ମଦୁରାଇ : ଚୋରି କରି ମାଲିକଙ୍କ ପାଇଁ କ୍ଷମା ପତ୍ର ଦେଇଛି ଚୋର । ଏପରି ଏକ ଘଟଣା ଘଟିଛି ମଦୁରାଇର ଉସ୍ଲାମପଟ୍ଟିଠାରେ । ଉସିଲାମପଟ୍ଟିର ଏକ ସୁପରମାର୍କେଟର ଏକ ଦୋକାନରୁ ଜଣେ ଚୋର 65000 ଟଙ୍କାର ସାମଗ୍ରୀ ଚୋରି କରିଛି । ସାମଗ୍ରୀ ସହିତ ନଗଦ 5ହଜାର ଟଙ୍କା ମଧ୍ୟ ଚୋରି କରିଛି । ଚୋରି ଜଣକ ସେହି ଦୋକାନରେ ପୂର୍ବରୁ କାମ କରୁଥିବାର ସୂଚନା ରହିଛି । ଚୋରି କରିନେବା ପରେ ମାଲିକଙ୍କୁ ପାଇଁ କ୍ଷମା ପତ୍ର ବା ସରି ନୋଟ୍ ଛାଡି ଯାଇଛନ୍ତି । ତେବେ ଏହି ଚିଠିରେ ଚୋର ଜଣକ ଲେଖିଛନ୍ତି ଯେ,- ମୋତେ କ୍ଷମା କରିଦେବେ । ଏହି ଚୋରିରେ ଆପଣଙ୍କର ଏକମାସର ରାଜସ୍ବ କ୍ଷତି ହେବ । କିନ୍ତୁ ଏହା ମୋ’ ପାଇଁ ପ୍ରାୟ ତିନି ମାସର ପାରିଶ୍ରମିକ । ଏଥିପାଇଁ ମୋତେ କ୍ଷମା କରିଦେବେ ।
ମିଳିଥିବା ସୂଚନା ଅନୁସାରେ ଉସ୍ଲୀମପଟ୍ଟି-ମୁଦୈର ରୋଡରେ ସ୍ଥିତ ଏକ ଦୋକାନର ମାଲିକ ହେଉଛନ୍ତି 30 ବର୍ଷୀୟ ରାମ ପ୍ରକାଶ । ଗୁରୁବାର ଦିନ ସକାଳୁ ମାଲିକ ଦୋକାନ ଖୋଲିବା ବେଳକୁ ଦେଖିଲେ ଦୋକାନର ଦୁଇ କମ୍ପ୍ୟୁଟର ସହିତ ଗୋଟିଏ ଟେଲିଭିଜନ ଓ 5000ଟଙ୍କା ଗାୟବ ରହିଛି ।
ଚୋର ସିସିଟିଭି ଫୁଟେଜର ରେକର୍ଡକୁ ମଧ୍ୟ ଚୋରି କରି ନେଇଛି । ଫିଙ୍ଗରପ୍ରିଣ୍ଟ ବିଶେଷଜ୍ଞଙ୍କ ଦ୍ବାରା ଯାଞ୍ଚ କରାଯାଇ ପୋଲିସ୍ ଆଇପିସିର ଧାରା 457ଓ 380 ଆଧାରରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
ତେବେ ଏଭଳି ଚୋରି ପୂର୍ବରୁ ବିହାରର ପାଟନାରେ ହୋଇଥିବାର ସୂଚନା ରହିଛି । ଏଠାରେ ଜଣେ ବେପାରୀ ଘର ବନ୍ଦ କରି ଗ୍ରାମ ଯାଇଥିବାବେଳେ ଚୋର ଘରୁ ନଗଦ 60 ହଜାର ଟଙ୍କା ସହିତ ଗହଣା ଚୋରି କରିଥିଲା । ଏହାପରେ ଚୋର ଜଣକ ଡ୍ରେସିଂଟେବୁଲ୍ରେ ଲିପିଷ୍ଟିକ୍ରେ କିଛି ଲେଖିଥିବାର ସୂଚନା ରହିଥିଲା । (ଏଜେନ୍ସି)
