ନୂଆଦିଲ୍ଲୀ: ଲୋକଙ୍କୁ ଚାକିରୀ ଦେବା ଦିଗରେ ମୋଦି ସରକାର ଏକ ବଡ ପଦକ୍ଷେପ ନେବାକୁ ଯାଉଛନ୍ତି। ଏହି କଥା ସରକାର ନିଜେ ଘୋଷଣା କରିଛନ୍ତି। ଆଜି ସକାଳେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି ଯେ, ମୋଦୀ ସରକାର ଆସନ୍ତା ଦେଢ ବର୍ଷରେ ୧୦ ଲକ୍ଷ ଚାକିରି ଦେବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସମସ୍ତ ବିଭାଗ ଏବଂ ମନ୍ତ୍ରଣାଳୟର ସମୀକ୍ଷା କରିଛନ୍ତି ଏବଂ ଆସନ୍ତା ଦେଢ ବର୍ଷ ମଧ୍ୟରେ ମିଶନ ମୋଡରେ ଏକ ଲକ୍ଷ ଲୋକଙ୍କୁ ନିଯୁକ୍ତି ଦିଆଯିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି।
ଅନୁରାଗ ଠାକୁର କହିଲେ- ଆତ୍ମନିର୍ଭରଶୀଳ ଭାରତ ପାଇଁ ଆଉ ଏକ ପଦକ୍ଷେପ:
ଏଠାରେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର PMO ତରଫରୁ ଚାକିରି ଘୋଷଣା ଉପରେ ଟ୍ୱିଟ୍ କରି ଏହାକୁ ଏକ ଆତ୍ମନିର୍ଭରଶୀଳ ଭାରତ ହେବା ଦିଗରେ ଆଉ ଏକ ପଦକ୍ଷେପ ବୋଲି କହିଛନ୍ତି। ସେ କହିଛନ୍ତି ଯେ, ସମୟ ସହିତ ପ୍ରଧାନମନ୍ତ୍ରୀ ମୋଦୀ ସରକାରଙ୍କୁ ଅଧିକ ଦାୟିତ୍ଵ ଦେଇଛନ୍ତି ଏବଂ ସରକାରଙ୍କ ଧ୍ୟାନ ବର୍ତ୍ତମାନ ଲୋକଙ୍କ ଆଡକୁ ଆସିଛି।
PMO ଘୋଷଣାକୁ ନେଇ କଂଗ୍ରେସର ଟାର୍ଗେଟ:
ଆସନ୍ତା ଦେଢ ବର୍ଷ ମଧ୍ୟରେ ଏକ ଲକ୍ଷ ଲୋକଙ୍କୁ ଚାକିରୀ ଦେବା ପାଇଁ PMO ଘୋଷଣାନାମାରେ କଂଗ୍ରେସ ସରକାରକୁ ଟାର୍ଗେଟ କରିଛି। କଂଗ୍ରେସ ମୁଖପାତ୍ର ରଣଦୀପ ସୁରଜୱାଲା କହିଛନ୍ତି ଯେ, ନଅ ଶହ ମୂଷା ଖାଇବା ପରେ ବିଲେଇ ହଜକୁ ଯାଇଥିଲା। ଏହି ଦେଶରେ ଗଣତନ୍ତ୍ରକୁ ପଦଦଳିତ କରାଯାଇଛି। ଐତିହାସିକ ଭାବେ ବେରୋଜଗାରୀ ବୃଦ୍ଧି ପାଇଛି।
ଏହା ସହିତ ସୁରଜେୱାଲା ଟୁଇଟ୍ କରି କହିଛନ୍ତି ଯେ, “ପ୍ରତିବର୍ଷ ୨ କୋଟି ଚାକିରି ଯୋଗାଇ ଦିଆଯିବ ବୋଲି ପ୍ରତିଶୃତି ଦିଆଯାଇଥିଲା। ୮ ବର୍ଷରେ ୧୬ କୋଟି ଚାକିରି ଦିଆଯିବାର ଥିଲା। ବର୍ତ୍ତମାନ ସେମାନେ କହୁଛନ୍ତି ଯେ, ୨୦୨୪ ସୁଦ୍ଧା କେବଳ ୧୦ ଲକ୍ଷ ଚାକିରି ଦିଆଯିବ। କେବଳ ସରକାରରେ ୬୦ ଲକ୍ଷ ପଦବୀ ଖାଲି ପଡିଛି, କେନ୍ଦ୍ର ସରକାରରେ ୩୦ ଲକ୍ଷ ପଦବୀ ଖାଲି ପଡିଛି।
ସୂଚନାଯୋଗ୍ୟ ଯେ, ବିରୋଧୀମାନେ କ୍ରମାଗତ ଭାବରେ ଦେଶରେ ମୁଦ୍ରାସ୍ଫୀତି ଏବଂ ବେକାରୀ ସମସ୍ୟା ଉପରେ ଟାର୍ଗେଟ କରିଆସୁଛନ୍ତି ଏବଂ ଏ ସମ୍ପର୍କରେ କେନ୍ଦ୍ର ସରକାରଙ୍କୁ ଆକ୍ରମଣ କରୁଛନ୍ତି। ଏଭଳି ପରିସ୍ଥିତିରେ ମୋଦୀ ସରକାରଙ୍କ ଏହି ପଦକ୍ଷେପ ଘୋଷଣା ଚାକିରୀ ଖୋଜୁଥିବା କିମ୍ବା ଏଥିପାଇଁ ଯୋଗ୍ୟ ଥିବା ଲୋକଙ୍କୁ ନିଶ୍ଚିତ ଭାବେ ଆଶ୍ଵସ୍ତି ପ୍ରଦାନ କରିଛି।