The Samikhsya Desk: ସେ କେରଳର ଜଣେ ଚାଷୀର ପୁଅ, ନାମ ତାଙ୍କର କେ ପି ହର୍ମିସ୍। ସେ ଗୁଜୁରାଣ ମେଣ୍ଟାଇବା ପାଇଁ ସେ ଓକିଲାତି କରୁଥିଲେ। ହେଲେ ଦେଖିଲେ ତାଙ୍କ ରାଜ୍ୟର ଏକ ବ୍ୟାଙ୍କ ଦେବାଳିଆ ହୋଇଗଲାଣି। ମୁଖ୍ୟତଃ ପରିଚାଳନା ଗତ ତୃଟି ପାଇଁ ତାହା ବୁଡିଯିବାକୁ ବସିଲାଣି। ସେହି ବ୍ୟାଙ୍କର ନାମ ହେଉଛି ଟ୍ରାଭେନକୋର ଫେଡରାଲ ବ୍ୟାଙ୍କ।
କଣ ହେଲା କେଜାଣି ହର୍ମିସ୍ ସେହି ବ୍ୟାଙ୍କରେ ଟଙ୍କା ଲଗାଇବା ପାଇଁ ଇଚ୍ଛା କଲେ। ସେତେବେଳେ ତାଙ୍କୁ ସମସ୍ତେ ମନା କଲେ। ହେଲେ ସେ କାହା କଥା ଶୁଣିଲେ ନାହିଁ। ଲୋକେ ତାଙ୍କୁ ପାଗଳା ବୋଲି କହିଲେ। ତଥାପି ସେ ସେହି ବ୍ୟାଙ୍କର ଅଧାରୁ ଅଧିକ ଅଂଶ ଧନ କିଣି ନେଲେ। ଫଳରେ ସେହି ବ୍ୟାଙ୍କ ତାଙ୍କ ନିୟନ୍ତ୍ରଣକୁ ଚାଲିଆସିଲା।ସେ ଦାୟିତ୍ବ ନେବା ପରେ ପ୍ରଥମେ ବ୍ୟାଙ୍କର ନାମ ପରିବର୍ତ୍ତନ କରି ରଖିଲେ କେବଳ ଫେଡରାଲ ବ୍ୟାଙ୍କ।
ପରେ ନିଜର ବୁଦ୍ଧି ବିବକ ଲଗାଇ ବ୍ୟାଙ୍କର ଅବସ୍ଥାରେ ସାମାନ୍ୟ ସୁଧାର ଆଣିଲେ। ଏପରିକି ବୁଡିଯାଉଥିବା ବ୍ୟାଙ୍କର ଉନ୍ନତି ଆରମ୍ଭ ହେଲା। ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା। ପ୍ରାୟ 34 ବର୍ଷ ମଧ୍ୟରେ ହୋରିମସ ବ୍ୟାଙ୍କର ବ୍ୟବସାୟ 5000 କୋଟିରୁ 71000 କୋଟି ଟଙ୍କାକୁ ବୃଦ୍ଧି କରିଦେଲେ। ଏପରିକି ସାରା ଦେଶରେ ସେ ପ୍ରାୟ ଖୋଲିଲେ 285ଟି ଶାଖା। ବର୍ତ୍ତମାନ ଫେଡରାଲ ବ୍ୟାଙ୍କ ଏକ ଅଗ୍ରଣୀ ବ୍ୟାଙ୍କ ଭାବେ ପରିଗଣତି ହୋଇଛି।
କେ ପି ହର୍ମିସଙ୍କ ପୁରା ନାମ ହେଉଛି କୁଲାଙ୍ଗାରା ପାଉଲୋ ହର୍ମିସ୍। ସେ କେରଳର ଏକ ନିମ୍ନ ମଧ୍ୟବିତ୍ତ ପରିବାରରେ 1917 ମସିହାରେ ଜନ୍ମ ଗ୍ରହଣ କରିଥିଲେ। ସେ 30 ଡିସେମ୍ବର 1944 ମସିହାରେ ଏହି ବ୍ୟାଙ୍କକୁ ଅଧିଗ୍ରହଣ କରିଥିଲେ। ସେ ଫେଡରାଲ ବ୍ୟାଙ୍କର ପ୍ରତିଷ୍ଠାତା ଭାବେ ପରିଚିତ। ସେ ଜାନୁୟାରୀ 26 ତାରିଖ 1988 ମସିହାରେ ମୃତ୍ୟୁ ବରଣ କରିଥିଲେ। ବର୍ତ୍ତମାନ ଏହି ବ୍ୟାଙ୍କର 1598ଟି ଶାଖା ରହିଥିବା ବେଳେ 190 ଲକ୍ଷ ଗ୍ରାହକ ଅଛନ୍ତି। ସେ 1954 ରେ କଂଗ୍ରେସରୁ କୋଚିରୁ ବିଧାୟକ ହୋଇଥିଲେ।