ନୂଆଦିଲ୍ଲୀ : ସାମସଙ୍ଗ ଇଲେକ୍ଟ୍ରୋନିକ୍ସର ଅଧ୍ୟକ୍ଷ ଲି କୁନ୍ ହି’ଙ୍କର ଦେହାନ୍ତ ହୋଇନ୍ତି। ସିଓଲର ଏକ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ 78 ବର୍ଷ ବୟସରେ ଆଖି ବୁଜିଛନ୍ତି ଲି କୁନ୍ ହି । କମ୍ପାନୀ ପକ୍ଷରୁ ତାଙ୍କର ମୃତ୍ୟୁ ସମ୍ପର୍କରେ ବିଧିବଦ୍ଧ ସୂଚନା ଦିଆଯାଇଛି । ସାମସଙ୍ଗକୁ ବିଶ୍ବର ଏକ ପ୍ରତିଷ୍ଠିତ ସୁନାମ ଅର୍ଜନ କରିଥିବା କମ୍ପାନୀ ଭାବେ ପରିଚୟ ଦେଇଥିଲେ ସେ । ତାଙ୍କର ଅବଦାନ ସର୍ବଦା କମ୍ପାନୀକୁ ଆଗକୁ ବଢାଇନେବାରେ ସାହାଯ୍ୟ କରିବ ବୋଲି କମ୍ପାନୀ କହିଛି ।ଏହା ପୂର୍ବରୁ ଲି-କୁନ-ହିଙ୍କୁ 2014ରେ ହାର୍ଟ ଆଟାକ୍ ହୋଇଥିଲା । ଏହାପରେ ସେ ଅସୁସ୍ଥ ହୋଇପଡିଥିଲେ । ଭାଇସ ଚେୟାରମ୍ୟାନ ଲି ଜେ-ୟୋଙ୍ଗ କମ୍ପାନୀକୁ ସମ୍ଭାଳିଥିଲେ। (ଏଜେନ୍ସି)
