ଭୁବନେଶ୍ବର, ଯଦି ଘରେ ସଠିକ୍ ଦିଗରେ କାନ୍ଥ ବା ଟେବୁଲ ଘଣ୍ଟା ନ ଥାଏ କିମ୍ବା ଭୁଲ ଭାବେ ରଖା ଯାଇଥାଏ, ତେବେ ତାହା ଘର ପାଇଁ ଅମଙ୍ଗଳ ସାବସ୍ତ ହୁଏ। ଆପଣ ସମସ୍ତ ଚେଷ୍ଟା ସତ୍ତ୍ବେ କୌଣସି କାର୍ଯ୍ୟ ଠିକରେ ହୋଇପାରିବ ନାହିଁ। ପ୍ରତ୍ୟେକ କାର୍ଯ୍ୟ ବାଧା ପ୍ରାପ୍ତ ହେବ। ଯେତେବେଳେ ଆପଣ ବାସ୍ତୁ ଶାସ୍ତ୍ରବିତଙ୍କ ନିୟମ ଅନୁଯାୟୀ ଘରର କାନ୍ଥ ଘଣ୍ଟାକୁ ଠିକ୍ ଦିଗରେ ରଖିବେ, ସେତେବେଳେ ଆପଣଙ୍କୁ ସକରାତ୍ମକ ଶକ୍ତି ମିଳିବ। ଅଟକି ରହିଥିବା କାର୍ଯ୍ୟ ଶିଘ୍ର ସମାପ୍ତ ହେବ।
ପ୍ରାୟତଃ ଲୋକମାନେ ନିଜ ସୁବିଧା ଅନୁଯାୟୀ ଘରର ଯେ କୌଣସି ସ୍ଥାନରେ କାନ୍ଥ ଘଣ୍ଟା ଟାଙ୍ଗନ୍ତି। କିନ୍ତୁ ବାସ୍ତୁ ଶାସ୍ତ୍ରବିତଙ୍କ ଅନୁଯାୟୀ, କିଛି ସ୍ଥାନ ଏବଂ ଦିଗ ଅଛି, ଯେଉଁଠାରେ ଘଣ୍ଟା ଶୁଭ ଫଳାଫଳ ଦେଇଥାଏ। ସେମାନଙ୍କ ଅନୁଯାୟୀ, ଦକ୍ଷିଣ ଦିଗରେ ଥିବା କାନ୍ଥରେ ଭୁଲରେ ସୁଦ୍ଧା କାନ୍ଥ ଘଣ୍ଟା ଲଗାନ୍ତୁ ନାହିଁ। କାରଣ ନକାରାତ୍ମକ ଶକ୍ତି ଏହି ଦିଗରୁ ଆସିଥାଏ।
କିଛି ଘଣ୍ଟାର ଶବ୍ଦ କର୍କଶ ହୋଇଥାଏ। ସେପରି ଘଣ୍ଟା ଘରେ ଟାଙ୍ଗନ୍ତୁ ନାହିଁ। କାରଣ ଏପରି ଘଣ୍ଟା ଘରେ ଟେନସନ୍ ସୃଷ୍ଟି କରିଥାଏ। ଆପଣଙ୍କ ଘରେ ସୁଖ, ଶାନ୍ତି ଏବଂ ସକରାତ୍ମକ ଶକ୍ତି ବଜାୟ ରଖିବା ପାଇଁ, ସର୍ବଦା ଏକ ସୁମଧୁର ସଙ୍ଗୀତ ପ୍ରଦାନ କରୁଥିବା ଘଣ୍ଟା ରଖନ୍ତୁ। ଘରେ କଦାପି ଖରାପ ଘଣ୍ଟା ରଖନ୍ତୁ ନାହିଁ। ସେହିପରି କାନ୍ଥରେ ଏପରି ଘଣ୍ଟା ରଖନ୍ତୁ ନାହିଁ, ଯାହାର କାଚ ଭାଙ୍ଗି ଯାଇଛି। ବାସ୍ତୁ ଶାସ୍ତ୍ରବିତଙ୍କ ଅନୁଯାୟୀ, ଘରେ ଭଙ୍ଗା ଏବଂ ଖରାପ ଘଣ୍ଟା ରଖିବା ପରିବାର ସଦସ୍ୟଙ୍କ ଉପରେ ଖରାପ ପ୍ରଭାବ ପକାଇଥାଏ।