ନୂଆଦିଲ୍ଲୀ: ଏକ ଟିଭି ସାକ୍ଷାତକାର ମାଧ୍ୟମରେ ପାକିସ୍ତାନର ପ୍ରଧାନମନ୍ତ୍ରୀ ଶାହାବାଜ ସରିଫ ଦେଇଥିବା ଶାନ୍ତି ପ୍ରସ୍ତାବକୁ ବର୍ତ୍ତମାନ ଭାରତ ଅଧିକ ଧ୍ୟାନ ଦେଉନଥିବା ପରି ମନେ ହେଉଛି। ଉଚ୍ଚସ୍ତରୀୟ ସୂତ୍ର ଅନୁସାରେ, ପାକିସ୍ତାନର ପ୍ରଧାନମନ୍ତ୍ରୀ ହୁଏତ ଆଲୋଚନା ଏବଂ ଶାନ୍ତି ପ୍ରୟାସ ସଂପର୍କରେ ବିଦେଶୀ ମାଟିରେ ଦିଆଯାଇଥିବା ଟିଭି ସାକ୍ଷାତକାରରେ କିଛି କଥା କହିଥାଇ ପାରନ୍ତି, କିନ୍ତୁ ତାଙ୍କ ସରକାର ମଧ୍ୟରେ ଦିଆଯାଇଥିବା ବିବୃତ୍ତିରେ ଅନେକ ବିରୋଦ୍ଧାଭାସ ଅଛି।
ଏହା ସହିତ ସୀମାରୁ ଭାରତରେ ଚାଲିଥିବା ଆତଙ୍କବାଦୀ କାର୍ଯ୍ୟକଳାପର ଗ୍ରାଫ୍ ମଧ୍ୟ କୌଣସି ପରିବର୍ତ୍ତନ ଆଡ଼କୁ ସୂଚିତ କରୁନାହିଁ। ଏଭଳି ପରିସ୍ଥିତିରେ ଶାହାବାଜଙ୍କ ଅଫରକୁ ଅଣଦେଖା କରିବାକୁ ଭାରତ ବର୍ତ୍ତମାନ ମୁଡରେ ଅଛି। ସୂଚନାନୁସାରେ, ପାକିସ୍ତାନର ଆଭ୍ୟନ୍ତରୀଣ ବିରୋଦ୍ଧାଭାସ ସହିତ ଏହା ମଧ୍ୟ ଜରୁରୀ ଯେ, ନିର୍ବାଚନ ଆଡକୁ ଯାଉଥିବା ସରକାରଙ୍କ ସହ କୌଣସି ନୂତନ ତଥା ସ୍ଥାୟୀ କଥାବାର୍ତ୍ତା ପ୍ରକ୍ରିୟା ଆରମ୍ଭ କରିବା ସମ୍ଭବ ନୁହେଁ।
ପ୍ରକାଶ ଯେ, ପାକିସ୍ତାନରେ ନିର୍ବାଚନ ଆସନ୍ତା କିଛି ମାସ ମଧ୍ୟରେ ହେବ। ଏଭଳି ପରିସ୍ଥିତିରେ ସୀମିତ ସମୟ ମିଳିତ ସରକାର ସହ ଆଲୋଚନାକୁ ଆଗେଇ ନେବା ସମ୍ଭବ ନୁହେଁ। ଏହା ବ୍ୟତୀତ ଜୁଲାଇ ୨୦୨୩ ସୁଦ୍ଧା ପାକିସ୍ତାନରେ ସାଧାରଣ ସରକାର ନିର୍ବାଚିତ ହେଲେ ମଧ୍ୟ କିଛି ମାସ ମଧ୍ୟରେ ଭାରତରେ ସାଧାରଣ ନିର୍ବାଚନର ବିଗୁଲ ବାଜିବ। ମେ ୨୦୨୪ ସୁଦ୍ଧା ଭାରତରେ ନିର୍ବାଚନ ପ୍ରକ୍ରିୟା ଶେଷ ହେବ।
ତେବେ ଭାରତ ଏବଂ ପାକିସ୍ଥାନ ମଧ୍ୟରେ କଥାବାର୍ତ୍ତାର ସମ୍ଭାବନା ଏବେ ପରୀକ୍ଷା ଏସସିଓ ଅର୍ଥାତ୍ ସାଂଘାଇ ସହଯୋଗ ସଂଗଠନ ବୈଠକରେ ହେବାର ଅଛି, ଯେଉଁଥିରେ ଭାରତ ଅଧ୍ୟକ୍ଷତା କରୁଛି। ଆସନ୍ତା କିଛି ମାସ ମଧ୍ୟରେ ଏସସିଓ ବୈଦେଶିକ ମନ୍ତ୍ରୀଙ୍କ ବୈଠକ ପାଇଁ ନିମନ୍ତ୍ରଣ ଏପର୍ଯ୍ୟନ୍ତ ଭାରତ ପକ୍ଷରୁ ପାକିସ୍ତାନକୁ ପଠାଯାଇ ନାହିଁ। ଏଥି ସହିତ, ଚଳିତ ବର୍ଷ ଭାରତକୁ ଏସସିଓ ଶିଖର ସମ୍ମିଳନୀ ଆୟୋଜନ କରିବାକୁ ପଡି,ବ ଯେଉଁଥିରେ ପାକିସ୍ତାନକୁ ମଧ୍ୟ ସଦସ୍ୟ ଦେଶ ଭାବରେ ନିମନ୍ତ୍ରଣ କରାଯିବ। ଭାରତ ଦ୍ୱାରା ଆୟୋଜିତ ହେବାକୁ ଥିବା ବୈଠକରେ ଶେହବାଜ ସରିଫ ପାକିସ୍ତାନ ପକ୍ଷରୁ ଅଂଶଗ୍ରହଣ କରିବେ କି ଅନ୍ୟ କୌଣସି ନେତା କେବଳ ପାକିସ୍ତାନର ସାଧାରଣ ନିର୍ବାଚନ ପରେ ନିଷ୍ପତ୍ତି ନିଆଯିବ।