ନୂଆଦିଲ୍ଲୀ: ପଞ୍ଜାବର ଭାରତ-ପାକିସ୍ଥାନ ଅନ୍ତର୍ଜାତୀୟ ସୀମାରୁ ଜଣେ ପାକିସ୍ତାନୀ ‘ଅନୁପ୍ରବେଶକାରୀ’ ଧରାପଡିଛି। ମାର୍ଚ୍ଚ ୯/୧୦ ତାରିଖ ରାତିରେ ସୀମା ସୁରକ୍ଷା ବଳ (ବିଏସ୍ଏଫ୍) ତାଙ୍କୁ ଧରିଥିଲା। ବିଏସ୍ଏଫ୍ ଯବାନମାନେ ଅନୁପ୍ରବେଶକାରୀଙ୍କୁ ଧରି ତଲାସୀ ନେଇଥିଲେ। ବିଏସଏଫ ମୁଖପାତ୍ର କହିଛନ୍ତି ଯେ ଅନୁପ୍ରବେଶକାରୀ ମାର୍ଚ୍ଚ 9-10 ମଧ୍ୟରାତ୍ରିରେ ସୀମା ପାର କରି ରାଜ୍ୟର ଫିରୋଜେପୁର ସେକ୍ଟରର ‘ତିରଥ’ ସୀମା ଆଉଟପୋଷ୍ଟ ଅଞ୍ଚଳରୁ ଭାରତରେ ପ୍ରବେଶ କରିଥିଲେ। ମୁଖପାତ୍ର କହିଛନ୍ତି, “ପ୍ରାଥମିକ ପଚରାଉଚରା ବେଳେ ବ୍ୟକ୍ତି ଜଣକ କହିଥିଲେ ଯେ ସେ ପାକିସ୍ତାନର ଖାଇବର ଜିଲ୍ଲାର ବାସିନ୍ଦା।
ବର୍ତ୍ତମାନ ସୁରକ୍ଷା ଏବଂ ଗୁପ୍ତଚର ଅଧିକାରୀଙ୍କ ମିଳିତ ଟିମ୍ ତାଙ୍କୁ ପଚରାଉଚରା କରୁଛି ଏବଂ ପରେ ସ୍ଥାନୀୟ ପୋଲିସକୁ ହସ୍ତାନ୍ତର କରାଯାଇପାରେ ବୋଲି ଅଧିକାରୀମାନେ କହିଛନ୍ତି।
ପଞ୍ଜାବର ଏହି ସୀମାରେ ବିଏସଏଫ ଜଣେ ବାଂଲାଦେଶୀ ତଥା ପାକିସ୍ତାନୀ ନାଗରିକଙ୍କୁ ସମାନ ଢଙ୍ଗରେ ଧରିବା ପରେ ଗୋଟିଏ ଦିନ ପୂର୍ବରୁ ଏହି ଘଟଣା ସାମ୍ନାକୁ ଆସିଛି। ବାସ୍ତବରେ, ବିଏସଏଫ ପଞ୍ଜାବର ଅନ୍ତର୍ଜାତୀୟ ସୀମାରୁ ଭାରତରେ ଅନୁପ୍ରବେଶ କରିବାକୁ ଚେଷ୍ଟା କରୁଥିବା ଜଣେ ବାଂଲାଦେଶୀ ଏବଂ ଜଣେ ପାକିସ୍ତାନୀ ନାଗରିକଙ୍କୁ ଧରିଛି। ବିଏସଏଫ ମୁଖପାତ୍ର କହିଛନ୍ତି ଯେ, ପ୍ରଥମ ମାମଲାରେ ଅମୃତସର ସେକ୍ଟରର ରାଜତାଲ ସୀମା ପୋଷ୍ଟ ନିକଟରେ ଜଣେ ବାଂଲାଦେଶୀ ବ୍ୟକ୍ତିଙ୍କୁ ଗିରଫ କରାଯାଇଥିଲା। ମୁଖପାତ୍ର କହିଛନ୍ତି ଯେ ଡ୍ୟୁଟିରେ ଥିବା ବିଏସ୍ଏଫ୍ କର୍ମଚାରୀ ଅନୁପ୍ରବେଶ କରିବାକୁ ଚେଷ୍ଟା କରୁଥିବା ବ୍ୟକ୍ତିଙ୍କ ଉପରକୁ ଗୁଳି ଚଳାଇଥିଲେ ଏବଂ ପରେ ତାଙ୍କୁ ଗିରଫ କରିଥିଲେ।
ଅପରାହ୍ନରେ ଗୁରୁଦାସପୁର ସେକ୍ଟରର ବିଏସଏଫ ପୋଷ୍ଟ ‘ନିକ୍କା’ ନିକଟରେ ପାକିସ୍ତାନୀ ବ୍ୟକ୍ତିଙ୍କୁ ଗିରଫ କରାଯାଇଥିଲା। ମୁଖପାତ୍ର କହିଛନ୍ତି, “ଅନୁପ୍ରବେଶକାରୀ ଅନ୍ତର୍ଜାତୀୟ ସୀମା ପାର କରି ଭାରତୀୟ ଅଞ୍ଚଳରେ ପ୍ରବେଶ କରିଥିଲା। ପ୍ରାରମ୍ଭିକ ପଚରାଉଚୁରାରେ ସେ ପାକିସ୍ତାନର ସିଆଲକୋଟ ଜିଲ୍ଲାର ବାସିନ୍ଦା ଆମୀର ରଜା ବୋଲି କହିଛି।