ନୂଆଦିଲ୍ଲୀ: ପୁଣିଥରେ ଝୁଡୁ ମାରି ଚର୍ଚ୍ଚାକୁ ଆସିଛନ୍ତି କଂଗ୍ରେସ ସାଧାରଣ ସଂପାଦିକା ପ୍ରିୟଙ୍କା ଗାନ୍ଧୀ। ତେବେ ଏଥର କୌଣସି ଗେଷ୍ଟ ହାଉସରେ ନୁହେଁ। ପ୍ରିୟଙ୍କା ଉତ୍ତର ପ୍ରଦେଶର ଇନ୍ଦିରା ନଗରରେ ଥିବା ଲବକୁଶ ଦଳିତ ବସ୍ତିରେ ଏହି କାମ କରିଛନ୍ତି। ଏହାକୁ ନେଇ ବିଭିନ୍ନ ମହଲରେ ଚର୍ଚ୍ଚା ହେବାରେ ଲାଗିଛି।
ଶୁକ୍ରବାର ଦିନ ପ୍ରିୟଙ୍କା ଏହି ଲବକୁଶ ବସ୍ତି ବାସିନ୍ଦାଙ୍କ ସହିତ ଆଲୋଚନା କରିଥିଲେ। ସେମାନେ ପ୍ରତିଦିନ ଝାଡୁ ମାରି ଶ୍ରମ କରନ୍ତି ବୋଲି କହିଥିଲେ। ଏହାପରେ ପ୍ରିୟଙ୍କା ପାଖରେ ଥିବା ଏକ ଝାଡୁ ଧରି ବସ୍ତି ସଫା କରିଥିଲେ। ତାଙ୍କୁ ଦେଖି ଅନ୍ୟମାନେ ମଧ୍ୟ ତାଙ୍କ ସହିତ ଝାଡୁ ମାରିଥିଲେ।
ପ୍ରିୟଙ୍କାଙ୍କୁ ଗେଷ୍ଟ ହାଉସରେ ପୋଲିସ ଅଟକ ଥିବା ବେଳେ ସେଠାରେ ସେ ଝାଡୁମାରି ସଫା କରୁଥିଲେ। ଏହାକୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସମାଲୋଚନା କରିଥିଲେ। ତାଙ୍କର ସେହି କାମ ବୋଲି ସେ ପରୋକ୍ଷରେ କଟାକ୍ଷ କରିଥିଲେ। ଏହାର ଯବାବ ଦେବାକୁ ପ୍ରିୟଙ୍କା ଏପରି କରିଛନ୍ତି ବୋଲି କୁହାଯାଉଛି।
Tags: ପ୍ରିୟଙ୍କା ଗାନ୍ଧି, ପ୍ରିୟଙ୍କା ଗାନ୍ଧୀ
