ନୂଆଦିଲ୍ଲୀ: ଜାତୀୟ ରାଜଧାନୀର ଅନେକ ଡାକ୍ତରଖାନାକୁ ବୋମା ଧମକ ଦିଆଯାଇଛି। ତିହାଡ ଜେଲକୁ ଏକ ବୋମା ଧମକ ଇ-ମେଲ ମଧ୍ୟ ମିଳିଛି, ଏହା ପରେ ତିହାଡ ଜେଲ ପ୍ରଶାସନ ସତର୍କ ରହିଛି। ରିପୋର୍ଟ ଅନୁଯାୟୀ, ଯେଉଁ ଡାକ୍ତରଖାନାଗୁଡ଼ିକରେ ଧମକ ଆସିଛି, ସେମାନଙ୍କ ମଧ୍ୟରେ ଦୀପଚନ୍ଦ ବନ୍ଧୁ ହସ୍ପିଟାଲ, ଜିଟିବି ହସ୍ପିଟାଲ, ଦାଦା ଦେବ ହସ୍ପିଟାଲ, ହେଡଗେୟାର ହସ୍ପିଟାଲ ଏବଂ ଅନ୍ୟାନ୍ୟ ଅନ୍ତର୍ଭୁକ୍ତ।
ଅଧିକାରୀ କହିଛନ୍ତି ଯେ, ସୂଚନା ପାଇବା ପରେ ତୁରନ୍ତ ଡାକ୍ତରଖାନାକୁ ଦଳ ପଠାଯାଇଥିଲା। ଧମକ ପରେ ଅନେକ ଡାକ୍ତରଖାନାକୁ ତୁରନ୍ତ ଖାଲି କରାଯାଇଥିଲା। ଦିଲ୍ଲୀ ପୋଲିସ ଏବଂ ଅଗ୍ନିଶମ ସେବାର ସର୍ଚ୍ଚ ଅପରେସନ ଚାଲିଛି। ବମ୍ ସ୍କ୍ବାଡ୍, କୁକୁର ସ୍କ୍ବାଡ୍, ଫାୟାର ଇଞ୍ଜିନ୍ ଏବଂ ଆମ୍ବୁଲାନ୍ସ ସବୁ ଘଟଣାସ୍ଥଳରେ ଅଛି। ଭରତ ନଗର ପୋଲିସ ଷ୍ଟେସନ ମୁଖ୍ୟଙ୍କ ସମେତ ଜିଲ୍ଲାର ବରିଷ୍ଠ ଅଧିକାରୀମାନେ ଉପସ୍ଥିତ ଅଛନ୍ତି।
