କନ୍ଦର୍ପ ବେହେରା
ରେଢାଖୋଲ: ପ୍ରେମ ଚିରନ୍ତନ ଓ ଶାଶ୍ୱତ। ପ୍ରେମ ବିନା ମଣିଷ ବଂଚି ପାରେନା। ଆଜିକାଲି ମୋବାଇଲ ଦୁନିଆରେ ଇଣ୍ଟରନେଟ ଯୋଗେ ଯୁବକ ଯୁବତୀ ପ୍ରେମ କରୁଥିବା ବହୁତ ନଜିର ଅଛି। ପରସ୍ପରକୁ ଭଲଭାବେ ଚିହ୍ନିବା ପୂର୍ବରୁ ଯୁବକ ଯୁବତୀଙ୍କ ପ୍ରେମ ସାପରକା ଗଢିଉଠିଥାଏ। ଏଭଳି ପ୍ରେମ ଫେସବୁକରେ ଅନେକ ଘଟଣା ସାମ୍ନାକୁ ଆସୁଛି। କେତେକ କ୍ଷେତ୍ରରେ ଏହା ସଫଳ ହେଉଛି ତ ଅଧିକାଂଶ ସମୟରେ ଧୋକ୍କା ମଧ୍ୟ ଖାଇବାକୁ ପଡୁଛି।
ଏଭଳି ଏକ ଘଟଣା ସମ୍ବଲୁର ଜିଲ୍ଲା ନାକଟିଦେଉଳ ବ୍ଲକ୍ ଅଂଚଳରେ ଘଟିଛି। ପ୍ରଥମେ ଫେସ୍ ବୁକ୍ ରୁ ଚିହ୍ନା ପରିଚୟ। ପରେ ବିବାହ ଆଉ ପ୍ରତାରଣା। ଶେଷରେ ଥାନାରେ ଅଭିଯୋଗ। ଯୁବକର ଦାରିଦ୍ରତା ହିଁ ପ୍ରେମ ସଂର୍କକୁ ଭାଙ୍ଗି ଚୁର୍ ମାର୍ କରିଦେଇଛି।
ପୋଲିସ ସୂତ୍ରରୁ ପ୍ରକାଶ ଯେ, ନାକଟିଦେଉଳ ବ୍ଲକ୍ ଅଂଚଳର ଜନୈକା ଯୁବତୀ ବୟସ ପାଖ।।ଖି (୨୫) କଟକ ଜିଲ୍ଲା ମଙ୍ଗଳାବାଗ ଥାନା ରାଣିହାଟ ଅଂଚଳର ଜନୈକ ଯୁବକ ସନାତନ ମଙ୍ଗରାଜ (ସନିଆଁ) (୩୬)ଙ୍କ ସହ ଫେସ୍ ବୁକ୍ ରୁ ଚିହ୍ନା ପରିଚୟ ହୋଇଥିଲା। ପ୍ରଥମେ କଥା ବାର୍ତ୍ତା ତାପରେ ଉଭୟଙ୍କ ମଧ୍ୟରେ ପ୍ରେମ ସଂପର୍କ ଗଢିଉଠିଥିଲା। ଯୁବକର ପ୍ରେମରେ ଯୁବତୀ ଜଣଙ୍କ ଅନ୍ଧ ପାଲଟିଯାଇଥିଲ। ଶେଷରେ କଟକରୁ ଏକ କାର୍ ଧରି ଯୁବକ ଜଣଙ୍କ ନାକଟିଦେଉଳ ଅଂଚଳକୁ ଆସି ଯୁବତୀ କୁ ନେଇ ଫେରାର୍ ହୋଇଯାଇଥିଲା। ସେଠାରେ ଏକ ମନ୍ଦିରରେ ଉଭୟ ବିବାହ କରିଥିଲେ। ବିବାହ ପରେ ପ୍ରେମିକ ଘରର ଅବସ୍ଥା ଭଲ ନ ଥିବାରୁ ଉଭୟଙ୍କ ମଧ୍ୟରେ ଅସନ୍ତୋଷର ଆରମ୍ଭ ହୋଇଯାଇଥିଲା।
କୌଶଳ କ୍ରମେ କଟକ ରାଣୀହାଟରୁ ପ୍ରେମିକା ଫେରାର୍ ହୋଇଯାଇଥିଲା। ସ୍ୱାମୀ ସ୍ତ୍ରୀ ଏକାଠି ରହିବା ସତ୍ତ୍ୱେ ମଧ୍ୟ ଝିଅଟି ପ୍ରେମିକ ନାଁରେ ଦୁଷ୍କର୍ମ ଅଭିଯୋଗ ଦେଇଛି। ଏହାକୁ ଆଧାର କରି ନାକଟିଦେଉଳପୋଲିସ୍ ଏକ ମାମଲା ରୁଜୁ କରି କଟକ ରାଣୀହାଟର ଏକ ହୋଟେଲ ପାଖରୁ ସମ୍ପୃକ୍ତ ଯୁବକକୁ ଗତ କାଲି (ତା୪/୧/୨୦୨୨) ଦିବା ୧୨ ଟାରେ ଗିରଫ କରି ନାକଟିଦେଉଳ ଥାନାକୁ ଆଣିଛି।
ନାକଟିଦେଉଳ ଥାନା କେସ୍ ନଂ ୧୫୯ ତା ୧୭/୧୧/୨୦୨୧ ୟୁ/ଏସ୍- ୩୬୬/୩୭୬ (୨)(ଏନ୍) ଆଇପିସି ରେ ଏକ ମାମଲା ରୁଜୁ କରିଛି ନାକଟିଦେଉଳପୋଲିସ୍। ସମ୍ପୃକ୍ତ ଯୁବକକୁ ଆଜି ଡାକ୍ତରୀ ମାଇନା କରିବା ସହ କୋର୍ଟ ଚାଲାଣ କକରାଇଥିବା ନାକଟିଦେଉଳ ଥାନାଧିକାରୀ ବିଧୂଭୂଷଣ ଦଳାଇ ପ୍ରକାଶ କରିଛନ୍ତି।