ନୂଆଦିଲ୍ଲୀ: ଭାରତର ହରନାଜ ସାନ୍ଧୁ ମିସ୍ ୟୁନିଭର୍ସ ୨୦୨୧ ର ଟାଇଟଲ୍ ଏବଂ ମୁକୁଟ ହାସଲ ଜିତିଛନ୍ତି। ୨୧ ବର୍ଷ ବୟସରେ ହରନାଜ ସାନ୍ଧୁ ନେଲ୍ ଏହି ଟାଇଟଲ୍ ଜିତିଛନ୍ତି। ୭୦ ତମ ମିସ୍ ୟୁନିଭର୍ସ ପ୍ରତିଯୋଗୀତା ଚଳିତ ବର୍ଷ ଡିସେମ୍ବର ୧୨ ତାରିଖରେ ଇସ୍ରାଏଲରେ ହୋଇଥିଲା।
ଉଲ୍ଲେଖ ଯୋଗ୍ୟ ଯେ, ହରନାଜ ସାନ୍ଧୁଙ୍କ ପୂର୍ବରୁ ଲାରା ଦତ୍ତା ୨୦୦୦ ମସିହାରେ ଭାରତରୁ ମିସ୍ ୟୁନିଭର୍ସ ଟାଇଟଲ୍ ଜିତିଥିଲେ। ସାନ୍ଧୁଙ୍କ ପୂର୍ବରୁ କେବଳ ଦୁଇଜଣ ଭାରତୀୟ ମିସ୍ ୟୁନିଭର୍ସ ଟାଇଟଲ୍, ୧୯୯୪ ରେ ଅଭିନେତା ସୁସ୍ମିତା ସେନ୍ ଏବଂ ୨୦୦୦ ରେ ଲାରା ଦତ୍ତା ଜିତିଛନ୍ତି।
ହରନାଜ ସାନ୍ଧୁ କିଏ?:
ପଞ୍ଜାବର ଚଣ୍ଡିଗଡ଼ର ହେଉଛନ୍ତି ହରନାଜ ସାନ୍ଧୁ। ବୃତ୍ତି ଅନୁଯାୟୀ ହରନାଜ ଜଣେ ମଡେଲ୍ ଏବଂ ସେ ପବ୍ଲିକ୍ ଆଡମିନିଷ୍ଟ୍ରେଶନରେ ଏମଏ ପଢୁଛନ୍ତି। ଗତ ବର୍ଷର ମିସ୍ ୟୁନିଭର୍ସ ମେକ୍ସିକୋରେ ଆଣ୍ଡ୍ରିଆ ମେଜାଙ୍କ ଠାରୁ ହରନାଜ ମୁକୁଟ ପିନ୍ଧିଥିଲେ। ପାରାଗୁଏର ୨୨ ବର୍ଷିୟା ନାଦିଆ ଫେରେରା ଦ୍ୱିତୀୟ ସ୍ଥାନରେ ଥିବାବେଳେ ଦକ୍ଷିଣ ଆଫ୍ରିକାର ୨୪ ବର୍ଷିୟା ଲାଲେଲା ମସୱାନେ ତୃତୀୟ ସ୍ଥାନରେ ରହିଛନ୍ତି। ଅନ୍ତିମ ପ୍ରଶ୍ନ-ଉତ୍ତର ଅଧିବେଶନରେ ସାନ୍ଧୁଙ୍କୁ ପଚରାଯାଇଥିଲା ଯେ ସେ ଆଜି ଯେଉଁ ଚାପର ମୁକାବିଲା କରିବେ ସେ ବିଷୟରେ ଯୁବକ ଯୁବତୀଙ୍କୁ ସେ କେଉଁ ପରାମର୍ଶ ଦେବେ?