ଭୁବନେଶ୍ବର: ସୁଭଦ୍ରା ଯୋଜନା ନେଇ ଆସିଲା ବଡ ଖବର। ତାହା ହେଲା ଯେ, ଆଜିଠାରୁ ଖୋଲିବ ସୁଭଦ୍ରା ପୋର୍ଟାଲ। ଏହା ମାଧ୍ୟମରେ ମହିଳାମାନେ ସେମାନଙ୍କ ନାମ ପଂଜକରୀଣ କରିପାରିବେ। ଫଳରେ ସେମାନଙ୍କୁ ପାଞ୍ଚ ହଜାର ଟଙ୍କା ଲେଖାଏଁ ମୋଟ ପଚାଶ ହଜାର ଟଙ୍କା ପ୍ରଦାନ କରାଯିବ। ତେବେ ଯେଉଁମାନେ ଯୋଗ୍ୟା ହିତାଧିକାରୀ ସେମାନଙ୍କୁ ଏହି ଯୋଜନାରେେ ସାମିଲ କରାଯାଇଛି।
ତେବେ ଯେଉଁମାନଙ୍କର ଏହି ଯୋଜନା ପାଇଁ ଗତଥର ବୟସ ହୋଇ ନ ଥିଲା ହେଲେ ବର୍ତ୍ତମାନ ଯୋଗ୍ୟ ହୋଇପାରିଛନ୍ତି ସେମାନେ ଏଥିରେ ପଂଜୀକରଣ କରିପାରିବେ। ୨୦୨୫ ମାର୍ଚ୍ଚ ୩୧ ତାରିଖ ସୁଦ୍ଧା ୨୧ ବର୍ଷ ବୟସ ହୋଇଥିବା ମହିଳାମାନେ ସରକାରଙ୍କ ଏହି ଯୋଜନାରେ ସାମିଲ ହେବା ପାଇଁ ଆବେଦନ କରିପାରିବେ। ସେମାନଙ୍କୁ ଏହି ଯୋଜନାରେ ସାମିଲ କରିବା ପାଇଁ ଏହି ପୋର୍ଟାଲ ପୁଣି ଥରେ ଖୋଲାଯାଇଛି।
ଏହି ଯୋଜନାରେ ଯେଉଁମାନେ ବର୍ତ୍ତମାନ ଆବେଦନ କରିବେ ସେମାନେ ଆସନ୍ତା ବର୍ଷା ମାର୍ଚ୍ଚ ଆଠ ତାରିଖରେ ପ୍ରଥମ କିସ୍ତି ଗ୍ରହଣ କରିବେ। ଏହି ଯୋଜନା ପାଇଁ ହିତାଧିକାରୀଙ୍କ ବୟସ 21 ବର୍ଷ କିମ୍ବା ଅଧିକ ଏବଂ 60 ବର୍ଷରୁ କମ ହୋଇଥିବା ଆବଶ୍ୟକ। ଏହି ବୟସ ସୀମାରେ ଆସି ନ ଥିବା ମହିଳାମାନଙ୍କୁ ଏହି ଯୋଜନାରୁ ବାଦ ପଡିବେ। ତେବେ ଯେଉଁମାନେ ସୁଭଦ୍ରା ବୃତ୍ତି ପାଉଥିବେ ସେମାନେ ମଧ୍ୟ ଏହି ଯୋଜନାରୁ ବାଦ ପଡିବେ।