ଭୁବନେଶ୍ବର: ୨୦୨୧ ଆସିବାକୁ ଆଉ ମାତ୍ର କିଛି ଦିନ ବାକିଅଛି। ୨୦୨୦ ର କରୋନା କାଳ ପରେ ନୂତନ ବର୍ଷ ପାଇଁ ସମସ୍ତଙ୍କ ମନରେ ନୂତନ ଆଶା ଓ ସମ୍ଭାବନା ଭରି ରହିଛି। ଏହି ସମୟରେ ସମସ୍ତେ ଚାହାନ୍ତି କି ନୂତନ ବର୍ଷ ସମସ୍ତଙ୍କ ପାଇଁ ସୁଖ ଓ ସମୃଦ୍ଧି ଆଣୁ। ସମସ୍ତେ ଚାହାନ୍ତି କି ଏହି ବର୍ଷରେ ନିଜ ଜୀବନରେ କେମିତି ଉନ୍ନତି ଆଣିବେ। ଯଦି ଆପଣ ବି ଏମିତି ହିଁ ଚାହୁଁଛନ୍ତି ତେବେ ଏହି ବର୍ଷ ଆରମ୍ଭରେ ନିଜ ଘରକୁ ଏମିତି କିଛି ଜିନିଷ ଆଣନ୍ତୁ ଯାହାର ସୁପ୍ରଭାବରେ ଆପଣଙ୍କ ଘରେ ସୁଖ ସମୃଦ୍ଧି ବୃଦ୍ଧି ପାଇବା ସହ ଘରେ ଶାନ୍ତିର ବାତାବରଣ ରହିବ।
ତେବେ ଜାଣନ୍ତୁ କଣ କଣ ରହିଛି ସେହି ସବୁ ଜିନିଷ:
ନଡିଆ: ନଡିଆ ଅର୍ଥାତ୍ ଶ୍ରୀଫଳରେ ତ୍ରିଦେବ ବାସ କରନ୍ତି। ଏଥିପାଇଁ ପ୍ରତ୍ୟେକ ଶୁଭକାର୍ଯ୍ୟରେ ନଡିଆକୁ ସାମିଲ୍ କରାଯାଇଥାଏ। ନୂଆ ବର୍ଷ ଅବସରରେ ଘରେ ନଡିଆ ରଖିବା ଦ୍ବାରା ଧନର କେବେ ଅସୁବିଧା ରହିବ ନାହିଁ।
ସାତ୍ତ୍ବିକ: ସ୍ବାତ୍ତିକ ସ୍ବୟଂ ଗଣେଶ ଭଗବାନ ବାସ କରନ୍ତି। ସ୍ବାତ୍ତିକ ଚିହ୍ନକୁ ସବୁଠାରୁ ଅଧିକ ପବିତ୍ର ବୋଲି ବିବେଚନା କରାଯାଏ। ନୂତନ ବର୍ଷର ପ୍ରଥମ ଦିନରେ ସ୍ବାତ୍ତିକ ଆଣିବା ଦ୍ବାରା ଶୁଭ ହୋଇଥାଏ।
କଇଁଛ: କଇଁଛ ଘରେ ସୁଖ ସମୃଦ୍ଧି ବୃଦ୍ଧିରେ ବିଶେଷ ସହାୟକ ହୋଇଥାଏ। ଏହା ବିଭିନ୍ନ ନକାରାତ୍ମକ ଶକ୍ତି ମାନଙ୍କରୁ ଘର ଲୋକଙ୍କୁ ରକ୍ଷା କରିଥାଏ। କଇଁଚ ରଖିବା ଦ୍ବାରା ଘରେ ଶାନ୍ତି, ସୁଖ ଓ ସମୃଦ୍ଧି ରହିଥାଏ। ଘରର ସମସ୍ତ ସଦସ୍ୟଙ୍କ ସ୍ବାସ୍ଥ୍ୟ ଉପରେ ସକାରାତ୍ମକ ପ୍ରଭାବ ପକାଇଥାଏ।
ହାତୀ: ଯଦି ଆପଣଙ୍କ ଭାଗ୍ୟରେ ରାହୁ କେତୁଙ୍କର ଖରାପ ପ୍ରଭାବ ରହୁଛି ,ତେବେ ଘରେ ରୂପାର ହାତୀ ପ୍ରତିମା ରଖିବା ଦ୍ବାରା ଶୁଭ ଫଳ ମିଳିଥାଏ। ଏହାଦ୍ବାରା ରାହୁ କେତୁଙ୍କର ପ୍ରଭାବ କମ୍ ହୋଇଥାଏ। ତେବେ ଗଣେଶଜୀଙ୍କ ରୂପା ପ୍ରତିମା ମଧ୍ୟ ବିଶେଷ ଫଳ ଦେଇଥାଏ।
ଶୁଆର ଫଟୋ: ଶୁଆ ଶୁଭ ପକ୍ଷୀ ରୂପେ ଜଣାଯାଇଥାଏ। ଯଦି ଘରେ ଶୁଆର ଫଟୋ ଲଗାଇଦିଆଯିବ ତେବେ ଶୁଭ ଫଳ ଦେବ। ବିଶେଷକରି ଯୋଡା ଶୁଆର ଫଟୋ ଲଗାଇବା ବିଶେଷ ଫଳପ୍ରଦ ହୋଇଥାଏ।