ହରିୟାଣା: ହରିୟାଣାରୁ ଅମାନବୀୟତାର ଏକ କରୁଣ ଚିତ୍ର ସାମ୍ନାକୁ ଆସିଛି । ଏଠାରେ ଜଣେ ମହିଳାଙ୍କୁ ଦେଢ ବର୍ଷ ପର୍ଯ୍ୟନ୍ତ ଶୌଚାଳୟରେ ବନ୍ଦ କରି ରଖାଯାଇଥିଲା । ମହିଳାଙ୍କ ସ୍ବାମୀ ତାଙ୍କୁ ଏକ ବର୍ଷରୁଅଧିକ ସମୟ ଧରି ତାଙ୍କୁ ଶୌଚାଳୟରେ ବନ୍ଦ କରି ରଖିଥିଲେ । ଅଭିଯୋଗ ପରେ ମହିଳାଙ୍କ ସ୍ବାମୀଙ୍କୁଗିରଫ କରାଯାଇଛି ।
ମିଳିଥିବା ସୂଚନା ଅନୁସାରେ ହରିୟାଣାର ପାନିପତ୍ ଅଞ୍ଚଳର ସନୌଲୀ ଅଞ୍ଚଳରୁ ଏହି ଘଟଣାଟି ସାମ୍ନାକୁ ଆସିବା ପରେ ଅମାନବୀୟତାର ଏକ ନୂତନ ଚେହେରା ଦେଖିବାକୁ ମିଳିଛି । ଅଭିଯୁକ୍ତ ସ୍ବାମୀ ଜଣକ ସ୍ତ୍ରୀକୁ ମାର୍ପିଟ୍ କରିବାସହ ତାଙ୍କୁଖାଇବାକୁ କିଛି ଦେଉନଥିଲା ବୋଲି ଅଭିଯୋଗ ରହିଛି ।
ଘଟଣାଟି ସାମ୍ନାକୁ ଆସିବା ପରେ ଜିଲ୍ଲା ସଂରକ୍ଷଣ ଅଧିକାରୀ ରଜନୀ ଗୁପ୍ତା ସନୌଲୀ ପୋଲିସ୍ର ସାହାଯ୍ୟ ନେଇଛନ୍ତି । ପୋଲିସ୍ର ସାହାଯ୍ୟରେ ମହିଳାଙ୍କୁ ବନ୍ଧନରୁ ମୁକ୍ତ କରାଯାଇଛି । ମହିଳା ଜଣକ ଶୌଚାଳୟରୁ ବାହାରରିବା ମାତ୍ର ଖାଦ୍ୟ ମାଗିଥିଲେ । ମହିଳାଙ୍କୁ ବାହାର କରାଯାଇ ତାଙ୍କୁ ଗାଧୋଇବା ସହିତ ଚୁଡି ପିନ୍ଧାଯାଇଥିଲା । ଏହାପରେ ସେ ଲିପିଷ୍ଟିକ୍ ମାଗିଥିଲେ । ଏତେ ସମୟ ଧରି ସେ ଶୌଚାଳୟରେ ବନ୍ଦ ରହିଥିବାରୁ ସେ ଠିକ୍ରେ ଠିଆ ମଧ୍ୟ ହୋଇପାରୁନଥିଲେ । ମହିଳାଙ୍ ଅବସ୍ଥା ଦେଖିଲେ ଆଖିରୁ ଲୁହ ଝରିପଡିବ ।
35 ବର୍ଷୀୟ ରାମରତିଙ୍କ ସ୍ବାମୀ ନରେଶ ତାଙ୍କୁ ପ୍ରାୟ ଦେଢ ବର୍ଷ ଧରି ଶୌଚାଳୟରେ ବନ୍ଦୀ କରି ରଖିଥିଲେ । ଦିନରେ କେବଳ ଥରେ ମାତ୍ର ଖାଇବା ପାଇଁ ବାହାରକୁ ବାହାର କରୁଥିଲା । ଏହି ଘଟଣା ସମ୍ପର୍କରେ ସୂଚନା ମିଳିବା ପରେ ରଜନୀ ଗୁପ୍ତା ସଙ୍ଗ ସେଙ୍ଗ ନରେଶଙ୍କ ଘରେ ପହଞ୍ଚି ଥିଲେ । ସ୍ତ୍ରୀଙ୍କ ସମ୍ପର୍କରେ ପଚାରିବାରୁ ସେ ତା’ର କୌଣସି ଉତ୍ତର ଦେଇନଥିଲେ । ପ୍ରଥମ ମହଲାର ଶୌଚାଳୟରେ ରାମରତି ବନ୍ଦୀ ରହିଥିବାର ଦେଖାଯାଇଥିଲା ।
ମହିଳା ଜଣକ ଶୌଚାଳୟରେ ଅସନା ପୋଷାକରେ ଥିଲେ । ମହିଳା ଶରୀରର ହାଡ ଦେଖାଯାଉଥିଲା । ବାହାରକୁ ବାହାରିବାପରେ ଖାଇବା ପାଇଁ କିଛି ମାଗିଥିଲେ । ଖାଦ୍ୟ ଖାଇବା ପରେ ମହିଳା ଜଣକ ଖୁସି ହୋଇଥିଲେ ।
ତେବେ ଅଭିଯୁକ୍ତ ସ୍ବାମୀ କହିଛନ୍ତି ଯେ, 10 ବର୍ଷ ପୂର୍ବେ ରାମରତିଙ୍କପିତା ଓ ଭାଇଙ୍କ ମୃତ୍ୟୁ ହୋଇଯିବା ପରେ ରାମରତି ମାନସିକ ରୋଗର ଶିକାର ହୋଇଥିଲେ । କାଳେ ସେ ନିଜର କିଛି କ୍ଷତି ପହୁଞ୍ଚାଇେବ ସେଥିପାଇଁ ସେ ତାଙ୍କୁ ଶୌଚାଳୟରେ ବନ୍ଦୀ କରି ରଖିଥିଲେ ବୋଲି କହିଛନ୍ତି ଅଭିଯୁକ୍ତ ନରେଶ । ଚିକିତ୍ସା ସମ୍ପର୍କରେ ପଚାରିବାରୁ ସେ ତିନି ବର୍ଷ ପୁରୁଣା କାଗଜ ଦେଖାଇଥିଲେ।ତେବେ ଅଭିଯୁକ୍ତ ସ୍ବାମୀଙ୍କୁ ଗିରଫ କରାଯାଇଛି । (ଏଜେନ୍ସି)
