ଭୁବନେଶ୍ବର: ଗତକାଲି ମଙ୍ଗଳବାରର ରାତିରେ ସାରା ରାଜ୍ୟରେ ଶୀତ ପ୍ରକୋପ ଅନୁଭୂତ ହୋଇଛି। 17 ଟି ଜିଲ୍ଲାର ପାରଦ ଏକ ଅଙ୍କରେ ରହିଛି। ଅର୍ଥାତ 9 ଡିଗ୍ରୀ ତଳେ ରହିଥିଲା। ପାଣିପାଗ ବିଭାଗ ଅନୁସାରେ ଗତକାଲି ଫୁଲବାଣୀରେ ସର୍ବାଧିକ ଶୀତ ପ୍ରବାହିତ ହୋଇଥିଲା। ସେହି ଜିଲ୍ଲାର ତାପମାତ୍ର ଥିଲା ମାତ୍ର 3.6 ଡିଗ୍ରୀ। ସେହିପରି ଦାରିଙ୍ଗୀବାଡିର ତାପମାତ୍ରା ଥିଲା 4.5 ଡିଗ୍ରୀ।
ବର୍ତ୍ତମାନ ସାରା ରାତି ଶୀତ ହେଉଥିବା ବେଳେ ଏହାର ପ୍ରକୋପ ସକାଳ 10 ପର୍ଯ୍ୟନ୍ତ ମଧ୍ୟ ରହୁଛି। କେତେକ ସ୍ଥାନରେ ପ୍ରବଳ କୁହୁଡି ଆସ୍ତରଣ ପଡୁଛି। ସୂଚନା ଅନୁସାରେ ରାଜ୍ୟର ତିନୋଟି ସ୍ଥାନରେ ତୁଷାରପାତ ହୋଇଥିବାର ସୂଚନା ମିଳିଛି। ସେହି ତିନୋଟି ସ୍ଥାନ ହେଲା ଦାରିଙ୍ଗବାଡି, ସୁନ୍ଦରଗଡର କୋଏଡା ଓ ସମ୍ବଲପୁରର ବାମରା ବ୍ଲକ।
ତେବେ ବିଶେଷ କାମ ନ ଥିଲେ ସଂଧ୍ୟାରେ ବାହାରକୁ ନ ଯିବା ପାଇଁ ପରାମର୍ଶ ଦିଆଯାଇଛି। ତେବେ ଏହି ଶୀତ ଆହୁରି ତିନିଦିନ ପର୍ଯ୍ୟନ୍ତ ଅନୁଭୂତ ହେବ ବୋଲି ଜଣାପଡିଛି।