କୋଲକାତା: କୋଲକାତା ମ୍ୟୁନିସିପାଲିଟି କର୍ପୋରେସନ ଉପରେ ଆସିଛି ଏକ ସଙ୍ଗିନୀ ଅଭିଯୋଗ। କରୋନାରେ ମୃତ୍ୟୁବରଣ କରିଥିବା ଜଣେ ବ୍ୟକ୍ତିଙ୍କ ମୁହଁ ଦେଖିବା ପାଇଁ କେଏମସି ୨,୫୦୦ ଟଙ୍କା ନେଇଥିବା ଅଭିଯୋଗ ହୋଇଛି। କୋଭିଡ -୧୯ ପୀଡିତାଙ୍କ ପରିବାର ସଦସ୍ୟ ଆଜି କେଏମସି ଉପରେ ଏପରି ଅଭିଯୋଗ ଆଣିଛି।
ସୂଚନା ଯୋଗ୍ୟ କି, ହରି ଓମ୍ ଗୁପ୍ତା ଶୁକ୍ରବାର ଦିନ କରୋନାରେ ସଂକ୍ରମିତ ହୋଇ ଜିଲ୍ଲାର ଫୁଲେଶ୍ୱରର ସଞ୍ଜିବାନ୍ ହସ୍ପିଟାଲରେ ଭର୍ତ୍ତି ହୋଇଥିଲେ। ରବିବାର ଦିନ ତାଙ୍କର ଦେହାନ୍ତ ହୋଇଛି। ଆଜି ଅପରାହ୍ନରେ ତାଙ୍କ ମୃତଦେହକୁ ଅନ୍ତିମ ସଂସ୍କାର ପାଇଁ ନିଆଯାଇଥିଲା।
ଗଙ୍ଗା ନିକଟସ୍ଥ ଶିବପୁର ଘାଟରେ ତାଙ୍କ ଶବ ଦାହ ବେଳେ ମୃତକଙ୍କ ମୁହଁ ଦେଖିବାକୁ ଅନୁମତି ଦେବାକୁ ପରିବାର ଲୋକ ନିଗମ ଅଧିକାରୀମାନଙ୍କୁ ଅନୁରୋଧ କରିଥିଲେ। ପୀଡିତାଙ୍କ ଭାଇ ରମେଶ ଗୁପ୍ତାଙ୍କୁ ମୁହଁ ଦେଖିବା ପାଇଁ ୫୧,୦୦୦ ଟଙ୍କା ଦେବାକୁ ପଡିବ ବୋଲି ନିଗମ ଅଧିକାରୀ କହିଥିଲେ। କିନ୍ତୁ ପରେ ୨୫୦୦ ଟଙ୍କା ପ୍ରଦାନ କରି ଏହାର ସମାଧାନ ହୋଇଥିଲା ବୋଲି ରମେଶ ଅଭିଯୋଗ କରିଛନ୍ତି।
ଏନେଇ ପରିବାର ଲୋକ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ (ସିଏମଓଏଚ୍)ଙ୍କ କାର୍ଯ୍ୟାଳୟରେ ଏକ ଲିଖିତ ଅଭିଯୋଗ କରିଛନ୍ତି। କୋଲକାତା ମ୍ୟୁନିସିପାଲିଟି କର୍ପୋରେସନ (କେଏମସି) ପରେ ରାଜ୍ୟର ଦ୍ୱିତୀୟ ବୃହତ୍ତମ ନାଗରିକ ସଂସ୍ଥା ହାୱାଡା ମ୍ୟୁନିସିପାଲ କର୍ପୋରେସନ (ଏଚଏମସି) ର ଅଧିକାରୀମାନେ ମଧ୍ୟ ଏହି ଘଟଣାରେ ଆବଶ୍ୟକ ପଦକ୍ଷେପ ନିଆଯିବ ବୋଲି ଆଶ୍ୱାସନା ଦେଇଛନ୍ତି।
ଏଚଏମସିର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ନାଗରିକ ସଂସ୍ଥା ନିଶ୍ଚିତ ଭାବରେ ଏହି ପ୍ରସଙ୍ଗରେ ଦୃଷ୍ଟି ଦେବେ। (ଏଜେନ୍ସି)
