ନୂଆଦିଲ୍ଲୀ: ପଟିଆଲା ହିଂସାର ମାଷ୍ଟରମାଇଣ୍ଡ ବରଜିନ୍ଦର ସିଂ ପରୱାନାଙ୍କୁ ପଞ୍ଜାବ ପୋଲିସ ଗିରଫ କରିଛି। ଆଜି ପୋଲିସ ତାଙ୍କୁ କୋର୍ଟରେ ହାଜର କରିବ। ଶନିବାର ଦିନ ବରଜିନ୍ଦରର ସିଂ ପରୱାନାଙ୍କୁ ମୁଖ୍ୟ ଅଭିଯୁକ୍ତ ତଥା ଶୁକ୍ରବାର ଘଟଣାର ମାଷ୍ଟରମାଇଣ୍ଡ ବୋଲି ପୋଲିସ କହିଛି। ଖଲିସ୍ତାନ ବିରୋଧୀ ପଦଯାତ୍ରା ବେଳେ ହିଂସାରେ ସମ୍ପୃକ୍ତ ଥିବା ଅଭିଯୋଗରେ ପଞ୍ଜାବ ପୋଲିସ ଶନିବାର ଦିନ ଆଉ ଦୁଇ ଜଣଙ୍କୁ ଗିରଫ କରିଛି ଏବଂ ଏହି ଘଟଣାର ଅପରାଧିକ ପୃଷ୍ଠଭୂମି ଥିବା ରାଜପୁରା ବାସିନ୍ଦାଙ୍କୁ ଚିହ୍ନଟ କରିଛି। ଦଲଜିତ ସିଂ ଏବଂ କୁଲଦୀପ ସିଂ ନାମକ ଅନ୍ୟ ଦୁଇ ଅଭିଯୁକ୍ତଙ୍କୁ ପୋଲିସ ଗିରଫ କରିଥିଲା। ଶୁକ୍ରବାର ସଂଘର୍ଷର କିଛି ଘଣ୍ଟା ପରେ ପୋଲିସ ବିନା ଅନୁମତିରେ ଶୋଭାଯାତ୍ରା କରିବା ଏବଂ ହିଂସା ସୃଷ୍ଟି କରିବା ପାଇଁ ହରିଶ ସିଙ୍ଗଲାଙ୍କୁ ଗିରଫ କରିଥିଲା।