Close Menu
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ମନୋରଂଜନ
  • ଅନ୍ତରାଷ୍ଟ୍ରୀୟ
  • ଜୀବନ ଶୈଳୀ
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use
Facebook X (Twitter) LinkedIn
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ଅନ୍ୟାନ୍ୟ
    • ମନୋରଂଜନ
    • ଅନ୍ତରାଷ୍ଟ୍ରୀୟ
    • ଜୀବନ ଶୈଳୀ
Eng
The Samikhsya OdiaThe Samikhsya Odia
Eng
Home»ବିଶେଷ ଖବର»ମଣିପୁର ଜାତିଗତ ହିଂସା ‘ରାଜନୈତିକ ସମସ୍ୟା’: ଲେଫ୍ଟନାଣ୍ଟ ଜେନେରାଲ
ବିଶେଷ ଖବର

ମଣିପୁର ଜାତିଗତ ହିଂସା ‘ରାଜନୈତିକ ସମସ୍ୟା’: ଲେଫ୍ଟନାଣ୍ଟ ଜେନେରାଲ

November 22, 2023No Comments2 Mins Read
Share Facebook Twitter LinkedIn Email WhatsApp Copy Link

ନୂଆଦିଲ୍ଲୀ: ମଣିପୁରରେ ଜାତିଗତ ସଂଘର୍ଷକୁ ଏକ ରାଜନୈତିକ ସମସ୍ୟା ବୋଲି ସେନାର ଇଷ୍ଟର୍ଣ୍ଣ କମାଣ୍ଡ କମାଣ୍ଡର ଲେଫ୍ଟନାଣ୍ଟ ଜେନେରାଲ ରାଣା ପ୍ରତାପ କଲିତା ମଙ୍ଗଳବାର କହିଛନ୍ତି। ସୁରକ୍ଷା ବାହିନୀଠାରୁ ଲୁଟ୍ ହୋଇଥିବା ପ୍ରାୟ ୪ ହଜାର ଅସ୍ତ୍ରଶସ୍ତ୍ର ସାଧାରଣ ଲୋକଙ୍କଠାରୁ ଉଦ୍ଧାର ନ ହେବା ପର୍ଯ୍ୟନ୍ତ ହିଂସାକାଣ୍ଡ ଜାରି ରହିବ ବୋଲି ସେ ଆଶଙ୍କା ବ୍ୟକ୍ତ କରିଛନ୍ତି।

ଇଷ୍ଟର୍ଣ୍ଣ କମାଣ୍ଡର ଜେନେରାଲ ଅଫିସର କମାଣ୍ଡିଂ-ଇନ୍-ଚିଫ୍ ଆହୁରି ମଧ୍ୟ କହିଛନ୍ତି ଯେ ମିଜୋରାମ ଏବଂ ମଣିପୁରରେ ସାଧାରଣ ଗ୍ରାମବାସୀ, ସେନା କିମ୍ବା ପୋଲିସ ସମେତ ମିଆଁମାରରୁ ଆଶ୍ରୟ ନେଉଥିବା ବ୍ୟକ୍ତିଙ୍କୁ ଭାରତ ଆଶ୍ରୟ ଦେଉଛି, କିନ୍ତୁ ନିଶା ବେପାରୀଙ୍କ ଆତଙ୍କବାଦୀ ଗୋଷ୍ଠୀର ସଶସ୍ତ୍ର କ୍ୟାଡରମାନଙ୍କୁ ନୁହେଁ।

ରାଜନୈତିକ ସ୍ତରରେ ହିଂସାକୁ ରୋକାଯାଇପାରିବ:

ସାମ୍ବାଦିକମାନଙ୍କୁ କଲିତା କହିଛନ୍ତି, ହିଂସାକୁ ରୋକିବା ଏବଂ ସଂଘର୍ଷର ଉଭୟ ପକ୍ଷଙ୍କୁ ରାଜନୈତିକ ସମସ୍ୟାର ଶାନ୍ତିପୂର୍ଣ୍ଣ ସମାଧାନ ପାଇଁ ପ୍ରେରିତ କରିବା ଆମର ପ୍ରୟାସ। କାରଣ ଶେଷରେ ସମସ୍ୟାର ରାଜନୈତିକ ସମାଧାନ ହେବା ଦରକାର।

ସେ କହିଛନ୍ତି ଯେ ସ୍ଥଳସ୍ଥିତି ବିଷୟରେ କହିବାକୁ ଗଲେ ଭାରତୀୟ ସେନାର ଉଦ୍ଦେଶ୍ୟ ପ୍ରଥମେ ସେମାନଙ୍କ ଘରୁ ବିସ୍ଥାପିତ ହୋଇଥିବା ଲୋକଙ୍କ ପାଇଁ ଉଦ୍ଧାର ଏବଂ ରିଲିଫ କାର୍ଯ୍ୟ କରିବା ଥିଲା। ଏହାପରେ ଆମେ ହିଂସାକୁ ରୋକିବାକୁ ଚେଷ୍ଟା କରୁଛୁ, ଯେଉଁଥିରେ ଆମେ ଅନେକାଂଶରେ ସଫଳ ହୋଇଛୁ। କିନ୍ତୁ ଦୁଇ ସମ୍ପ୍ରଦାୟ- ମୈତେଇ ଓ କୁକିଙ୍କ ମଧ୍ୟରେ ଧ୍ରୁବୀକରଣ ହେତୁ ଏଠାରେ ଓ ସେଠାରେ ବିକ୍ଷିପ୍ତ ଘଟଣା ଘଟୁଛି।

ତିନିଟି ସମ୍ପ୍ରଦାୟ ମଧ୍ୟରେ ଐତିହ୍ୟ ପ୍ରସଙ୍ଗ

ସଂଘର୍ଷ ଆରମ୍ଭ ହେବାର ସାଢ଼େ ଛଅ ମାସରୁ ଅଧିକ ସମୟ ବିତିଯାଇଥିଲେ ମଧ୍ୟ ମଣିପୁରରେ ସ୍ଥିତି ସ୍ୱାଭାବିକ ହୋଇନାହିଁ ବୋଲି ପଚରାଯିବାରୁ ସେ କହିଛନ୍ତି ଯେ ରାଜ୍ୟରେ ବସବାସ କରୁଥିବା ତିନିଟି ସମ୍ପ୍ରଦାୟ- ମୈତେଇ, କୁକି ଓ ନାଗାମାନଙ୍କ ମଧ୍ୟରେ କିଛି ଐତିହାସିକ ସମସ୍ୟା ରହିଛି। ଲେଫ୍ଟନାଣ୍ଟ ଜେନେରାଲ କହିଛନ୍ତି ଯେ ପୂର୍ବରୁ କୁକି ଏବଂ ନାଗାମାନଙ୍କ ମଧ୍ୟରେ ସଂଘର୍ଷ ୧୯୯୦ ଦଶକରେ ହୋଇଥିଲା ଯେଉଁଥିରେ ପାଖାପାଖି ୧୦୦୦ ଲୋକ ପ୍ରାଣ ହରାଇଥିଲେ।

ଏବେ ଯାହା ଘଟିଛି ତାହା ହେଉଛି ଏହି ଦୁଇ ସମ୍ପ୍ରଦାୟ ସମ୍ପୂର୍ଣ୍ଣ ଧ୍ରୁବିକରଣ ହୋଇଯାଇଛି। ତେବେ ହିଂସାର ମାତ୍ରା ହ୍ରାସ ପାଇଛି। ବିଭିନ୍ନ ଥାନା ଓ ଅନ୍ୟାନ୍ୟ ସ୍ଥାନରୁ ୫ ହଜାରରୁ ଅଧିକ ଅସ୍ତ୍ରଶସ୍ତ୍ର ଲୁଟ୍ ହୋଇଛି। ସେଥିମଧ୍ୟରୁ ମାତ୍ର ୧୫୦୦ ଅସ୍ତ୍ରଶସ୍ତ୍ର ଜବତ ହୋଇଛି। ତେଣୁ ପ୍ରାୟ ୪ ହଜାର ଅସ୍ତ୍ରଶସ୍ତ୍ର ଏବେବି ବାହାରେ ରହିଛି। ଯେପର୍ଯ୍ୟନ୍ତ ଏହି ଅସ୍ତ୍ରଶସ୍ତ୍ର ଲୋକଙ୍କ କବଜାରେ ରହିବ, ସେପର୍ଯ୍ୟନ୍ତ ଏଭଳି ବିକ୍ଷିପ୍ତ ହିଂସାତ୍ମକ କାର୍ଯ୍ୟକଳାପ ଜାରି ରହିବ।

ଲୋକଙ୍କ ପାଖରେ ୪ ହଜାର ଅସ୍ତ୍ରଶସ୍ତ୍ର ଲୁଟ୍

ଭାରତ-ମିଆଁମାର ସୀମା ଦେଇ ନିଶା ଦ୍ରବ୍ୟ ଓ ଅସ୍ତ୍ରଶସ୍ତ୍ର ଚୋରା ଚାଲାଣ ବନ୍ଦ ହୋଇଯାଇଥିଲେ ହେଁ କିଛି ବିକ୍ଷିପ୍ତ ଘଟଣା ଘଟିପାରେ ବୋଲି କଲିତା କହିଛନ୍ତି। କିନ୍ତୁ ଯେହେତୁ ୪,୦୦୦ ଅସ୍ତ୍ରଶସ୍ତ୍ର ଖୋଲାରେ ବାହାରି ସାରିଛି, ତେଣୁ ବାହାରୁ ଅସ୍ତ୍ରଶସ୍ତ୍ର ଆଣିବାର କୌଣସି ଆବଶ୍ୟକତା ନାହିଁ ବୋଲି ସେ କହିଛନ୍ତି।

ଅନୁସୂଚିତ ଜନଜାତି ମାନ୍ୟତା ଦାବିକୁ ବିରୋଧ କରି ଗତ ମେ ୩ ତାରିଖରେ ପାହାଡ଼ିଆ ଜିଲ୍ଲାଗୁଡ଼ିକରେ ‘ଆଦିବାସୀ ଏକତା ଶୋଭାଯାତ୍ରା’ କରାଯିବା ପରେ ଆରମ୍ଭ ହୋଇଥିବା ଜାତିଗତ ସଂଘର୍ଷରେ ୧୮୦ରୁ ଅଧିକ ଲୋକ ପ୍ରାଣ ହରାଇଥିବାବେଳେ ଶତାଧିକ ଆହତ ହୋଇଛନ୍ତି। ରାଜ୍ୟର ମୋଟ ଜନସଂଖ୍ୟାର ପ୍ରାୟ ୫୩ ପ୍ରତିଶତ ହେଉଛନ୍ତି ମୈତେଇ ଲୋକ ଏବଂ ସେମାନେ ଅଧିକାଂଶ ଇମ୍ଫାଲ ଉପତ୍ୟକାରେ ବାସ କରନ୍ତି। ପାହାଡ଼ିଆ ଜିଲ୍ଲାମାନଙ୍କରେ ବସବାସ କରୁଥିବା ନାଗା ଓ କୁକି ଆଦିବାସୀ ସମ୍ପ୍ରଦାୟର ସଂଖ୍ୟା ୪୦ ପ୍ରତିଶତରୁ କିଛି ଅଧିକ।

ଜାତିଗତ ସଂଘର୍ଷ ମଣିପୁର ହିଂସା ରାଜନୈତିକ ସମସ୍ୟା ରାଣା ପ୍ରତାପ କଲିତା ଲେଫ୍ଟନାଣ୍ଟ ଜେନେରାଲ
Share. Facebook Twitter LinkedIn Email WhatsApp Copy Link

Related Posts

ଗୋଦାବରୀଶ ମିଶ୍ର ଆଦର୍ଶ ପ୍ରାଥମିକ ବିଦ୍ୟାଳୟ କାର୍ଯ୍ୟକ୍ରମ ସମୀକ୍ଷା: ପ୍ରଥମ ପର୍ଯ୍ୟାୟରେ ନିର୍ମାଣ ହେବ ୮୩୫ ସ୍କୁଲ

August 5, 2025

ଆପଣ କିପରି ଜାଣିଲେ ଚୀନ୍ ୨୦୦୦ କିମି ଜମି ଦଖଲ କରିଛି?: ରାହୁଲ ଗାନ୍ଧୀଙ୍କୁ ଭର୍ତ୍ସନା କଲେ ସୁପ୍ରିମକୋର୍ଟ

August 4, 2025

ଉପରାଷ୍ଟ୍ରପତି ନିର୍ବାଚନ ତାରିଖ ଘୋଷଣା ପରେ ରାଷ୍ଟ୍ରପତିଙ୍କୁ କାହିଁକି ଭେଟିଲେ ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀ

August 4, 2025

ବଳଙ୍ଗା ନାବାଳିକା ପୋଡ଼ି ଘଟଣାରେ ରାଷ୍ଟ୍ରୀୟ ମହିଳା କଂଗ୍ରେସ ସଭାନେତ୍ରୀ ଅଳକା ଲାମ୍ବା ଦିଲ୍ଲୀରେ କହିଲେ……

August 3, 2025
Latest News

ଗୋଦାବରୀଶ ମିଶ୍ର ଆଦର୍ଶ ପ୍ରାଥମିକ ବିଦ୍ୟାଳୟ କାର୍ଯ୍ୟକ୍ରମ ସମୀକ୍ଷା: ପ୍ରଥମ ପର୍ଯ୍ୟାୟରେ ନିର୍ମାଣ ହେବ ୮୩୫ ସ୍କୁଲ

August 5, 2025

ଜୀ ସାର୍ଥକରେ ଅଗଷ୍ଟ ୧୦ ସନ୍ଧ୍ୟା ୬.୩୦ରେ ଦେଖନ୍ତୁ ଓଡ଼ିଆ ଫିଲ୍ମ ‘ପାରି କରିବେ ଭୋଳାଶଙ୍କର ୪’

August 4, 2025

୩୩ ସିଭିଲ ଜଜଙ୍କୁ ଶପଥ ପାଠ କରାଇଲେ ଓଡିଶା ହାଇକୋର୍ଟର ମୁଖ୍ୟ ବିଚାରପତି

August 4, 2025

ଖୋର୍ଦ୍ଧା: ଜିଲ୍ଲା ସ୍ତରୀୟ ମିଳିତ ଅଭିଯୋଗ ଶୁଣାଣି ଅନୁଷ୍ଠିତ

August 4, 2025

ଓଭାଲ ଟେଷ୍ଟରେ ଭାରତର ଚମତ୍କାର ବିଜୟ ପରେ କାହିଁକି କ୍ଷମା ମାଗିଲେ କଂଗ୍ରେସ ସାଂସଦ ଶଶି ଥରୁର?

August 4, 2025
Load More
The Samikhsya Odia
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use

Chief Editor: Sarat Paikray

© 2018-2025 All rights resorved by S M Network | Designed by Ratna Technology.

Type above and press Enter to search. Press Esc to cancel.