କୈଳାଶ ଚନ୍ଦ୍ର ଚୌଧୁରୀ
ବ୍ରହ୍ମପୁର: ଗତ ବୁଧବାର ରାତିରେ ଦୁଇ ଆମ୍ବୁଲାନ୍ସ ଡ଼୍ରାଇଭର ମଧ୍ୟରେ ମାରପିଟ୍ ଘଟଣାରେ ପୋଲିସ ଉଭୟ ପକ୍ଷଙ୍କ ୭ ଜଣକୁ ଗିରଫ କରି କୋର୍ଟ ଚାଲାଣ କରିଛନ୍ତି। ଗୁରୁତର ଆହତ ଜ୍ୟୋତି କୃଷ୍ଣ ବେହେରାଙ୍କ ଅଭିଯୋଗ ପ୍ରକାରେ ସମେଶ ପାତ୍ର, ସୁବ୍ରତ ନାୟକ, ମନୋଜ ମହାନ୍ତି, ବିଟୁନା ନାୟକ ଓ ଜୟସେନ ନାୟକଙ୍କୁ ଗିରଫ କରାଯାଇଛି।
ଅପରପକ୍ଷରେ ଗୋବିନ୍ଦ ପୁଣ୍ଡିଙ୍କ ଅଭିଯୋଗ ଅନୁଯାୟୀ ଜ୍ୟୋତି କୃଷ୍ଣ ବେହେରା ଓ ରାକେଶ କୁମାର ଭୂୟାଁଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି।
ବର୍ତ୍ତମାନ ତଦନ୍ତ ଚାଲିଛି ଓ ତଦନ୍ତ ବେଳେ ଅନ୍ୟ ଯେଉଁମାନଙ୍କର ସମ୍ପ୍ରକ୍ତିର ପ୍ରମାଣ ମିଳିବ ସେହିମାନଙ୍କୁ ମଧ୍ୟ ଗିରଫ କରାଯିବ ବୋଲି ଥାନାଧିକାରୀଙ୍କ ଠାରୁ ପ୍ରକାଶ।