ନୂଆଦିଲ୍ଲୀ: ଗୁଜୁରାଟର କମ୍ପାନୀ ଅମୁଲ ପୁଣି ଥରେ କ୍ଷୀରର ମୂଲ୍ୟ ବୃଦ୍ଧି କରିଛି। କ୍ଷୀରର ମୂଲ୍ୟ ଲିଟର ପିଛା ୩ ଟଙ୍କା ବୃଦ୍ଧି କରାଯାଇଛି। ଏହା ତୁରନ୍ତ ପ୍ରଭାବ ସହିତ କାର୍ଯ୍ୟକାରୀ ହେବ। ଏହି ବୃଦ୍ଧି ପରେ ଅମୁଲ ଗୋଲ୍ଡ ମୂଲ୍ୟର ଲିଟର ପିଛା ୬୬ ଟଙ୍କା, ଅମୁଲ ତାଜା ପିଛା ୫୪ ଟଙ୍କା, ଅମୁଲ ଗାଈ କ୍ଷୀର ଲିଟର ପିଛା ୫୬ ଟଙ୍କା ଏବଂ ଅମୁଲ ମଇଁଷି କ୍ଷୀରର ମୂଲ୍ୟ ଲିଟର ପିଛା ୭୦ ଟଙ୍କା ହେବ।
ପ୍ରକାଶ ଯେ, ଅମୁଲ ଗତ ବର୍ଷ ଅକ୍ଟୋବରରେ କ୍ଷୀରର ମୂଲ୍ୟ ଲିଟର ପିଛା ୨ ଟଙ୍କା ବୃଦ୍ଧି କରିଥିଲା। ଅମୁଲ ଚଳିତ ବର୍ଷ ପ୍ରଥମ ଥର ପାଇଁ କ୍ଷୀରର ମୂଲ୍ୟ ବୃଦ୍ଧି କରିଛି। ଡିସେମ୍ବରରେ ମଦର ଡେରି ଦିଲ୍ଲୀ ଏନସିଆରରେ କ୍ଷୀରର ମୂଲ୍ୟ ଲିଟର ପିଛା ୨ ଟଙ୍କା ବୃଦ୍ଧି କରିଥିଲା।
ଅଧା ଲିଟର କ୍ଷୀରର ମୂଲ୍ୟ କ’ଣ ହେବ?:
କମ୍ପାନୀ କହିଛି ଯେ, ବର୍ତ୍ତମାନ ଗ୍ରାହକଙ୍କୁ ଅଧା ଲିଟର ଅମୁଲ ତାଜା କ୍ଷୀର ପାଇଁ ୨୭ ଟଙ୍କା ଦେବାକୁ ପଡିବ। ଏଥି ସହିତ ଅମୁଲ ଗୋଲ୍ଡ ଅଧା ଲିଟର ପାଇଁ ୩୩ ଟଙ୍କା ଦେବାକୁ ପଡିବ। ଅମୁଲ ଗାଈ କ୍ଷୀରର ଅଧା ଲିଟର ପାଇଁ ୨୮ ଟଙ୍କା ଦେବାକୁ ପଡିବ। ଅମୁଲ ଏ୨ ମଇଁଷି କ୍ଷୀରର ଅଧା ଲିଟର ପାଇଁ ୩୫ ଟଙ୍କା ଦେବାକୁ ପଡିବ।
