The Samikhsya Desk: ଚଳିତ ବର୍ଷର ଦ୍ବିତୀୟ ଚନ୍ଦ୍ର ଗ୍ରହଣ ଆଜି ରାତିରେ ସଂଗଠିତ ହେବାକୁ ଯାଉଛି। ଆଜି ଏହି ଚନ୍ଦ୍ର ଗ୍ରହଣ ଭାରତରେ ସଂପୂର୍ଣ୍ଣ ଦୃଶ୍ୟମାନ ହେବ। ତେବେ ଏଥର ଚନ୍ଦ୍ର ଆକାଶରେ ରକ୍ତ ପରି ଲାଲ ରଂଗ ଧାରଣ କରିବେ। ଆଜି ସେପ୍ଟେମ୍ବର ୭ ତାରିଖ ରାତି ୮ ଟା ୫୮ ମିନିଟରେ ଗ୍ରହଣ ସମୟ ଆରମ୍ଭ ହେବ ଏବଂ ଆସନ୍ତାକାଲି ସେପ୍ଟେମ୍ବର ୮ ତାରିଖ ରାତି ୧ ଟା ୨୬ ମିନିଟରେ ସର୍ବ ମୋକ୍ଷ ହେବ। ମୋଟ ଚନ୍ଦ୍ର ଗ୍ରହଣ ଲାଗିବା ସମୟ ହେଉଛି ୪ ଘଣ୍ଟା ୨୮ ମିନିଟ୍।
ତେବେ ଆଜି ରାତିରେ ଚନ୍ଦ୍ର ପୁରା ଲାଲ ଦେଖାଯିବେ। ଆଜି ରାତି ୧୧ ଟା ଠାରୁ ରାତି ୧୨ ଟା ୨୨ ମିନିଟ ପର୍ଯ୍ୟନ୍ତ ଚନ୍ଦ୍ର ଲାଲ କିଟିକିଟି ଦେଖାଯିବେ। ଏହାକୁ ଅନ୍ୟ ଭାଷାରେ ରକ୍ତ ଚନ୍ଦ୍ର ବା Blood Moon ବୋଲି କହିଥାନ୍ତି। ତେବେ ଏହାର କାରଣ ହେଲା
1-ସାଧାରଣତଃ ପୃଥିବୀ ଚନ୍ଦ୍ର ଓ ସୂର୍ଯ୍ୟଙ୍କ ମଧ୍ୟ ଭାଗକୁ ଆସିଲେ ଏହି ଚନ୍ଦ୍ର ଗ୍ରହଣ ହୋଇଥାଏ
2- ଏହି ସମୟରେ ଚନ୍ଦ୍ର ପୁରା ଉଭାନ ହେବା ପରିବର୍ତ୍ତେ ଲାଲ ଦେଖାଯାଇଥାନ୍ତି ଏହାକୁ Blood Moon କୁହାଯାଏ
3- ପୃଥିବୀ ଯେତେବେଳେ ଚନ୍ଦ୍ର ଓ ସୂର୍ଯ୍ୟଙ୍କ ମଝିକୁ ଆସନ୍ତି ସେତେବେଳେ ସୂର୍ଯ୍ୟଙ୍କର ନୀଳ ଓ ବାଇଗଣି ରଂଗ ପୃଥିବୀରେ ପଡି ଭିନ୍ନ ଦିଗକୁ ବିଛୁରିତ ହୋଇଥାଏ। କିନ୍ତୁ ନାଲି ଓ କମଳା ରଂଗ ଚନ୍ଦ୍ର ଉପରେ ପଡେ। ଫଳରେ ଚନ୍ଦ୍ର ଲାଲ ଦେଖାଯାଇଥାନ୍ତି।
4- ଏଥର ଚନ୍ଦ୍ର ଗ୍ରହଣ ପୂର୍ଣ୍ଣ ଚନ୍ଦ୍ର ଗ୍ରହଣ। ତେବେ ଚନ୍ଦ୍ର ଲାଲ ଦେଖାଯିବ ସମୟ ଏଥର ଦୀର୍ଘ ସମୟ ରହିଛି। ଏହା ପ୍ରାୟ 82 ମିନିଟ ପର୍ଯ୍ୟନ୍ତ ଚନ୍ଦ୍ର ଆକାଶରେ ଲାଲ ରହିବେ। ଏହା ସର୍ବାଧିକ ସମୟ ବୋଲି କୁହାଯାଉଛି।
5-ତେବେ ଏହି ଗ୍ରହଣକୁ ଖାଲି ଆଖିରେ ଦେଖି ହେବ ବୋଲି କୁହାଯାଇଛି। ସାଧାରଣତଃ ସୂର୍ଯ୍ୟ ଗ୍ରହଣ ଖାଲି ଆଖିରେ ଦେଖିବା ମନା କରାଯାଇଥାଏ।