ଭୁବନେଶ୍ବର: ଆଜି ଅପରାହ୍ନରେ ଶେଷ ହୋଇଛି ନୂଆପଡା ଉପନିର୍ବାଚନ ପାଇଁ ପ୍ରଚାର। ବେଶ କିଛି ଦିନ ଧରି ନୂଆପଡାରେ ଚାଲିଥିଲା ଘୋ..ଘା। ଏବେ ଆରମ୍ଭ ହେଲା ସାଇଲାଣ୍ଟ ପିରିୟଡ। ଭୋଟରଙ୍କୁ ଏହି ପିରିୟଡରେ କାହାକୁ ଭୋଟ ଦେବା ଉଚିତ ତାହା ଚିନ୍ତା କରିବେ। ଆସନ୍ତା ମଙ୍ଗଳବାର ଦିନ ସକାଳ ସାତଟାରୁ ଭୋଟ ଗ୍ରହଣ ଆରମ୍ଭ ହେବ।
ଆଜି ଅପରାହ୍ନରୁ ସମସ୍ତ ବାହାର ନେତାଙ୍କୁ ନୂଆପଡା ଛାଡିବାକୁ ନିର୍ଦ୍ଦେଶ ଦିଆଯାଇଛି। ଫଳରେ ବିଭିନ୍ନ ଦଳର ନେତା ନୂଆପଡା ଜିଲ୍ଲା ଛାଡି ନିକଟ ଜିଲ୍ଲାରେ ଆଶ୍ରୟ ନେଇଥିବାର ଜଣାପଡିଛି। ତେବେ ବର୍ତ୍ତମାନ ପ୍ରଚାର ସରିଛି ସତ ହେଲେ ଆଜିଠାରୁ ମଙ୍ଗଳବାର ପର୍ଯ୍ୟନ୍ତ ନେତାଙ୍କ ଅନ୍ଧାରୀ ବିଜେ ହେବ। ଅର୍ଥାତ ନେତାମାନେ ଲୁଚିଛପି ଭୋଟରଙ୍କୁ ବିଭିନ୍ନ ପ୍ରଲଭୋନ ଦେଖାଇବା ପାଇଁ ଚେଷ୍ଠା କରିବେ।
ତେବେ ପ୍ରଚାର ସରିବା ପରେ ନୂଆପଡାରେ ସୁରକ୍ଷା କଡାକଡି କରାଯାଇଛି। ଯେପରି କୌଣସି ସ୍ଥାନରେ ଅପ୍ରିତିକର ପରିସ୍ଥିତ ନ ଘଟେ ସେଥିପାଇଁ ମୁଖ୍ୟ ନିର୍ବାଚନ ଅଧିକାରୀଙ୍କ ତରଫରୁ ବନ୍ଦୋବସ୍ତ କରାଯାଇଛି। ମଙ୍ଗଳବାର ଦିନ ଭୋଟ ଗ୍ରହଣ ହେବ। ସେଥିପାଇଁ ଆସନ୍ତାକାଲି ସୋମବାରରେ ସମସ୍ତ ବୁଥକୁ ପୁଲିଂ ପାର୍ଟିଙ୍କୁ ପଠାଯିବ ବୋଲି ନିଷ୍ପତି କରାଯାଇଛି।
ନିର୍ବାଚନ ଅଧିକାରୀ ଅଫିସ ଅନୁସାରେ ନୂଆପଡା ଉପନିର୍ବାଚନ ପାଇଁ ଇଭିଏମ ଗୁଡିକ ଯାଞ୍ଚ ସରିଛି। ପୁଲିଂ ପାର୍ଟି ପାଇଁ ସମସ୍ତ ବ୍ୟବସ୍ଥା ମଧ୍ୟ କରାଯାଇଛି। ନୂଆପଡାରେ ଆଠଟି ବୁଥ ଉତ୍ତେଜନା ପ୍ରବଣ ଥିବାରୁ ସେଠାକୁ ସ୍ବତନ୍ତ୍ର ହେଲିକାପ୍ଟରରେ ପୁଲିଂ ପାର୍ଟି ପଠାଯିବ ବୋଲି ନିଷ୍ପତି କରାଯାଇଛି। ଭୋଟ ଗ୍ରହଣ ଅପରାହ୍ନ ପାଞ୍ଚଟା ପର୍ଯ୍ୟନ୍ତ ଚାଲିବ। ହେଲେ ଉତ୍ତେଜନା ପ୍ରବଣ ବୁଥରେ ଏହା ଅପରାହ୍ନ ଚାରିଟାରେ ଶେଷ କରାଯିବ। ନୂଆପଡାରେ ପ୍ରାୟ ଅଢେଇ ଲକ୍ଷ ଭୋଟର ସେମାନଙ୍କ ବିଧାୟକଙ୍କୁ ବାଛିବେ।
IAF Marks 93 Years with Stunning Air Show in Assam ( Click Here to Read)