ଭୁବନେଶ୍ବର: ଏଥର ପଞ୍ଚାୟତ ନିର୍ବାଚନ ଏକ ଭିନ୍ନ ଧରଣର ହେବ। କରୋନା କଟକଣା ପାଇଁ ଏଥର ପଞ୍ଚାୟତ ନିର୍ବାଚନ ପ୍ରଚାର ବିହୀନ ନିର୍ବାଚନ ହେବ। ଆଜି ରାଜ୍ୟ ନିର୍ବାଚନ କମିଶନର ଏହି ଘୋଷଣା କରିଛନ୍ତି। ଭୁବନେଶ୍ବରରେ ଆୟୋଜିତ ସାମ୍ବାଦିକ ସମ୍ମିଳନୀରେ କମିଶନର ଆଦିତ୍ୟ ପାଢୀ କହିଛନ୍ତି ଯେ, କରୋନା ପାଇଁ ଏଥର ପ୍ରଚାର ବନ୍ଦ କରାଯାଇଛି।
ତେବେ ପ୍ରାର୍ଥୀମାନେ ସେମାନଙ୍କ ପ୍ରଚାର କେବଳ ଘରକୁ ଘର ବୁଲି କରିପାରିବେ। ସାଥୀରେ ମାତ୍ର ପାଞ୍ଚଜଣ କର୍ମିଙ୍କୁ ନେଇ ଯାଇପାରିବେ। ତେବେ ସେମାନେ ଭଚ୍ୟୁୟାଲି କିମ୍ବା ଡିଜିଟାଲ ମାଧ୍ୟମରେ ପ୍ରଚାର କରିବାପାରିବେ।
ପୂର୍ବରୁ ଯେପରି ରାଲି, ସମାବେଶ, ଶୋଭାଯାତ୍ରା, ମଟର ରାଲି, ସାଇକେଲ ରାଲି, ସଭା ପ୍ରଭୃତି ପ୍ରଚାର ମାଧ୍ୟମ ବନ୍ଦ କରାଯାଇଛି। ଏହି ନିୟମକୁ ଯେ ଅମାନ୍ୟ କରିବ ତାଙ୍କ ବିରୋଧରେ କଠୋର ପଦକ୍ଷେପ ନିଆଯିବ ବୋଲି ନିର୍ବାଚନ କମିଶନର ସତର୍କ କରାଇଛନ୍ତି।
Tags: ପଞ୍ଚାୟତ ନିର୍ବାଚନ
