ହାଇଦ୍ରାବାଦ : ସାରା ଦେଶରେ ହାଥରସ୍ ଗଣ ଦୁଷ୍କର୍ମର ନିଆଁ ନ ଥମୁଣୁ ଦେଶର ବିଭିନ୍ନ କୋଣରୁ ପ୍ରତ୍ୟହ ଦୁଷ୍କର୍ମ ଭଳି ଘଟଣାମାନ ସାମ୍ନାକୁ ଆସିଛି । ହାଇଦ୍ରାବାଦରୁ ପୁଣିଥରେ ଏକ ଭୟଙ୍କର ଘଟଣା ସାମ୍ନାକୁ ଆସିଛି । ଜଣେ 13 ବର୍ଷୀୟା ଝିଅକୁ ଦୁଷ୍କର୍ମ କରିବାରେ ବିଫଳ ହେବାରୁ 26 ବର୍ଷୀୟ ଯୁବକ ଜୀଅନ୍ତା ଜାଳି ଦେଇଛି । ପୀଡିତା ଜଣକ ଜଣେ ଘରୋଇ ସହାୟିକା ରୂପେକାର୍ଯ୍ୟ କରୁଥିବାର ସୂଚନା ରହିଛି। ଅଭିଯୁକ୍ତ ଜଣକ ଜଣକ ବିବାହିତା ହୋଇଥିବାବେଳେ ତାଙ୍କ ପତ୍ନୀ ଗର୍ଭବତୀ ରହିଥିବାର ସୂଚନା ରହିଛି । ପୀଡ଼ିତା ଓ ଅଭିଯୁକ୍ତ ଉଭୟ ଦଳିତ ଜାତିର ବୋଲି ସୂଚନା ରହିଛି ।
ମିଳିଥିବା ସୂଚନା ଅନୁସାରେ ତେଲେଙ୍ଗାନାର ଖାମମ୍ ସହରରେ ସେପେ୍ଟମ୍ବର 18ତାରିଖରେ ଅଭିଯୁକ୍ତ ଜଣକ ଦୁଷ୍କର୍ମ କରିବାକୁଚେଷ୍ଟା କରିଥିଲେ । ନାବାଳିକା ଜଣକ ଏହାର ବିରୋଧ କରିବାରୁ ଉତ୍କ୍ଷିପ୍ତ ଯୁବକ ଜଣକ ତାଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ । ନାବାଳିକା ଜଣକ 70ପ୍ରତିଶତ ଜଳି ଯାଇଥିବାବେଳେ ହସ୍ପିଟାଲରେ ଚିକିତ୍ସିତ ହେଉଛନ୍ତି । ନାବାଳିକା ଜଣକ ଅଭିଯୁକ୍ତଙ୍କ ଘରେ କାମ କରୁଥିବାର ସୂଚନା ରହିଛି। ତେବେ ଏହି ଘଟଣାର କୌଣସି ଏଫଆଇଆର ରୁଜୁ ହୋଇନଥିବାବେଳେ ପୋଲିସ୍ ନିଜ ଆଡୁ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିଛି । (ଏଜେନ୍ସି)