ନୂଆଦିଲ୍ଲୀ : କେନ୍ଦ୍ର ସରକାରଙ୍କ ସହିତ ଆଲୋଚନା ପରେ ଆରବିଆଇ ପକ୍ଷରୁ ୟେସ୍ ବ୍ୟାଙ୍କର ପୁନରୁଦ୍ଧାର ଯୋଜନା ଘୋଷଣା କରାଯାଇଛି । ଭାରତୀୟ ଷ୍ଟେଟ୍ ବ୍ୟାଙ୍କ (ଏସ୍ବିଆଇ) ପକ୍ଷରୁ ୟେସ୍ ବ୍ୟାଙ୍କରେ ନିବେଶ କରିବା ପାଇଁ ପ୍ରସ୍ତାବ ଦିଆଯାଇଥିବା ନେଇ ଆରବିଆଇ ଘୋଷଣା କରିଛି । ଏ ସମ୍ପର୍କରେ ଆଲୋଚନା ପରେ ସୋମବାର ସମ୍ପୂର୍ଣ୍ଣ ପୁନରୁଦ୍ଧାର ପ୍ରକ୍ରିୟା ଘୋଷଣା କରାଯିବ ବୋଲି ଆରବିଆଇ ପକ୍ଷରୁ କୁହାଯାଇଛି । ଏସ୍ବିଆଇ ୟେସ୍ ବ୍ୟାଙ୍କରେ ସମୁଦାୟ 24 ଶହ କୋଟି ନିବେଶ କରିବାର ପ୍ରସ୍ତାବ ଦେଇଛି । ୟେସ୍ ବ୍ୟାଙ୍କର 49 ପ୍ରତିଶତ ଅଂଶଧନ ଏସ୍ବିଆଇ କିଣିବାର ପ୍ରସ୍ତାବ ଦେଇଛି । ୟେସ୍ ବ୍ୟାଙ୍କର ନିବେଶକ ଏବଂ ଗ୍ରାହକ ମାନେ ଭୟଭୀତ ନହେବା ଉଚିତ୍ ବୋଲି ଆରବିଆଇ ପକ୍ଷରୁ ପ୍ରକାଶ କରାଯାଇଛି । (ଏଜେନ୍ସି)
