![](https://thesamikhsya.com/odia/wp-content/uploads/2024/07/delet-236.jpg)
ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ପୁରୁଣା ଦୁର୍ଦ୍ଦାନ୍ତ ଅପରାଧ ମାମଲାରେ ଲିପ୍ତ ୫ ଜଣ ଅପରାଧୀ ଏକକାଳୀନ ଏକ ନିର୍ଜନ ସ୍ଥାନରେ ବସି ଡକାୟତି ଯୋଜନା ଚଳାଇଥିବା ବେଳେ କୋଦଳା ଥାନା ପୋଲିସ୍ ସଦଳବଳେ ଚଢାଉ କରିଥିଲା। ସମସ୍ତ ଅପରାଧୀ ଯଥା ରାକେଶ ପ୍ରଧାନ, ନାରାୟଣ ପାଢ଼ୀ, ଦୀପକ ପାଢ଼ୀ, ଭୋଳାନାଥ ପାଣ୍ଡି ଓ ବେଗୁନିଆ ପଡ଼ା ଥାନା ଅନ୍ତର୍ଗତ ଖଣ୍ଡିଆନଇ ଗ୍ରାମର ଶିବ ନାଇକକୁ ପୋଲିସ କାବୁ କରି ନେଇଥିଲା ଓ ଘଟଣାସ୍ଥଳରୁ ଗୋଟିଏ କାର୍ ୫ ଟି ମୋବାଇଲ ଫୋନ, କିଛି ମଦ ବୋତଲ, ଲୁହା ଛଡ଼ ଓ ଠେଙ୍ଗା ଜବତ କରିଥିଲା।
ପରେ ସେମାନଙ୍କୁ ଥାନାରେ ଆଣି ଜେରା କରିବା ବେଳେ ସେମାନେ ସବୁ ପୁରୁଣା ଅପରାଧୀ ଓ କୌଣସି ସ୍ଥାନରେ ଡକାୟତି ଉଦ୍ୟମ ଚଳାଇଥିବା ଜଣାପଡିବା ପରେ ପୋଲିସ ସେମାନଙ୍କୁ ମାମଲା ନଂ ୨୭୮/୨୦୨୪ ଅନୁଯାୟୀ ମକଦ୍ଦମା ରୁଜୁ କରି ସମସ୍ତଙ୍କୁ କୋର୍ଟ ଚାଲାଣ କରିଛି।
Tags: ଅପରାଧୀ ଗିରଫ, ଡକାୟତ ଯୋଜନା ପଣ୍ଡ