ମୁମ୍ବାଇ, ବ୍ୟାଙ୍କ ନେଣଦେଣ ଠିକ୍ ଭାବେ କରି ନ ଥିବାରୁ ଭାରତୀୟ ରିଜର୍ଭ ବ୍ୟାଙ୍କ ବା ଆରବିଆଇ ଏକ ବ୍ୟାଙ୍କ ଲାଇସେନସକୁ ରଦ୍ଦ କରିଦେଇଛି। ଡିସେମ୍ବର ସାତ ତାରଖଠାରୁ ଏହି ବ୍ୟାଙ୍କ କୌଣସି କାରବାର କରିପାରିବ ନାହିଁ ବୋଲି ନିର୍ଦ୍ଦେଶ ଦେଇଛି। ତୁରନ୍ତ ଏହି ନିର୍ଦ୍ଦେଶକୁ କାର୍ଯ୍ୟକାରୀ କରିବା ପାଇଁ କୁହାଯାଇଛି। ଆରବିଆଇ କହିଛି ଯେ, ସାଧାରଣତଃ ସମବାୟ ବ୍ୟାଙ୍କ ଗୁଡିକ ଯେତିକି ନିମ୍ନତମ ଜମା ରଖିବା କଥା ତାହା ଏହି ବ୍ୟାଙ୍କ କରି ନାହିଁ।
ଏଥି ସହିତ ଆରବିଆଇ କହିଛି ଯେ ଏହି ବ୍ୟାଙ୍କ ସାଧାରଣରେ ଯେତିକି କାରବାର କରିବା କଥା ତାହା ମଧ୍ୟ କରିପାରୁ ନାହିଁ। ଏପରିକି ବ୍ୟାଙ୍କର ଆୟ ବୋଲି କିଛି ନାହିଁ। ଫଳରେ ବ୍ୟାଙ୍କି ରେଗୁଲେସନ ଆକ୍ଟ 1949ର ସେକ୍ସନ 22(3) (a), 22 (3) (b), 22(3)(c), 22(3) (d) ଏବଂ 22(3)(e) ଧାରା ଅନୁଯାଇ ଏହାକୁ ବନ୍ଦ କରାଯାଇଛି। ଏହି ବ୍ୟାଙ୍କଟି ହେଉଛି ମହାରାଷ୍ଟ୍ରର ‘କରଦ ଜନତା ସହକାରୀ ବ୍ୟାଙ୍କ’। ତେବେ ଏହି ବ୍ୟାଙ୍କରେ ଯେଉଁମାନେ ଜମା ରଖିଛନ୍ତି ସେମାନଙ୍କ ଟଙ୍କା ସୁରକ୍ଷିତ ରହିଛି ବୋଲି ଆରବିଆଇ କହିଛି।
