ନୂଆଦିଲ୍ଲୀ : ସ୍ବାମୀଙ୍କ ସହ ସାଇକେଲ୍ରେ ବସି ହସ୍ପିଟାଲ ଯାଉଥିବା ଜଣେ ମହିଳା ପ୍ରେମିକ୍ର ବାଇକ୍ରେ ଚମ୍ପଟ ମାରିଛନ୍ତି । ଏହିଭଳି ଏକ ଘଟଣା ହାଫିଜଙ୍ଗଜ୍ ଥାନା ଅଞ୍ଚଳରେ ମୁଣ୍ଡିଆ ଭିକମପୁର ଗ୍ରାମରେଘଟିଛି । ମିଳିଥିବା ସୂଚନା ଅନୁସାରେ ଏହି ଗାଁରେ ଜଣେ ଯୁବକ ଲକଡାଉନ୍ ସମୟରେ ଜନପଦ ପିଲିଭିତ ଥାନା ଋରିଆ ଗାଁର ଜଣେ ଯୁବତୀଙ୍କୁ ବିବାହ କରିଥିଲେ । ସ୍ବାମୀଙ୍କ କହିବାନୁସାରେ ତାଙ୍କ ସ୍ତ୍ରୀ ଅନେକ ଦିନରୁ ଅସୁସ୍ଥ ଥିଲେ । ତେଣୁ ସେ ପାଖ ଗାଁକୁ ଡାକ୍ତରଙ୍କୁ ଦେଖାଇବାକୁ ଯାଉଥିଲେ । ସେ ଦ୍ୱିପ୍ରହର ସମୟରେ ସ୍ତ୍ରୀଙ୍କୁ ସାଇକଲରେ ବସାଇ ଡାକ୍ତରଙ୍କ କ୍ଲିନିକକୁ ଯାଉଥିଲେ । ଏହି ସମୟରେ ପଛରୁ ଏକ ବାଇକ୍ ଆସୁଥିଲା । ଏହି ସମୟରେ ଅଚାନକ ତାଙ୍କ ସ୍ତ୍ରୀ ସାଇକେଲରୁ ଡେଇଁ ପଡି ପ୍ରେମିକର ବାଇକରେ ବସିପଡିଲେ । ସ୍ବାମୀ ଜଣକ ଏହା କ’ଣ ଘଟୁଛି କିଛି ବୁଝିବା ପୂର୍ବରୁ ଉଭୟ ଫେରାର ହୋଇଗଲେ। ସେ ପଛରୁ ଯେତେବ ଡାକିଲେ କିନ୍ତୁ ତାଙ୍କ ସ୍ତ୍ରୀ ପଛକୁ ଚାହିଁ ସ୍ତ୍ରୀକୁ ଖତେଇ ହୋଇ ପଳେଇଲେ । ସ୍ତ୍ରୀଙ୍କୁ ଅପେକ୍ଷା କରି କରି ସ୍ବାମୀ ଜଣକ ଥାନାର ଦ୍ୱାରସ୍ଥ ହୋଇଥିଲେ । (ଏଜେନ୍ସି)
