ଶ୍ରୀନଗର: ଆଜି ହରୱାନ ଅଞ୍ଚଳରେ ଆତଙ୍କବାଦୀଙ୍କ ସହ ହୋଇଥିବା ମୁକାବିଲାରେ ଜଣେ ଅଜ୍ଞାତ ଆତଙ୍କବାଦୀକୁ ସୁରକ୍ଷା ବାହିନୀ ନିହତ କରିଛି। କାଶ୍ମୀର ଜୋନ୍ ପୋଲିସ ଟୁଇଟ୍ କରି ଏ ସମ୍ପର୍କରେ ସୂଚନା ଦେଇଛି।
ସୂଚନା ଅନୁଯାୟୀ, ଆଜି ସକାଳେ ଜାମ୍ମୁ କାଶ୍ମୀରର ହରୱାନ ଅଞ୍ଚଳରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ମୁହାଁମୁହିଁ ହେବାର ଖବର ସାମ୍ନାକୁ ଆସିଥିଲା ଯେଉଁଥିରେ ସୁରକ୍ଷାକର୍ମୀଙ୍କ ଦ୍ୱାରା ଜଣେ ଆତଙ୍କବାଦୀ ନିହତ ହୋଇଥିଲା। ତେବେ ପ୍ରାଥମିକ ତଦନ୍ତରେ ଆତଙ୍କବାଦୀଙ୍କ ନାମ କିମ୍ବା ପରିଚୟ ସମ୍ପର୍କରେ କୌଣସି ସୂଚନା ପ୍ରକାଶ କରାଯାଇଥିଲା। କିନ୍ତୁ ଚିହ୍ନଟ ହେବା ପରେ ଏହା ନିଶ୍ଚିତ ଭାବେ ଜଣାପଡିଛି ଯେ, ନିହତ ହୋଇଥିବା ଆତଙ୍କବାଦୀ ଲଶ୍କର-ଇ-ତୋଇବାର ସଦସ୍ୟ ବୋଲି ଜଣାପଡିଛି।
