ନୂଆଦିଲ୍ଳୀ ; କରୋନା ଦ୍ୱାରା ସମୁଦାୟ ଦେଶରେ ୨୧ ଦିନ ବ୍ୟାପୀ ଲକ୍ଡାଉନ୍ ଘୋଷଣା କରାଯାଇଥିବା ବେଳେ ଏହା ଦ୍ୱାରା ଦେଶର ମଧ୍ୟମ ଓ କ୍ଷୁଦ୍ର ଶିଳ୍ପ ପ୍ରଭାବିତ ହେବାର ଆଶଙ୍କା କରାଯାଇଛି । ଦେଶର ଅନ୍ୟୁନ ୨ କୋଟି ଶିଳ୍ପ ସଂସ୍ଥା ଏହା ଦ୍ୱାରା ପ୍ରଭାବିତ ହେବ ବୋଲି ଅନୁମାନ କରାଯାଉଛି । ଲକ୍ଡାଉନ୍ ଯଦି ୨୧ ଦିନରୁ ଅଧିକ ଦିନ ଲାଗି ରୁହେ ତେବେ ଦେଶର ୧୯ ରୁ ୪୩ ପ୍ରତିଶତ କ୍ଷୁଦ୍ର ଏବଂ ମଧ୍ୟମ ଶିଳ୍ପ ପ୍ରଭାବିତ ହେବ ଏବଂ ସମ୍ପୂର୍ଣ୍ଣ ବନ୍ଦ ହେବାର ସମ୍ଭାବନା ରହିଛି ବୋଲି ମତ ଦେଇଛନ୍ତି ଗେମ୍ସର ଅଧ୍ୟକ୍ଷ ରବି ଭେଙ୍କଟାସେନ୍ । ଇନ୍ଫୋସିସ୍ ଏବଂ ବ୍ୟାଙ୍କ ଅଫ୍ ବରୋଦାର ମୁଖ୍ୟ ରହିଥିବା ରବି କ୍ଷୁଦ୍ର ଏବଂ ମଧ୍ୟମ ଶିଳ୍ପକୁ ନେଇ ଚିନ୍ତା ପ୍ରକଟ କରିବା ସହିତ ଗେମ୍ସ ପକ୍ଷରୁ ୧୦୦ ମିଲିୟନ୍ ଡଲାର ନିବେଶ କରାଯିବ ବୋଲି ସୂଚନା ଦେଇଛନ୍ତି ।
