ନୂଆଦିଲ୍ଲୀ: ବିହାର ବିଧାନସଭା ନିର୍ବାଚନ ପାଇଁ ଏନଡିଏ ମଧ୍ୟରେ ଆସନ ବଣ୍ଟନ ଚୂଡ଼ାନ୍ତ ହୋଇଛି। ବିଜେପି ଏବଂ ଜେଡିୟୁ ପ୍ରତ୍ୟେକ ୧୦୧ ଆସନରେ ଲଢ଼ିବେ। ସେହିଭଳି ଚିରାଗ ପାସୱାନଙ୍କ ଦଳକୁ ୨୯ ଆସନ ଦିଆଯାଇଛି। ଜିତନ ରାମ ମାଞ୍ଝିଙ୍କ ଦଳକୁ ଛଅଟି ଆସନ ଦିଆଯାଇଛି।
ବିଜେପି ବିହାର ପ୍ରଭାରୀ ବିନୋଦ ତାୱଡେ କହିଛନ୍ତି ଯେ, ଏନଡିଏ ପରିବାରର ସମସ୍ତ ସଦସ୍ୟ ଏକ ସୌହାର୍ଦ୍ଦ୍ୟପୂର୍ଣ୍ଣ ପରିବେଶରେ ଏବଂ ପାରସ୍ପରିକ ସହମତିରେ ଆଗାମୀ ବିହାର ବିଧାନସଭା ନିର୍ବାଚନ ପାଇଁ ଆସନ ବଣ୍ଟନ ସମାପ୍ତ କରିଛନ୍ତି, ଯେପରିକି:
ବିଜେପି – ୧୦୧ ଆସନ
ଜେଡିୟୁ – ୧୦୧ ଆସନ
ଏଲଜେପି (ରାମ ବିଳାସ) – ୨୯ ଆସନ
ଆରଏଲଏମ – ୬ ଆସନ
ହାମ – ୬ ଆସନ
ବିନୋଦ ତାୱଡେ ଆହୁରି କହିଛନ୍ତି ଯେ, ସମସ୍ତ ଏନଡିଏ ଦଳର ନେତା ଏବଂ କର୍ମୀମାନେ ଏହି ନିଷ୍ପତ୍ତିକୁ ଉତ୍ସାହର ସହିତ ସ୍ୱାଗତ କରିଛନ୍ତି। ସମସ୍ତ ସହଯୋଗୀ ଦଳ ବିହାରରେ ପୁଣି ଥରେ ଏନଡିଏ ସରକାର ଗଠନ କରିବାକୁ ପ୍ରସ୍ତୁତ ଏବଂ ସଂକଳ୍ପବଦ୍ଧ।
