ନୂଆଦିଲ୍ଲୀ: ଅଲ ଇଣ୍ଡିଆ ରେଡିଓରେ ମନ କି ବାତ୍ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ, କୋଟିଏ ଟୀକା ପ୍ରବର୍ତ୍ତନ କରିବାର ଏହି ସଫଳତା ସହିତ ଲକ୍ଷ ଲକ୍ଷ ପ୍ରେରଣାଦାୟକ ପ୍ରସଂଗ ଜଡିତ। ଏହି ଅଭିଯାନର ସଫଳତାରେ, ଆମର ସ୍ୱାସ୍ଥ୍ୟ କର୍ମୀମାନେ ସେମାନଙ୍କର ଅକ୍ଲାନ୍ତ ପରିଶ୍ରମ ଏବଂ ନିଷ୍ଠା ସହିତ ଏକ ନୂତନ ଉଦାହରଣ ସୃଷ୍ଟି କରିଛନ୍ତି। ସେ କହିଛନ୍ତି ଯେ ସ୍ୱାସ୍ଥ୍ୟ କର୍ମୀମାନେ ମାନବିକତାର ସେବା କରିବାର ଏକ ନୂତନ ରେକର୍ଡ ସୃଷ୍ଟି କରିଛନ୍ତି। ଶ୍ରୀ ମୋଦୀ ଉତ୍ତରପ୍ରଦେଶର ବାଗେଶ୍ୱରର ସ୍ୱାସ୍ଥ୍ୟ କର୍ମୀ ପୁନମ ନୋଟିୟାଲଙ୍କ ସହ କଥାବାର୍ତ୍ତା କରିଥିଲେ। ଯିଏ ତାଙ୍କ ଅଞ୍ଚଳରେ ଟୀକାକରଣ ଅଭିଯାନକୁ ସଫଳ କରିବାରେ ଏକ ବିଶେଷ ଅବଦାନ ରଖିଥିଲେ।
ଆସନ୍ତା ରବିବାର ଦିନ ସ୍ୱାଧୀନ ଭାରତର ପ୍ରଥମ ଗୃହମନ୍ତ୍ରୀ ସର୍ଦ୍ଦାର ପଟେଲଙ୍କ ଜନ୍ମ ବାର୍ଷିକୀ ଅବସରରେ ପ୍ରଧାନମନ୍ତ୍ରୀ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ସେ ଲୋକମାନଙ୍କୁ ଆହ୍ୱାନ ଦେଇଥିଲେ ଯେ, ସର୍ଦ୍ଦାର ପଟେଲଙ୍କ ଜନ୍ମ ବାର୍ଷିକୀକୁ ଜାତୀୟ ଏକତା ଦିବସ ଭାବେ ପାଳନ କରୁଥିବା ବେଳେ, ଏକତା ବାର୍ତ୍ତା ଦେବା ପାଇଁ କିଛି କାର୍ଯ୍ୟକଳାପ କରିବା ଆବଶ୍ୟକ। ସୂଚନା ଓ ପ୍ରସାରଣ ମନ୍ତ୍ରଣାଳୟ ଦ୍ୱାରା ପ୍ରକାଶିତ ସର୍ଦ୍ଦାର ପଟେଲଙ୍କ ଚିତ୍ରକଳା ଜୀବନୀ ପଢିବାକୁ ସେ ଯୁବକମାନଙ୍କୁ ଆହ୍ବାନ କରିଛନ୍ତି।
ପ୍ରଧାନମନ୍ତ୍ରୀ କହିଛନ୍ତି ଯେ ଆଜିକାଲି ଆମେ ଅମୃତ ମହୋତ୍ସବରେ ଦେଶର ସାହସୀ ବୀରମାନଙ୍କୁ ମନେ ରଖିଛୁ। ଆଗାମୀ 15 ନଭେମ୍ବର ହେଉଛି ଏହିପରି କିମ୍ବଦନ୍ତୀ, ସାହସୀ ଯୋଦ୍ଧା ପ୍ରଭୁ ବିର୍ସା ମୁଣ୍ଡାଙ୍କ ଜନ୍ମ ବାର୍ଷିକୀ। ତାଙ୍କୁ ଧରତ୍ରୀ ଆବା ବା ଧରିତ୍ରୀ ପିତା କପହାଯାଏ, ସ୍ୱାଧୀନତା ଆନ୍ଦୋଳନରେ ତାଙ୍କର ଅବଦାନ ବିଷୟରେ ଶ୍ରୀ ମୋଦୀ ତାଙ୍କୁ ମନେ ପକାଇଥିଲେ। ସେ ଯୁବକମାନଙ୍କୁ ବିର୍ସା ମୁଣ୍ଡା ବିଷୟରେ ପଢିବାକୁ ଅନୁରୋଧ କରିଥିଲେ।
ପ୍ରଧାନମନ୍ତ୍ରୀ କହିଛନ୍ତି ଯେ ପ୍ରତିବର୍ଷ, ଅକ୍ଟୋବରରେ ମିଳିତ ଜାତିସଂଘ ଦିବସ ପାଳନ କରାଯାଏ। ଏହି ଦିନ ମିଳିତ ଜାତିସଂଘ ପ୍ରତିଷ୍ଠା କରାଯାଇଥିଲା। ପ୍ରଧାନମନ୍ତ୍ରୀ କହିଛନ୍ତି ଯେ ସ୍ୱାଧୀନତା ପୂର୍ବରୁ 1945 ମସିହାରେ ଭାରତ ମିଳିତ ଜାତିସଂଘର ଚାର୍ଟରରେ ଦସ୍ତଖତ କରିଥିଲା। ମିଳିତ ଜାତିସଂଘର ପ୍ରଭାବ ଏବଂ ଶକ୍ତି ବୃଦ୍ଧିରେ ଭାରତୀୟ ମହିଳାମାନେ ଏକ ପ୍ରମୁଖ ଭୂମିକା ଗ୍ରହଣ କରିଛନ୍ତି ବୋଲି ଶ୍ରୀ ମୋଦୀ ସ୍ମରଣ କରିଛନ୍ତି।
ସେ କହିଛନ୍ତି ଯେ ଯେତେବେଳେ 1947-48 ମସିହାରେ ମିଳିତ ଜାତିସଂଘର ମାନବିକ ଅଧିକାରର ଘୋଷଣାନାମା ପ୍ରସ୍ତୁତ କରାଯାଉଥିଲା, ସେତେବେଳେ ଲେଖାଯାଇଥିଲା ଯେ ସମସ୍ତ ପୁରୁଷ ସମାନ, କିନ୍ତୁ ଭାରତର ଜଣେ ପ୍ରତିନିଧୀ ହାନସା ମେହେଟା ଏହାକୁ ବିରୋଧ କରିଥିଲେ ଏବଂ ଏହା ତାଙ୍କ ପରାମର୍ଶରେ ଲେଖାଯାଇଥିଲା। ସମସ୍ତ ମଣିଷ ସମାନ।
ମୋଦୀ କହିଛନ୍ତି ଯେ ଲିଙ୍ଗଗତ ସମାନତାର ଏହି ଆଲୋଚନା ଭାରତର ପୁରୁଣା ପରମ୍ପରା ସହିତ ମେଳ ଖାଉଛି। ପ୍ରଧାନମନ୍ତ୍ରୀ ଅନ୍ୟ ଜଣେ ଭାରତୀୟ ପ୍ରତିନିଧୀ ଲକ୍ଷ୍ମୀ ମେନନଙ୍କୁ ମଧ୍ୟ ସୂଚାଇ ଦେଇଛନ୍ତି, ଯିଏ ଲିଙ୍ଗଗତ ସମାନତା ପ୍ରସଙ୍ଗରେ ନିଜର ମତ ରଖିଥିଲେ। ସେ କହିଛନ୍ତି ଯେ 1953 ମସିହାରେ ବିଜୟଲକ୍ଷ୍ମୀ ପଣ୍ଡିତ ମିଳିତ ଜାତିସଂଘ ସାଧାରଣ ସଭାର ପ୍ରଥମ ମହିଳା ସଭାପତି ହୋଇଥିଲେ।
ଶ୍ରୀ ମୋଦୀ କହିଛନ୍ତି ଯେ ଭାରତ ସର୍ବଦା ବିଶ୍ୱ ଶାନ୍ତି ପାଇଁ କାର୍ଯ୍ୟ କରିଆସୁଛି। ସେ କହିଛନ୍ତି ଯେ 1950 ଦଶକରୁ ଭାରତ ନିରନ୍ତର ମିଳିତ ଜାତିସଂଘର ଶାନ୍ତି ରକ୍ଷା ମିଶନର ଏକ ଅଂଶ ହୋଇଥିବାରୁ ଏହା ଗର୍ବର ବିଷୟ। ସେ କହିଛନ୍ତି ଯେ ଦାରିଦ୍ର୍ୟ ଦୂରୀକରଣ, ଜଳବାୟୁ ପରିବର୍ତ୍ତନ ଏବଂ ଶ୍ରମ ସମ୍ବନ୍ଧୀୟ ସମସ୍ୟାର ସମାଧାନ କରିବାରେ ଭାରତ ଏକ ପ୍ରମୁଖ ଭୂମିକା ଗ୍ରହଣ କରିଛି। ଯୋଗ ଏବଂ ଆୟୁଷକୁ ଲୋକପ୍ରିୟ କରିବା ପାଇଁ ଭାରତ ବିଶ୍ୱ ସ୍ୱାସ୍ଥ୍ୟ ସଂଗଠନ ସହିତ ଘନିଷ୍ଠ ଭାବରେ କାର୍ଯ୍ୟ କରୁଛି ବୋଲି ସେ କହିଛନ୍ତି। ମାର୍ଚ୍ଚ 2021 ରେ, who ଘୋଷଣା କରିଥିଲା ଯେ ଭାରତରେ ପାରମ୍ପାରିକ ଚିକିତ୍ସା ପାଇଁ ଏକ ଗ୍ଲୋବାଲ୍ ସେଣ୍ଟର ପ୍ରତିଷ୍ଠା କରାଯିବ।
