ନୂଆଦିଲ୍ଲୀ: ଆଜି ଅଖିଳ ଭାରତ କଂଗ୍ରେସ କମିଟର ନିର୍ବାଚନ ଫଳାଫଳ ବାହାରିଛି। ବିପୁଳ ଭୋଟ ବ୍ୟବଧାନରେ ବିଜୟ ଲାଭ କରିଛନ୍ତି ମଲ୍ଲିକାର୍ଜୁନ ଖଡଗେ। ଫଳରେ ଦୀର୍ଘ ବର୍ଷ ଧରି କଂଗ୍ରେସରେ ଚାଲିଆସିଥିବା ଗାନ୍ଧୀ ଶାସନର ଅବସାନ ଘଟିବାକୁ ଯାଉଛି। କଂଗ୍ରେସର ମଙ୍ଗ ଧରିଛନ୍ତି ଜଣେ ଅଣ ଗାନ୍ଧୀ ନେତା।
ଖଡଗେ ସଭାପତି ଭାବେ ନିର୍ବାଚିତ ହେବା ପରେ ଉଭୟ ସୋନିଆ ଗାନ୍ଧୀ ଏବଂ ରାହୁଳ ଗାନ୍ଧୀ ତାଙ୍କୁ ଅଭିନନ୍ଦନ ଜଣାଇଛନ୍ତି। ଏପରିିକି ତାଙ୍କର ପ୍ରତିଦ୍ବନ୍ଦି ଶଶି ଥରୁର ମଧ୍ୟ ଖଡଗେଙ୍କୁ ଅଭିନନ୍ଦନ ଜଣାଇଛନ୍ତି। ଶଶି ଥରୁର କହିଛନ୍ତି ଯେ, ସେ ଏକ ହଜାରରୁ ଉର୍ଦ୍ଧ ଭୋଟ ପାଇବା କିଛି ଛୋଟ କଥା ନୁହେଁ।
ତେବେ ଖଡଗେ ସଭାପତି ଭାବେ ନିର୍ବାଚିତ ହେବା ପରେ ବର୍ତ୍ତମାନ ରାହୁଲ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀଙ୍କ ଭୂମିକା କଣ ହେବ ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। କାରଣ ଦଳୀୟ ନିୟମ ଅନୁସାରେ ସଭାପତି ହିଁ ଶେଷ ନିଷ୍ପତି ଗ୍ରହଣ କରିବେ। ହୁଏତ ଖଡଗେ ସୋନିଆ ଗାନ୍ଧୀଙ୍କ ପଚାରି ନିଷ୍ପତି ନେଇ ପାରନ୍ତି କିନ୍ତୁ ସେ ହିଁ ନିଷ୍ପତି ଘୋଷଣାର ଶେଷ ବ୍ୟକ୍ତି।
ବର୍ତ୍ତମାନ ଭାରତ ଯୋଡ ଯାତ୍ରାରେ ଥିବା ରାହୁଳ ଗାନ୍ଧୀ, ଭୋଟ ଗଣତି ଘୋଷଣା ପରେ ସେ ଖଡଗେଙ୍କୁ ଅଭିନନ୍ଦନ ଜଣାଇଛନ୍ତି। ସେ କହିଛନ୍ତି ଯେ ଉଭୟ ଖଡଗେ ଏବଂ ଶଶି ହେଉଛନ୍ତି ଅଭିଜ୍ଞ ତଥା ଜ୍ଞାନିଗୁଣ ବ୍ୟକ୍ତିତ୍ବ। ସେମାନେ ବର୍ତ୍ତମାନ କଂଗ୍ରେସ କେଉଁ ଦିଗକୁ ଯିବ ତାହା ବିଚାର କରିବେ। ଏଥିରେ ଆମର କୌଣସି ଭୂମିକା ରହିବ ନାହିଁ।
ଭାରତ ଯୋଡ ଯାତ୍ରା ବେଳେ ସାମ୍ବାଦିକମାନେ ରାହୁଳଙ୍କ ପଚାରିଥିଲେ ଯେ, ଖଡଗେ ବର୍ତ୍ତମାନ ସଭାପତି ହେବେ ପରେ ଆପଣଙ୍କ ଭୂମିକା କଣ ରହିବ। ଏହାର ଉତ୍ତରେ ରାହୁଳ କହିଥିଲେ ଯେ, ନୂଆ ସଭାପତି ନିର୍ଣ୍ଣୟ କରିବେ ମୋର ଭୂମିକା। ଆଗାମୀ ଦିନରେ ମୋର ଭୂମିକା କଣ ରହିବ, ମୋର ଦାୟିତ୍ବ କଣ ମିଳବ ତାହା ଖଡଗେ ନିଷ୍ପତି କରିବେ।