ଭୁବନେଶ୍ବର: ବର୍ତ୍ତମାନ ଚାରିଆଡେ ରଥଯାତ୍ରାର ମାହୋଲ। କେବଳ ଓଡିଶା କାହିଁକି ଦେଶ ବିଦେଶରେ ଚାଲିଛି ରଥଯାତ୍ରା। ହେଲେ ଓଡିଶାର ଏମିତି ଏକ ସ୍ଥାନରେ ରଥଯାତ୍ରା ହେଉଛି ଯେଉଁଠାରେ ସାମିଲ ହୋଇଛନ୍ତି ଭାରତର ଜଣେ କୋଟିପତି ମହିଳା ଭକ୍ତ। କେବଳ କୋଟିପତି କାହିଁକି ତାଙ୍କ ପରିବାରିକ ବ୍ୟବସାୟ କଥା ଯଦି ଚିନ୍ତା କରାଯାଏ ତେବେ ତାହା ହେବ 1230 କୋଟି ଟଙ୍କା।
ଆମେ କହୁଛୁ ଅନୁଗୁଳ ଜିନ୍ଦଲ କଂପାନୀ କ୍ୟାମ୍ପସରେ ଥିବା ଜଗନ୍ନାଥ ମନ୍ଦିରର ରଥଯାତ୍ରା କଥା। ଆଉ ମହାପ୍ରଭୃଙ୍କୁ ଯେ କାନ୍ଦରେ ଧରି ରଥ ନିକଟକୁ ଯାଉଛନ୍ତି ସେ ହେଉଛନ୍ତି ସାଲ୍ଲୁ ଜିନ୍ଦଲ। ପ୍ରତିଷ୍ଠିତ Jindal Steel & Power କଂପାନୀର ଅଧ୍ୟକ୍ଷ Navin Jindal ଙ୍କ ଧର୍ମପତ୍ନୀ Shallu Jindal। ସେ ବର୍ତ୍ତମାନ ଜିନ୍ଦଲ ଫାଉଣ୍ଡେସନର ଅଧ୍ୟକ୍ଷା ଅଛନ୍ତି। ଏଥିସହିତ ସେ ଓପି ଜିନ୍ଦଲ ଗ୍ଲୋବାଲ ବିଶ୍ବବିଦ୍ୟାଳୟର କୁଳପତି ମଧ୍ୟ ଅଛନ୍ତି।
ସାଲ୍ଲୁ ଜିନ୍ଦଲ ହେଉଛନ୍ତି ଭାରତର ପ୍ରଖ୍ୟାତ ଧନୀ ମହିଳା ସାବିତ୍ରୀ ଜିନ୍ଦଲଙ୍କ ବୋହୂ। ସାବିତ୍ରୀ ଜିନ୍ଦଲ ହେଉଛନ୍ତି ନବୀନ ଜିନ୍ଦଲଙ୍କ ମାଆ। ସାଲ୍ଲୁଙ୍କ ପୁରା ପରିବାର ହେଉଛନ୍ତି ବ୍ୟବସାୟ ପରିବାର। ଜଣେ ଶିଳ୍ପପତିଙ୍କ ଘରେ ବିବାହ କରିଥିଲେ ମଧ୍ୟ ସେ କେବେ ନିଜକୁ ବଡ ମନେ କରନ୍ତି ନାହିଁ। ସାଲ୍ଲୁ ହେଉଛନ୍ତି ଭାରତର ଜଣେ ପ୍ରଖ୍ୟାତ କୁଚୁପୁଡି ନୃତ୍ୟଶିଳ୍ପୀ।
ତେବେ ଜିନ୍ଦଲ ପରିବାର ତରଫରୁ ଅନୁଗୁଳ ଜିନ୍ଦଲ କଂପାନୀ ପରିସରରେ ପ୍ରତିଷ୍ଠା କରାଯାଇଛି ଏକ ବଡ ଜଗନ୍ନାଥ ମନ୍ଦିର। ସେଠାରେ ଜଗନ୍ନାଥ ବଳଭଦ୍ର ଏବଂ ମା ସୁଭଦ୍ରା ବିରାଜମାନ କରୁଛନ୍ତି। ପ୍ରତିବର୍ଷ ରଥଯାତ୍ରା ବେଳକୁ ସେଠାରେ ମଧ୍ୟ ବେଶ ଧୂମଧାମରେ ଏହି ମହାନ ପର୍ବ ପାଳନ କରାଯାଇଥାଏ। ତିନିଠାକୁରଙ୍କ ପାଇଁ ତିନି ରଥ ନିର୍ମାଣ କରାଯାଇ ଏହି ରଥଯାତ୍ରା କରାଯାଇଥାଏ।
ଖୁସିର କଥା ପ୍ରତିବର୍ଷ ରଥଯାତ୍ରାକୁ ପୁରା ଜିନ୍ଦଲ ପରିବାର ଅନୁଗୁଳ ଆସି ଏହି ପର୍ବରେ ସାମିଲ ହୁଅନ୍ତି। ଚଳିତ ବର୍ଷ ମଧ୍ୟ ସାବିତ୍ରୀ ଜିନ୍ଦଲ, ନବୀନ ଜିନ୍ଦଲ ଏବଂ ପତ୍ନୀ ସାଲ୍ଲୁ ଜିନ୍ଦଲ ରଥଯାତ୍ରାରେ ସାମିଲ ହୋଇଥିଲେ। ପ୍ରତିବର୍ଷ ନବୀନ ଜିନ୍ଦଲ ରଥରେ ଛରା ପହଁରା କରନ୍ତି। ଏଥର ରଥଯାତ୍ରା ଓ ବାହୁଡା ଯାତ୍ରାରେ ନିଜକୁ ସାମିଲ କରାଇଛନ୍ତି ସାଲ୍ଲୁ ଜିନ୍ଦଲ। ନବୀନଙ୍କ ଅନୁପସ୍ଥିତରେ ଏଥର ବାହୁଡା ଛେରା ପହଁରା ସେ କରିଛନ୍ତି।