ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ହିଞ୍ଜିଳି ଥାନା ଅର୍ନ୍ତଗତ ଘୋଡାହାଡ କେନାଲ ନିକଟରେ ଥିବା ଶ୍ମଶାନରେ କୌଣସି ଏକ ଅଜଣା ବ୍ୟକ୍ତିଙ୍କ ଗଳିତ ଶବକୁ ପୋଲିସ ଉଦ୍ଧାର କରିଛି। ସୁଚନା ଅନୁଯାୟୀ ହିଞ୍ଜିଳି ପୌରସଂସ୍ଥାରେ ନବ ନିଯୁକ୍ତ ପୌର ନିର୍ବାହୀ ଅଧିକାରୀ ଉକ୍ତ ଶ୍ମଶାନର ଉନ୍ନୟନମୂଳକ କାର୍ଯ୍ୟ ଅନୁଧ୍ୟାନ ପାଇଁ ଯାଇଥିବା ବେଳେ ଜଣେ ଅର୍ଦ୍ଧଦଗ୍ଧ ମୃତ ଶରୀର ପଡ଼ିଥିବା ଦେଖି ପୋଲିସକୁ ଖବର ଜଣାଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚିଥିବା ବେଳେ ଶବ ନିକଟରେ କିଛି ପିନ୍ଧା ଲୁଗା ପଡ଼ିଥିବାର ଦେଖିଛି।
ପରେ ପୋଲିସ ଶବକୁ ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଆରମ୍ଭ କରିଛି। ମୃତ ଅଜଣା ବ୍ୟକ୍ତି ଜଣକ ଆତ୍ମହତ୍ୟା କରିଛି ନା ତାକୁ ହତ୍ୟା କରି ଏହି ସ୍ଥାନରେ ଫୋପାଡି ଦାଆ ଯାଇଛି, ତାହା ସନ୍ଦେହ ଘେରରେ ଥିବା ବେଳେ ବ୍ୟବଚ୍ଛେଦ ରିପୋର୍ଟ ଆସିବା ପରେ ସଠିକ ଜଣାପଡ଼ିବ ବୋଲି ଥାନା ଅଧିକାରୀ ସୁଚନା ପ୍ରଦାନ କରିଛନ୍ତି।