ମୁମ୍ବାଇ : ଭାରତୀୟ ସେୟାର ବଜାର ସେନସେକ୍ସ ସୋମବାର 800 ପଏଣ୍ଟ ତଳକୁ ଖସିଛି । କୋରୋନା ଭାଇରସ୍ ପ୍ରଭାବରେ ବିଶ୍ବ ବଜାର ତଳୁଆ ରହିଥିବା ବେଳେ ଭାରତୀୟ ସେୟାର ବଜାର ଉପରେ ଏହାର ପ୍ରଭାବ ପଡିଛି । ସେନ୍ସେକ୍ସ 806.89 ପଏଣ୍ଟ ତଳକୁ ଖସି 40363.23 ପଏଣ୍ଟରେ ରହିଛି । ଅନ୍ୟପକ୍ଷରେ ନିଫ୍ଟୀ 251.45 ପଏଣ୍ଟ ତଳକୁ ଖସି 11829.40 ପଏଣ୍ଟରେ ରହିଛି । ଏହି ସମୟରେ ୟୁରୋପିଆନ ବଜାର 3.87 ପ୍ରତିଶତ ତଳକୁ ଖସିଛି । ନାସ୍ଡାକ୍ 3.2 ପ୍ରତିଶତ ତଳକୁ ଖସିଥିବା ବେଳେ ଡିଓଡବ୍ଲ୍ୟୁ 1.5 ପ୍ରତିଶତ ତଳୁଆ ରହିଛି । ଡଲାରର ବିନିମୟ ମୂଲ୍ୟ ଏହି ସମୟରେ 20 ପଇସା ହ୍ରାସ ପାଇ 71.86 ଟଙ୍କାରେ ପହଞ୍ଚିଛି । (ଏଜେନ୍ସି)
