ଭୁବନେଶ୍ଵର: ରାଉଲକେଲାରେ ଏକ ଅଭାନୀୟ ଘଟଣା ଘଟିଛି। ରଘୁନାଥପାଲ୍ଲୀ ଥାନା ସିଭିଲ ଟାଉନସିପ ଅଞ୍ଚଳରେ ଜଣେ ଔଷଧ କମ୍ପାନୀର ମ୍ୟାନେଜରଙ୍କୁ ହତ୍ୟା କରାଯାଇଛି। ରକ୍ତ ଜୁଡୁବୁଡୁ ଅବସ୍ଥାରେ ତାଙ୍କ ମୃତଦେହ ଉଦ୍ଧାର କରାଯାଇଛି।
ସୁଚନା ମୁତାବକ ରଘୁନାଥ ସାହୁ ନାମକ ଜଣେ ଯୁବକ କୌଣସି ଏକ ଔଷଧ କମ୍ପାନୀରେ ମ୍ୟାନେଜର ଭାବେ କାର୍ଯ୍ୟ କରୁଥିଲେ। ତାଙ୍କ ଘର ଯାଜପୁର ଜିଲ୍ଲାରେ ହୋଇଥିବା ବେଳେ ସେ ଭୁବନେଶ୍ଵରରେ ରହୁଥିଲେ। କିନ୍ତୁ ଦୀର୍ଘ ୫ ବର୍ଷ ହେଲା ସେ ପ୍ରତ୍ୟେକ ମାସରେ ଭୁବନେଶ୍ଵରରୁ ରାଉଲକେଲା ଯାଉଥିଲେ। ସେଠାରେ ମଧ୍ୟ ଏକ ଭଡା ଘରେ ନେଇଥିଲେ, ଯାହା ରଘୁନାଥପାଲି ଥାନା ଠାରୁ ମାତ୍ର ୧୦୦ ମିଟର ଦୂରରେ ଅବସ୍ଥିତ।
ତେବେ ଆଜି ସେହି ଭଡା ଘରୁ ରଘୁନାଥଙ୍କ ମୃତଦେହ ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର କରାଯାଇଛି। ସେପଟେ ସେହି ଘରେ ରହୁଥିବା ଜଣେ ସାଥିଙ୍କୁ ପୋଲିସ ଅଟକ ରଖି ପଚରାଉଚୁରା କରୁଛି।