ଭୁବନେଶ୍ଵର: ଚଳିତ ସପ୍ତାହରେ ହିତାଧିକାରୀଙ୍କୁ ମିଳିବ ସୁଭଦ୍ରା ଟଙ୍କା। ଏନେଇ ସୂଚନା ଦେଇଛନ୍ତି ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା। ୪ ଲକ୍ଷ ୫୭ ହଜାର ୬୮୧ମହିଳାଙ୍କୁ ଚଳିତ ଥର ଏହି କିସ୍ତି ପ୍ରଦାନ କରାଯିବ। ନୂତନ ଭାବେ ହିତାଧିକାରୀ ତାଲିକାରେ ଯୋଡ଼ି ହୋଇଥିବା ୧ ଲକ୍ଷ ୭୮ ହଜାର ୩୯୮ ଜଣ ମଧ୍ୟ ପାଇବେ ପ୍ରଥମ କିସ୍ତି। ଏଥିସହିତ ପ୍ରଥମ ଓ ଦିତୀୟ କିସ୍ତିରୁ ବାଦ ପଡ଼ିଥିବା ୨ ଲକ୍ଷ ୫୫ ହଜାର ୨୬୫ ଜଣ ହିତାଧିକାରୀ ଏକା ବେଳକେ ଦୁଇଟି କିସ୍ତି ପାଇବେ।
ସେହିପରି ଅଭିଯୋଗ ଶୁଣାଣିରେ ୨୪ ହଜାର ୧୮ ଜଣ ହିତାଧିକାରୀଙ୍କୁ ସୁଭଦ୍ରାରେ ସାମିଲ କରାଯାଇଥିବା ବେଳେ ସେମାନଙ୍କୁ ମଧ୍ୟ କିସ୍ତି ମିଳିବ। ୨୫୦ କୋଟି ଟଙ୍କାର ସହାୟତା ରାଶି ହିତାଧିକାରୀଙ୍କ ଖାତାକୁ ଯିବ ବୋଲି ଉପ-ମୁଖ୍ୟମନ୍ତ୍ରୀ ଶ୍ରୀମତି ପରିଡ଼ା ସୂଚନା ଦେଇଛନ୍ତି।