ନୂଆଦିଲ୍ଲୀ, ପୂର୍ବ ଲଦାଖର ଗୋଗ୍ରା ଅଞ୍ଚଳରେ ଭାରତ ଏବଂ ଚୀନ୍ ନିଜର ସୈନ୍ୟ ବାହିନୀ ପ୍ରତ୍ୟାହାର କରିଛନ୍ତି। ଉଭୟ ଦେଶର କର୍ପସ କମାଣ୍ଡରଙ୍କ ମଧ୍ୟରେ ଦ୍ୱାଦଶ ରାଉଣ୍ଡ ଆଲୋଚନା ପରେ ଏହି ପଦକ୍ଷେପ ନିଆଯାଇଛି। ଏହି ଆଲୋଚନା ଚଳିତ ବର୍ଷ ଜୁଲାଇ 31 ରେ ପୂର୍ବ ଲଦାଖର ଚୁସୁଲ ମଲଡୋ ଠାରେ ହୋଇଥିଲା। ଗତ ବର୍ଷର ମେ ମାସରୁ ଉଭୟ ଦେଶର ସୈନ୍ୟବାହିନୀ ଏହି ଅଞ୍ଚଚଳରେ ମୁହାଁମୁହିଁ ହୋଇଥିଲେ।
ଭାରତ ଏବଂ ଚୀନ୍ ମଧ୍ୟରେ ପଶ୍ଚିମ ସୀମାରେ ଥିବା ଆକ୍ଟୁଆଲ୍ କଣ୍ଟ୍ରୋଲ୍ ବା LAC ସହିତ ଅନ୍ୟ ଅଞ୍ଚଳରେ ମୁହାଁମୁହିଁ ହୋଇଥିବା ସୈନ୍ୟ ବାହିନୀ ପ୍ରତ୍ୟାହାରକୁ ନେଇ ଉଭୟ ପକ୍ଷ ଗୁରୁତର ଆଲୋଚନା କରିଥିଲେ। ପ୍ରତିରକ୍ଷା ମନ୍ତ୍ରଣାଳୟ ତରଫରୁ କୁହାଯାଇଛି ଯେ ଚୁକ୍ତିନାମା ଅନୁଯାୟୀ ଉଭୟ ପକ୍ଷ ପର୍ଯ୍ୟାୟକ୍ରମେ ଏହି ଅଞ୍ଚଳରୁ ସେନା ପ୍ରତ୍ୟାହାର କରାଯାଇଛନ୍ତି। ସେନା ପ୍ରତ୍ୟାହାରର ପ୍ରକ୍ରିୟା 4 ଏବଂ 5 ଅଗଷ୍ଟରେ ଆରମ୍ଭ ହୋଇଥିଲା।
ବର୍ତ୍ତମାନ ଉଭୟ ଦେଶର ସୈନ୍ୟ ନିର୍ଦ୍ଧାରିତ ନିଜର ସ୍ଥାୟୀ ସ୍ଥାନରେ ପହଞ୍ଚିଛନ୍ତି। ମନ୍ତ୍ରଣାଳୟ କହିଛି ଯେ ଗୋଗ୍ରା ଅଞ୍ଚଳରେ ଉଭୟ ପକ୍ଷ ଦ୍ୱାରା ପ୍ରସ୍ତୁତ ସମସ୍ତ ଅସ୍ଥାୟୀ ନିର୍ମାଣ ଏବଂ ଅନ୍ୟାନ୍ୟ ଆନୁସଙ୍ଗିକ ନିର୍ମାଣକୁ ପାରସ୍ପରିକ ସହମତି ଅନୁଯାୟୀ ହଟାଇ ଦିଆଯାଇଛି। ବର୍ତ୍ତମାନ ଏହି ଅଞ୍ଚଳରେ ଶାନ୍ତି ଅବସ୍ଥା ଫେରି ଆସିଛି।
ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ ଏହି ଚୁକ୍ତିନାମା ଉଭୟ ପକ୍ଷ ଏହି କ୍ଷେତ୍ରରେ ପାରସ୍ପରିକ ଚୁକ୍ତିନାମାକୁ କଡାକଡି ପାଳନ କରିବେ ଏବଂ ସମ୍ମାନ କରିବେ। କେହି ଏକପାଖିଆ ଭାବରେ ସ୍ଥିତି ପରିବର୍ତ୍ତନ କରିବେ ନାହିଁ। ଫଳରେ ଉଭୟ ଦେଶର ସେନାଙ୍କ ମୁହାଁମୁହିଁ ଠିଆ ହେବା ପରିସ୍ଥିତି ଆଉ ଉପୁଜିବ ନାହିଁ।
ମନ୍ତ୍ରଣାଳୟ କହିଛି ଯେ ପାଶ୍ଚାତ୍ୟ ଅଞ୍ଚଳରେ ପ୍ରକୃତ ନିୟନ୍ତ୍ରଣ ରେଖା ନିକଟରେ ଥିବା ଅନ୍ୟ ପ୍ରସଂଗ ଉପରେ କଥାବାର୍ତ୍ତା ଜାରି ରହିଛି। ଏହି ସମସ୍ୟାର ସମାଧାନ ପାଇଁ ଭାରତ ଏବଂ ଚୀନ୍ ପ୍ରତିଶ୍ରୁତିବଦ୍ଧ। ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ ସେନା ସହିତ ଭାରତ-ତିବ୍ଦତୀୟ ସୀମା ପୋଲିସ-ଆଇଟିବିପି ଦେଶର ସାର୍ବଭୌମତ୍ୱକୁ ସୁନିଶ୍ଚିତ କରିବା ଏବଂ ପାଶ୍ଚାତ୍ୟ ସେକ୍ଟରରେ ପ୍ରକୃତ ନିୟନ୍ତ୍ରଣ ରେଖାରେ ଶାନ୍ତି ଏବଂ ସୌହାର୍ଦ୍ଦ୍ୟ ରକ୍ଷା କରିବା ପାଇଁ ସମ୍ପୂର୍ଣ୍ଣ ପ୍ରତିବଦ୍ଧ।