ଭୋପାଳ: ମଧ୍ୟପ୍ରଦେଶରେ ନୂତନ ଅବକାରୀ ନୀତି ଲାଗୁ କରାଯାଇଛି। ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କହିଛନ୍ତି ଯେ, ନୂତନ ଅବକାରୀ ନୀତିରେ ରାଜ୍ୟ ସରକାର ମଦ୍ୟପାନ ଉପରେ ନୈତିକ ପ୍ରତିବନ୍ଧକ ଲଗାଇଛନ୍ତି। ଏହା ବ୍ୟତୀତ ସେ କହିଛନ୍ତି ଯେ, ଜନ କଲ୍ୟାଣ ତଥା ବିକାଶ କାର୍ଯ୍ୟ ପାଇଁ ଅର୍ଥର ଅଭାବ ନାହିଁ। ରାଜ୍ୟର ମାତୃ ଶକ୍ତିର ସମ୍ମାନ, ନିରାପତ୍ତା ଏବଂ ସ୍ୱାର୍ଥ ଅନୁଯାୟୀ ଅବକାରୀ ନୀତି ଆଣିଥିବାରୁ ଶ୍ରୀ ଚୌହାନ ରବିନ୍ଦ୍ର ଭବନରେ ଅଭିନନ୍ଦନ ସମାରୋହରେ ଅଂଶଗ୍ରହଣ କରିଥିଲେ। ଏହି ସମୟରେ ସେ କହିଛନ୍ତି ଯେ, ସର୍ବସାଧାରଣ ସ୍ଥାନରେ ପିଇବାକୁ ବାରଣ କରାଯାଇଛି। ଦୁର୍ଘଟଣାକୁ ରୋକିବା ଏବଂ ସମାଜର ଉନ୍ନତି ଦିଗରେ ଏହା ଏକ ବଡ ପଦକ୍ଷେପ।
ଶିବରାଜ ସିଂ ଚୌହାନ କହିଛନ୍ତି ଯେ, ମୁଁ ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ଉମା ଭାରତୀଙ୍କୁ ମା, ଭଉଣୀ, ଝିଅଏବଂ ବନ୍ଧୁ ଭାବରେ ଦେଖୁଛି। ଦିଦିଙ୍କୁ କେବେ ନିରାଶ କରିବ ନାହିଁ। ମା, ଭଉଣୀ ଏବଂ ଝିଅମାନଙ୍କ ଉପରେ ହେଉଥିବା ଅତ୍ୟାଚାର ବିରୋଧରେ ଦିଦି ଏବଂ ମୁଁ ଏକାଠି କାମ କରିଛୁ। ଏହାର ଫଳାଫଳ ହେଉଛି ଲାଡଲି ଲକ୍ଷ୍ମୀ ଏବଂ ମୁଖ୍ୟମନ୍ତ୍ରୀ ଲାଡଲି ବହନା ଯୋଜନା ଅଟେ। ଶ୍ରୀ ଚୌହାନ କହିଛନ୍ତି ଯେ, “ମୁଁ ଉମା ଦିଦିଙ୍କ ସହ ବର୍ଷ ବର୍ଷ ଧରି କାମ କରିଆସୁଛି। ଦିଦି ଜଗତର କଲ୍ୟାଣ ପାଇଁ କାର୍ଯ୍ୟ କରନ୍ତି । ସେ ଅନ୍ୟାୟକୁ କେବେ ସହ୍ୟ କରନ୍ତି ନାହିଁ। ସେ ଜଣେ ସାମାଜିକ ସଂସ୍କାରକ। ସେ ନିଶା ନିବାରଣ, ଗୋ ସୁରକ୍ଷା ଏବଂ ଜୈବିକ ଚାଷର ପ୍ରୋତ୍ସାହନ ପାଇଁ ନିରନ୍ତର କାର୍ଯ୍ୟ କରୁଛନ୍ତି। ସରସ୍ୱତୀ ତାଙ୍କ ଗଳାରେ ରୁହନ୍ତି।
ମୁଖ୍ୟମନ୍ତ୍ରୀ ଆହୁରୀ କହିଛନ୍ତି ଯେ, ମୁଖମନ୍ତ୍ରୀ ଲାଡଲି ବହନା ଯୋଜନା ମାଧ୍ୟମରେ ପ୍ରତି ମାସରେ ଭଉଣୀଙ୍କ ଆକାଉଣ୍ଟରେ ଏକ ହଜାର ଟଙ୍କା ଜମା ହେବ। ସେନ କହିଛନ୍ତି ଯେ, ମୁଁ ସବୁବେଳେ ଦିଦିଙ୍କ ପରାମର୍ଶ ଉପରେ କାମ କରିବି। ଭଲ କାମ ପାଇଁ ମୁଁ ସବୁବେଳେ ଦିଦିଙ୍କ ଆଶୀର୍ବାଦ ଗ୍ରହଣ କରିଆସୁଛି ଏବଂ ଭବିଷ୍ୟତରେ ମଧ୍ୟ ଗ୍ରହଣ କରିବି। ତାଙ୍କର ପ୍ରେରଣା ହେତୁ ମୁଁ ଏହି କାମ କରିବାକୁ ସକ୍ଷମ ହୋଇଛି। ଝିଅଅ ଏବଂ ଭଉଣୀଙ୍କ କଲ୍ୟାଣ ପାଇଁ ଉତ୍ତମ କାର୍ଯ୍ୟ କରାଯିବ। ଏହି ଅବସରରେ ଉମା ଭାରତୀ କହିଛନ୍ତି ଯେ, ମୁଖ୍ୟମନ୍ତ୍ରୀ ଚୌହାନ ଏକ ନୂତନ ଅବକାରୀ ନୀତି ଆଣି ଏକ ଐତିହାସିକ କାର୍ଯ୍ୟ କରିଛନ୍ତି। ଏଥିପାଇଁ ସେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି।
ଉମା ଭାରତୀ କହିଛନ୍ତି ଯେ, “ମୁଁ ନୂଆ ନୀତିରେ ବହୁତ ଖୁସି। ମୋତେ ଆତ୍ମସନ୍ତୋଷ ମିଳିଛି। ମୁଖ୍ୟମନ୍ତ୍ରୀ ମୋର ହୃଦୟର ଇଚ୍ଛା ପୂରଣ କରିଛନ୍ତି। ଏଭଳି ଅବକାରୀ ନୀତି ଭାରତର କୌଣସି ରାଜ୍ୟରେ ନାହିଁ। ଭାରତୀ କହିଛନ୍ତି ଯେ, ନୂତନ ନୀତି ଅନୁଯାୟୀ ମଦ୍ୟପାନ କରିବା ପରେ କେହି ଗାଡି ଚଳାଇ ପାରିବେ ନାହିଁ କିମ୍ବା ରାସ୍ତାରେ ଯାଇପାରିବେ ନାହିଁ। ଏହି ନୀତି ଏପରି ପରିସ୍ଥିତି ସୃଷ୍ଟି କରିବ ଯେ ଲୋକମାନେ ମଦ୍ୟପାନ ଛାଡିବାକୁ ବାଧ୍ୟ ହେବେ। ଏହି ନୀତି ସମାଜର ସମ୍ମାନ ରକ୍ଷା କରିବାରେ ଏକ ମାଇଲଖୁଣ୍ଟ ବୋଲି ପ୍ରମାଣିତ ହେବ। ସେ କହିଛନ୍ତି ଯେ, ନୀତି ଅନୁସରଣ କରିବା ପ୍ରଶାସନ ସହିତ ଲୋକ ପ୍ରତିନିଧୀଙ୍କ ଏକ ବଡ ଦାୟିତ୍ଵ ଅଟେ। ପୋଲିସ କର୍ମୀଙ୍କୁ ସମର୍ଥନ କରି ଭାରତୀ କହିଛନ୍ତି ଯେ ମଦ୍ୟପ ଡ୍ରାଇଭରମାନଙ୍କୁ ବିନା ଭୟରେ ଦଣ୍ଡିତ କରିବା ଉଚିତ।