ଭୁବନେଶ୍ବର : କୋଭିଡ୍-19ର ବିସ୍ତାର ବିରୁଦ୍ଧରେ ଏକ ବ୍ୟବସ୍ଥିତ ପଦ୍ଧତି ଏବଂ ପୂର୍ବ କାର୍ଯ୍ୟାନୁଷ୍ଠାନ ସହିତ ସଂଗ୍ରାମ ଜାରି ରଖିଥିବାବେଳେ ଓଡ଼ିଶା ସରକାର ରାଜ୍ୟରେ ଶିଳ୍ପ କାର୍ଯ୍ୟକଳାପ ଏବଂ ନିଯୁକ୍ତି ଉତ୍ପାଦନକୁ ଆଗକୁ ବଢେଇବାକୁ ପ୍ରସ୍ତୁତ ଅଛନ୍ତି। ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ 22 ତମ ଉଚ୍ଚ ସ୍ତରୀୟ କ୍ଲିୟରାନ୍ସ ଅଥରିଟି (ଏଚଏଲ୍ସିଏ) ବୈଠକରେ 8850.19 କୋଟି ଟଙ୍କାର ଦୁଇଟି ବିନିଯୋଗ ପ୍ରସ୍ତାବକୁ ଅନୁମୋଦନ କରିଛନ୍ତି । ଏଥିରେ 5250 ଲୋକଙ୍କ ରୋଜଗାର ସମ୍ଭାବନା ସୃଷ୍ଟି ହେବ ।
ଏହି ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବର୍ତ୍ତମାନର ମହାମାରୀ ପରିସ୍ଥିତିରେ ଶିଳ୍ପ ଏବଂ ଏମଏସଏମଇରେ ସୁଧାର ଆଣିବା ଉପରେ ଦୃଷ୍ଟି ଦେବା ପାଇଁ ଏକ ମନ୍ତ୍ରୀସ୍ତରୀୟ କମିଟି ଗଠନ କରିବାକୁ ଘୋଷଣା କରିଛନ୍ତି ଏବଂ ସେମାନଙ୍କୁ ଟ୍ରାକକୁ ଫେରାଇ ଆଣିବା ପାଇଁ ଉପଯୁକ୍ତ ପରାମର୍ଶ ଦେଇଛନ୍ତି। ଆଜି ଡକାଯାଇଥିବା ରାଜ୍ୟ ଏଚ୍ଏଲ୍ସିଏ ବୈଠକରେ ସିଏମ୍ ଏହା ଘୋଷଣା କରିଛି। ଏହି କମିଟିରେ ଅର୍ଥମନ୍ତ୍ରୀ ଶ୍ରୀ ନିରଂଜନ ପୂଜାରୀ, ଶକ୍ତି ମନ୍ତ୍ରୀ ଶ୍ରୀ ସୁଶାନ୍ତ ସିଂ, ଇସ୍ପାତ ଏବଂ ଖଣି ମନ୍ତ୍ରୀ ଶ୍ରୀ ପ୍ରଫୁଲ୍ଲ ମଲ୍ଲିକ ଏବଂ ରାଜ୍ୟ, ଶିଳ୍ପ ଏବଂ ଏମଏସଏମଇ ମନ୍ତ୍ରୀ ଶ୍ରୀ ଦିବ୍ୟା ଶଙ୍କର ମିଶ୍ର ଏହି ଦଳର ସଦସ୍ୟ ରହିବେ ।
ଏହା ପୂର୍ବରୁ ଓଡ଼ିଶା ସରକାରଙ୍କ ମୁଖ୍ୟ ଶାସନ ସଚିବ ଶ୍ରୀ ଅସିତ କୁମାର ତ୍ରିପାଠୀଙ୍କ ଅଧ୍ୟକ୍ଷତାରେ 91 ତମ ରାଜ୍ୟ ସ୍ତରୀୟ ଏକକ ୱିଣ୍ଡୋ କ୍ଲିୟରାନ୍ସ ଅଥରିଟି (SLSWCA) ବୈଠକ ପୂର୍ବରୁ ହୋଇଥିଲା। ଓଡିଶା ସରକାରଙ୍କ ଶିଳ୍ପ ବିଭାଗ, ମୁଖ୍ୟ ସଚିବ ଶ୍ରୀ ହେମନ୍ତ ଶର୍ମାଙ୍କ ଦ୍ଵାରା 251.09 କୋଟିର ପ୍ରସ୍ତାବ ଗୁଡିକୁ ମଞ୍ଜୁରୀ କରାଯାଇଛି । ଏହି ପ୍ରସ୍ତାବଗୁଡ଼ିକ ମଧ୍ୟରେ ମେଟାଲ୍ ଏବଂ ମେଟାଲ୍ ଡାଉନ୍ଷ୍ଟ୍ରିମ୍, ଟେକ୍ସଟାଇଲ୍ ଏବଂ ପୋଷାକ ଏବଂ ଲଜିଷ୍ଟିକ୍ସ ଏବଂ ଇନଫ୍ରାଷ୍ଟ୍ରକ୍ଚର ଭଳି ସେକ୍ଟରରେ ଅନ୍ତର୍ଭୁକ୍ତ ଏବଂ ଏଥିରେ ପ୍ରାୟ 1275 ଜଣଙ୍କ ପାଇଁ ରୋଜଗାର ସୃଷ୍ଟି କରିବାର ସମ୍ଭାବନା ଅଛି । ଏଥିରେ ଚାଇନାର ଏକ କ୍ରୀଡା ଜୋତା ଉତ୍ପାଦନକାରୀ କମ୍ପାନୀର ବିନିଯୋଗ ମଧ୍ୟ ଅନ୍ତର୍ଭୁକ୍ତ ରହିଛି ।
ଏଚ୍ଏଲ୍ସିଏ ଦ୍ବାରା ଦୁଇଟି ବିନିଯୋଗ ପ୍ରସ୍ତାବକୁ ଅନୁମୋଦନ କରିଛନ୍ତି । ଏଥିରେ ମେଷର୍ଷ ଧୂନସେରି ଭେଞ୍ଚାର୍ଷ ପାରାଦୀପରେ 1013.29 କୋଟି ବ୍ୟୟ ରେ ବାର୍ଷିକ, 60 ହଜାର ମେଟ୍ରିକ ଟନ ଉତପସନ କ୍ଷମତା ସହିତ 350 ଲୋକଙ୍କୁ ରୋଜଗାର ଯୋଗାଇ ଦେବ । ସେହିପରି ମେସର୍ସ ରୁଙ୍ଗଟା ମାଇନ୍ସ ଲିମିଟେଡ୍ ର ଇଣ୍ଟିଗ୍ରେଟେଡ୍ ଷ୍ଟିଲ୍ ପ୍ଲାଣ୍ଟ ପ୍ରକଳ୍ପର କ୍ଷମତା 0.9 MTPAରୁ 2.85 MTPA କ୍ଷମତାକୁ ବୃଦ୍ଧି କରିବା ପାଇଁ ପ୍ରସ୍ତାବ ଦେବା ସହ 385 ମେଗାୱାଟର କ୍ୟାପ୍ଟିଭ୍ ପାୱାର୍ ପ୍ଲାଣ୍ଟ ଏବଂ 1.69 MTPA ସିମେଣ୍ଟ ପ୍ଲାଣ୍ଟ (ଦୁଇଟି ପର୍ଯ୍ୟାୟରେ) ରେ, ଧନକାନାଲ ଜିଲ୍ଲା ର ଝାରବନ୍ଧ ଠାରେ ମୋଟ 7836.90 କୋଟି ଟଙ୍କା ବିନିଯୋଗ ରେ ପ୍ରାୟ 4900 ଲୋକଙ୍କୁ ରୋଜଗାର ଯୋଗାଇ ଦେବାକୁ HLCA ଦ୍ୱାରା ଅନୁମୋଦନ ହୋଇଛି ।
ଏସ୍ଏଲ୍ଏସ୍ଡବ୍ଲ୍ୟୁସିଏ ଦ୍ବାରା ଅନୁମୋଦିତ ଚାରୋଟି ପ୍ରକଳ୍ପଗୁଡିକ ହେଉଛି –
ଫୁଟ୍ୱେର୍ ସେକ୍ଟରରେ ମେସସର୍ସ ନିରେନ କୁମାର ଆନନ୍ଦଙ୍କ 62.44 କୋଟି ବିନିଯୋଗ ରେ ବାର୍ଷିକ 1 ମିଲିୟନ୍ ଖଣ୍ଡ ବିଶିଷ୍ଟ ଫୁଟ୍ୱେର୍ ଉତ୍ପାଦନ ୟୁନିଟ୍ ପ୍ରତିଷ୍ଠା ପାଇଁ ପ୍ରସ୍ତାବ ଦେଇଛନ୍ତି ଏଥିରେ ପ୍ରାୟ 620 ଲୋକଙ୍କୁ ନିଯୁକ୍ତି ଦିଆଯିବ । ଏହି ପ୍ରକଳ୍ପ ରାଜ୍ୟରେ ସର୍ବପ୍ରଥମ ଏବଂ ଏହା ଦ୍ଵାରା ରୋଜଗାରର ଅଧିକ ସମ୍ଭାବନା ରହିଛି ।
ମେସର୍ସ କାଶଭି ଇଣ୍ଟରନ୍ୟାସନାଲ (ପି) ଲିମିଟେଡର 55.23 କୋଟି ଟଙ୍କା ବ୍ୟୟରେ.6..6 ଏମଟିପିଏ ଆଇରନ୍ ଓର ପେଲେଟାଇଜେସନ୍ ପ୍ଲାଣ୍ଟ ମଧ୍ୟରେ ଅତିରିକ୍ତ 1.2 MTPA ଆଇରନ୍ ଓର ପ୍ଲାଣ୍ଟ ସ୍ଥାପନ କରିବାକୁ ମଞ୍ଜୁରୀ ହୋଇଛି। ଏଥିରେ ପ୍ରାୟ 50 ଲୋକଙ୍କୁ ରୋଜଗାର ଯୋଗାଇ ଦେବ ।
ସେହିପରି ପୁରୁଷୋତ୍ତମ ଇଣ୍ଡିଆ ପ୍ରାଃ ଲିଃ ଦ୍ୱାରା ଟ୍ୟୁବସ, ପାଇପ୍ ଓ ଫର୍ଣ୍ଣିଚର ଫ୍ରାବିକେସନ୍ ନିର୍ମାଣ ପାଇଁ 53.42 କୋଟି ଟଙ୍କାର ନିବେଶ କରାଯିବ। ଏଥିରେ 200ଜଣ ଲୋକଙ୍କୁ ନିଯୁକ୍ତି ସୁଯୋଗ ମିଳିବ। ଏହି ପ୍ରକଳ୍ପକୁ ମଧ୍ୟ ସିଙ୍ଗଲୱଣ୍ଡୋ କ୍ଲିଅରାନ୍ସ ମିଳିଛି। ସେହିପରି ଓଡ଼ିଶା କାରିୟର ଆଣ୍ଡ ଟ୍ରେଡ୍ ପକ୍ଷରୁ 3ଟି ଲଜିଷ୍ଟିକ ପାର୍କ ସ୍ଥାପନ ପାଇଁ 80କୋଟି ଟଙ୍କାର ପୁଞ୍ଜିନିବେଶ ପ୍ରକଳ୍ପକୁ ସିଙ୍ଗଲୱିଣ୍ଡୋ କ୍ଲିଅରାନ୍ସ ମିଳିଛି। ଏଥିରେ 405ଜଣ କର୍ମନିଯୁକ୍ତିର ସୁଯୋଗ ମିଳିବ। ମେସର୍ସ ଓଡିଶା କ୍ବାରିଆର୍ଷ ଏଣ୍ଡ ଟ୍ରେଡିଙ୍ଗ ରାଜ୍ୟରେ ତିନୋଟି ଲୋଜିଷ୍ଟିକ୍ସ ପାର୍କ ସ୍ଥାପନ କରିବ ଯେଉଁଥିରେ 80 କୋଟି ଟଙ୍କା ବିନିଯୋଗ ହେବ ଏବଂ ଏହା 405 ଜଣଙ୍କ ପାଇଁ ଅତିରିକ୍ତ ନିଯୁକ୍ତି ସୁଯୋଗ ଯୋଗାଇବ ।