ନୂଆଦିଲ୍ଲୀ : ନିର୍ଭୟା ଗଣଦୁଷ୍କର୍ମ ମାମଲାରେ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛି ମୁକେଶ । ମାମଲାର ଅନ୍ୟତମ ଅଭିଯୁକ୍ତ ମୁକେଶ ଶୁକ୍ରବାର ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇ ନୂତନ କ୍ୟୁରେଟିଭ୍ ଯାଚିକା ଏବଂ ରାଜକ୍ଷମା ଆବେଦନ କରିବାର ଆବେଦନ କରିଛି । ମୁକେଶ ସିଂର ଓକିଲ ଏମ୍ ଏଲ୍ ଶର୍ମାଙ୍କ ପକ୍ଷରୁ ଏହି ଆବେଦନ କରାଯାଇଛି । କୋର୍ଟଙ୍କ ପକ୍ଷରୁ ନିଯୁକ୍ତ ମଧ୍ୟସ୍ଥି ବୃନ୍ଦା ଗ୍ରୋଭର ପୂର୍ବରୁ ମୁକେଶର କ୍ୟୁରେଟିଭ୍ ଯାଚିକା ଲେଖିଥିଲେ ଯାହାକି ଖାରଜ ହୋଇଯାଇଥିଲା । ଏହି ଆଧାରରେ ମୁକେଶକୁ ନୂତନ ଭାବରେ କ୍ୟୁରେଟିଭ୍ ଏବଂ ରାଜକ୍ଷମା ଯାଚିକା ଦାଖଲ କରିବାର ସୁଯୋଗ ମିଳିବା ଉଚିତ୍ ବୋଲି ଶର୍ମା ଯୁକ୍ତି କରିଥିଲେ । ଉଲ୍ଲେଖଯୋଗ୍ୟ ଯେ, ଗତକାଲି ଦିଲ୍ଲୀର ପଟିଆଲା ହାଉସ୍ କୋର୍ଟ ପକ୍ଷରୁ ଏହି ମାମଲାର ସମସ୍ତ ଅଭିଯୁକ୍ତଙ୍କୁ ଆସନ୍ତା ମାର୍ଚ୍ଚ 20 ତାରିଖରେ ଫାଶୀ ଦେବା ପାଇଁ ଘୋଷଣା କରାଯାଇଥିଲା । (ଏଜେନ୍ସି)
Tags: mukeshsingh, nirbhaya
