ନୂଆଦିଲ୍ଲୀ: ପୋଲିସର ସୁରକ୍ଷା ମଧ୍ୟରେ ମାଫିଆ ଅତିକ୍ ଅହମ୍ମଦ ଏବଂ ତାଙ୍କ ଭାଇ ଆଶ୍ରଫଙ୍କୁ ହତ୍ୟା କରାଯାଇଛି। ଅତିକ୍ ଅହମ୍ମଦଙ୍କୁ ତିନି ଜଣ ଆକ୍ରମଣ କରିଥିଲେ। ଏହି ତିନିଜଣ ଆତ୍ମସମର୍ପଣ କରିଛନ୍ତି। ପୋଲିସ ଏହି ତିନିଜଣଙ୍କୁ ଗିରଫ କରିଛି।
ପ୍ରୟାଗରାଜର ମେଡିକାଲ କଲେଜ ନିକଟରେ ଗ୍ୟାଙ୍ଗଷ୍ଟର-ରାଜନେତା ଅତିକ୍ ଅହମ୍ମଦ ଏବଂ ତାଙ୍କ ଭାଇ ଆଶ୍ରଫଙ୍କୁ ଗୁଳି କରି ହତ୍ୟା କରାଯାଇଥିଲା। ଯେଉଁ ଭିଡିଓରେ ସାମ୍ନାକୁ ଆସିଛି, ମିଡିଆ କର୍ମଚାରୀଙ୍କ ମଧ୍ୟରେ ଅତିକ୍ ଙ୍କୁ ଦେଖିବାକୁ ମିଳୁଛି। ସେହି ସମୟରେ ତାଙ୍କ ଉପରକୁ ଗୁଳି ଚଳାଇ ହତ୍ୟା କରାଯାଇଥିଲା। ଅଭିଯୁକ୍ତମାନେ ଗଣମାଧ୍ୟମର ବ୍ୟକ୍ତି ଭାବରେ ଆସିଥଲେ।
ଜଣେ ସ୍ଥାନୀୟ ସାମ୍ବାଦିକ ଗଣମାଧ୍ୟମକୁ କହିଛନ୍ତି ଯେ, ଏହି ତିନି ଅଭିଯୁକ୍ତଙ୍କୁ ପୋଲିସ ଡାକ୍ତରଖାନାରେ ରଖିଛି। ଅଭିଯୁକ୍ତମାନେ ସ୍ଥାନୀୟ ବୋଲି କୁହାଯାଉଛି। ଅତିକ୍ ଏବଂ ଆଶ୍ରଫଙ୍କ ସହ ସେମାନଙ୍କର ପୁରୁଣା ଶତ୍ରୁତା ଥିଲା। ପୋଲିସ ସିସିଟିଭି ଯାଞ୍ଚ କରୁଛି।
ଉଲ୍ଲେଖ ଯୋଗ୍ୟ ଯେ, ଝାଂଶୀରେ ଏସଟିଏଫ ସହିତ ହୋଇଥିବା ଏକ ଏନକାଉଣ୍ଟରରେ ଅତିକ ଅହମ୍ମଦଙ୍କ ପୁଅ ଅସଦ ଏବଂ ଗୁଲାମ ନାମକ ଅନ୍ୟ ଜଣେ ଅଭିଯୁକ୍ତଙ୍କୁ ହତ୍ୟା କରାଯାଇଥିଲା। ଏହି ଘଟଣାଟି ଘଟିଥିଲା ଯେତେବେଳେ ଅତିକ୍ ଏବଂ ତାଙ୍କ ଭାଇ ଆଶ୍ରଫଙ୍କୁ ପ୍ରୟାଗରାଜର ସିଜେଏମ୍ କୋର୍ଟରେ ହାଜର କରାଯାଉଥିଲା।