ଆର୍ଥିକ ସ୍ଥିତିରେ ପରିବର୍ତ୍ତନ ଦେଖା ଦେଇଛି, ଯେଉଁଥିରେ ଆସନ୍ତା ଋତୁରେ ଆଉ ଅଧିକ ବୈକଳ୍ପିକ ମିଲ୍ ତିଆରି ହେବ।