ଢେଙ୍କାନାଳ: ନକଲି ନୋଟ କାରବାର ଅଭିଯୋଗରେ ଏସଟିଏଫ ଜଣେ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରିଛି। ସୂଚନା ମୁତାବକ ଢେଙ୍କାନାଳ ସଦର ଥାନା ଅନ୍ତର୍ଗତ ରଥପଡା ଗ୍ରାମ ପାର୍ଶ୍ୱରେ ଗତକାଲି ସଂନ୍ଧ୍ୟାରେ ନକଲି ନୋଟ କାରବାର ଚାଲିଥିବାର ଖବର ପାଇ ଏସଟିଏଫ ସ୍ଥାନୀୟ ପୋଲିସର ସହାୟତାରେ ସମ୍ପୃକ୍ତ ସ୍ଥାନରେ ଚଢ଼ାଉ କରିଥିଲା।
ଚଢ଼ାଉ ବେଳେ ଦେବଗଡ଼ ଜିଲ୍ଲା କଚେରୀ ସାହି ଥାନା ଅଞ୍ଚଳର ଅଭିଯୁକ୍ତ ତୁଷାର କୁମାର ବିଶ୍ୱାଳ (୩୧) ଗିରଫ ହୋଇଥିବାବେଳେ ତାଙ୍କ ନିକଟରୁ ୧ ଲକ୍ଷ ୯୦ ହଜାର ୬୦୦ ଟଙ୍କାର ନକଲି ନୋଟ ଏବଂ ଅନ୍ୟାନ୍ୟ ଆପତ୍ତିଜନକ ଜିନିଷ ଜବତ କରିଛି ଏସଟିଏଫ।
ଏହି ପରିପ୍ରେକ୍ଷୀରେ ଢେଙ୍କାନାଳ ସଦର ଥାନାରେ କେସ ନମ୍ବର ୬୫୮/୨୨ ରେ ଏକ ମାମଲା ରୁଜୁ କରାଯାଇ ତଦନ୍ତ ଜାରିରହିଛି।
