ଭୁବନେଶ୍ୱର : ଭୀମଟାଙ୍ଗିସ୍ଥିତ ଭୀମେଶ୍ୱର ମନ୍ଦିର ସମିତି ପକ୍ଷରୁ ନୂତନ ଭୀମେଶ୍ୱର ମନ୍ଦିର ଓ ବିଶାଳ ନନ୍ଦିମୂର୍ତି ପ୍ରତିଷ୍ଠା ଆସନ୍ତା ୧୦ ତାରିଖ ଅନୁଷ୍ଠିତ ହେବ । ଏହି ଅବସରରେ ଅଙ୍କୁର ରୋପଣ କରାଯିବା ସହ ମନ୍ଦିର ଅଧିବାସ ପୂଜା ଆରମ୍ଭ ହୋଇଛି । ୯ତାରିଖରେ ବିଗ୍ରହମାନଙ୍କର ନାଭି ଛେଦନ, ଚକ୍ଷୁଦାନ, ମହାସ୍ନାନ କରାଯିବ ।
ସେହିପରି ୧୦ତାରିଖରେ ହୋମ, ନ୍ୟାସ ନାମକରଣ, ନବ ଯୌବନ ଦର୍ଶନ ସହ ଯଜ୍ଞର ପୂର୍ଣ୍ଣାହୂତି କରାଯିବ । କରୋନା କଟକଣାରେ ପୂଜା ଓ ପ୍ରସାଦ ସେବନ ବ୍ୟବସ୍ଥା କରାଯାଇଛି ବୋଲି ମନ୍ଦିର ସମିତିର ପକ୍ଷରୁ କୁହାଯାଇଛି ।
