ହରିୟାଣା : ଜଣେ ନାରୀ ହିଁ ଝିଅଟିକୁ ଭଲରେ ବୁଝିପାରେ । କିନ୍ତୁ ଯଦି ଜଣେ ଝିଅ ପାଇଁ ଯଦି ତା’ର ନିଜ ଘରର ମହିଳାମାନେ ଶ୍ରୁତ ହୋଇ ପଡନ୍ତି ତେବେ ସେ କାହାକୁ କହିବ । ଏଠାରେ ଜଣେ ଖୁଡୀ ନିଜର ପରକୀୟା ପ୍ରୀତି ପଦାରେ ପଡିବା ପରେ ରାଗରେ ନିଜ ଝିଆରୀର ଦୁଷ୍କର୍ମ କରାଇବା ପରି ଘଟଣା ସାମ୍ନାକୁ ଆସିଛି । ଜଣେ ଖୁଡୀ ନିଜ ଖରାପ କାର୍ଯ୍ୟ ଲୁଚାଇବାକୁ ଯାଇ ନିଜ ଝିଆରୀ ସହିତ ଏପରି କୁକର୍ମ କରିଥିବାର ଜଣାପଡିଛି ।
ହରିୟାଣାର ରେଓ୍ବାଡୀ ଜିଲ୍ଲା ଅନ୍ତର୍ଗତ କୋସଲୀ ଅଞ୍ଚଳର ଏକ ଗ୍ରାମରେ ଜଣେ ଖୁଡୀ ନିଜ ନିରୀହ ଝିଆରୀର ଦୁଷ୍କର୍ମ କରାଇଥିବାର ଘଟଣା ସାମ୍ନାକୁ ଆସିଛି ।
ମିଳିଥିବା ସୂଚନା ଅନୁସାରେ ସେହି ଗ୍ରାମର ଜଣେ ମହିଳା ନିଜ ଯା’ ଓ ଗ୍ରାମର ଚାରିଜଣ ଯୁବକଙ୍କ ଉପରେ ଦୁଷ୍କର୍ମ ଅଭିଯୋଗ କରିଛନ୍ତି ।ମହିଳାଙ୍କ ସୂଚନା ଅନୁସାରେ ତାଙ୍କର ତିନିଜଣ ସନ୍ତାନ ରହିଛନ୍ତି । ତାଙ୍କର ଦୁଇ ନାବାଳିକା ଝିଅ ଖୁଡୀଙ୍କ ସହିତ ରହୁଥିଲେ । କିନ୍ତୁ ଦୁଇ ଦିନ ପୂର୍ବରୁ ତାଙ୍କ ଝିଅ ଖୁଡୀଙ୍କ ଗ୍ରାମର ଯୁବକଙ୍କ ସହିତ ଖରାପ ସମ୍ପର୍କ ଥିବାର ମା’ଙ୍କୁ କହିଥିଲେ । ଏବଂ ସେ ତାଙ୍କ ଖୁଡୀଙ୍କୁ ଆପତ୍ତିଜନକ ଅବସ୍ଥାରେଦେଖିଥିବାର ମଧ୍ୟ କହିଥିଲେ ।
ଏହା ପରେ ଖୁଡୀ ଝିଆରୀମାନଙ୍କୁ ଡରାଇବା ଧମକାଇବା ସହିତ ଏହି ବିଷୟରେ କାହାକୁ କିଛି ନ କହିବାକୁ ବାରଣ କରିଥିଲେ । ଏପରିକି ଝିଆରୀ ଦ୍ବୟଙ୍କୁ ଗ୍ରାମର ସେହି ଚାରି ଯୁବକଙ୍କ ସହିତ କଥାବାର୍ତ୍ତା କରି ସମ୍ପର୍କ ବଢାଇବାକୁ ଖୁଡୀ ପରାମର୍ଶ ଦେଇଥିଲେ। ତେବେ ଏହାକୁ ବଡ ଝିଆରୀ ଗ୍ରହଣ ନ କରି ସିଧାସଳଖ ମନା କରିବା ପରେ ଖୁଡୀ ରାଗରେ ଉତ୍କ୍ଷିପ୍ତ ହୋଇଥିଲେ । ରାଗରେ ଝିଆରୀକୁ ଅସଭ୍ୟ ଭାଷାରେ ଗାଳି ଦେବାସହିତ ସାନ ଝିଆରୀକୁ ଗ୍ରାମର ସେହି ଯୁବକଙ୍କ ଦ୍ବାରା ଦୁଷ୍କର୍ମ କାଣ୍ଡ ଘଟାଇଥିଲେ ବୋଲି ଅଭିଯୋଗ କରିଛନ୍ତି ଝିଅର ମା’ । (ଏଜେନ୍ସି)
