ନୂଆଦିଲ୍ଲୀ: ଅଲ୍ଟ ନ୍ୟୁଜ୍ ସହ-ପ୍ରତିଷ୍ଠାତା ମହମ୍ମଦ ଜୁବେରଙ୍କ ଗିରଫଦାରୀକୁ ଏଆଇଏମ୍ଆଇଏମ୍ ନେତା ଅସଦୁଦ୍ଦିନ ଓୱାଇସି ତୀବ୍ର ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି ଯେ ଯଦି ମହମ୍ମଦ ଜୁବେରଙ୍କ ସହ କିଛି ଘଟେ ତେବେ ଏହା ମୋଦୀ ସରକାର ଦାୟୀ ରହିବେ। ପୌରାଞ୍ଚଳ ନିର୍ବାଚନ ପାଇଁ ତାଙ୍କ ଦଳର ପ୍ରାର୍ଥୀଙ୍କ ସପକ୍ଷରେ ଏକ ସାଧାରଣ ସଭାକୁ ସମ୍ବୋଧିତ କରିବା ପାଇଁ ଓୱାଇସି ସୋମବାର ଜବଲପୁରକୁ ଆସିଥିଲେ। ସେଠାରେ ସେ କହିଥିଲେ ଯେ, “ମୁଁ ଦେଶର ପ୍ରଧାନମନ୍ତ୍ରୀଙ୍କୁ ପଚାରିବାକୁ ଚାହୁଁଛି ଯେ ନୁପୁର ଶର୍ମାଙ୍କୁ କାହିଁକି ଗିରଫ କରାଯାଇ ନାହିଁ? ଭାରତର ପ୍ରଧାନମନ୍ତ୍ରୀ ନୁପୁର ଶର୍ମାଙ୍କୁ କାହିଁକି ରକ୍ଷା କରୁଛନ୍ତି ଏବଂ ମହମ୍ମଦ ଜୁବେରଙ୍କୁ ଜେଲରେ ରଖିଛନ୍ତି।”
AIMIM ସଭାପତି ଓୱାଇସି କହିଛନ୍ତି ଯେ, ଅଲ୍ଟ ନ୍ୟୁଜ୍ ର ଜୁବେରଙ୍କୁ ଦିଲ୍ଲୀରେ ପୋଲିସ ଗିରଫ କରିଛି। ଏକ ମିଥ୍ୟା ମାମଲାରେ ତାଙ୍କୁ ଗିରଫ କରାଯାଇଛି। ଯଦି ଜୁବେରଙ୍କ ସହ କିଛି ଘଟେ ତେବେ ମୋଦୀ ସରକାର ଦାୟୀ ରହିବେ। ଜୁବେରଙ୍କ ଅପରାଧ କ’ଣ ବୋଲି ବିଜେପି ସରକାର କହିବା ଉଚିତ୍। ସେ କହିଛନ୍ତି ଯେ, ମୁଁ ଇଶ୍ଵରଙ୍କ ନିକଟରେ ପ୍ରାର୍ଥନା କରୁଛି ଯେ ଯେଉଁମାନେ ଜେଲରେ ଅଛନ୍ତି, ସେମାନେ କୌଣସି ଧର୍ମର ହୁଅନ୍ତୁ ନା କାହିଁକି ଇଶ୍ଵର ସେମାନଙ୍କୁ ଏହି ଅପରାଧୀମାନଙ୍କଠାରୁ ରକ୍ଷା କରନ୍ତୁ।
ତାଙ୍କ ଦଳର ୭ ଜଣ କାଉନସିଲର ପଦବୀ ପାଇଁ ପ୍ରାର୍ଥୀଙ୍କ ସମର୍ଥନରେ ଏକ ସାଧାରଣ ସଭାରେ ସମ୍ବୋଧିତ କରିବାବେଳେ ଓୱାଇସି ମଧ୍ୟ କଂଗ୍ରେସ ଉପରେ ଘୋର ଆକ୍ରମଣ କରିଥିଲେ। ସେ କହିଥିଲେ ଯେ, “ମୁଁ କମଲ ନାଥଙ୍କୁ ପଚାରିବାକୁ ଚାହୁଁଛି, ମୁଁ ଡିଜି ରାଜାଙ୍କୁ ପଚାରିବାକୁ ଚାହୁଁଛି ଯେ ମଧ୍ୟପ୍ରଦେଶର ଲୋକମାନେ କଂଗ୍ରେସ ଦଳକୁ କ୍ଷମତା ଦେଇଥିଲେ। କିନ୍ତୁ ବିଧାୟକମାନେ କାହିଁକି କଂଗ୍ରେସ ଛାଡି ବିଜେପିକୁ ଯାଇଥିଲେ। କୋଡିଏ ଜଣ ବିଧାୟକ ଦଳ ଛାଡି ବିଜେପିରେ ଯୋଗ ଦେଇଥିଲେ। ଏବଂ ମୋଦୀଙ୍କ କୋଳରେ ସିନ୍ଧିଆ ବସି ଚା’ ପିଉଛନ୍ତି, ତେବେ ଓୱାଇସି ଦାୟୀ ନା କଂଗ୍ରେସ ଦଳ ଦାୟୀ? “